Շաբաթ, 16 Հունվարի 2010 14:43

Հայաստանի տնտեսության մեջ EBRD ներդրումները 2010թ.կկազմեն 85-100 մլն.եվրո

ArmInfo. Հայաստանի տնտեսության մեջ Վերակառուցման և զարգացման եվրոպական բանկի (EBRD) 2010 թվականին, 2009 թվականի համեմատ կաճեն մոտ 18%, կազմելով 100 մլն.եվրո: Այս մասին ԱրմԻնֆո գործակալության թղթակցի հետ զրույցում հայտարարել է EBRD երևանյան գրասենյակի ղեկավար Վալերիու Ռազլոգը (Valeriu Razlog), նշելով, որ եթե աճը չհաջողվի ապահովել, ապա այն կգտնվի անցյալ տարվա`85 մլն.եվրո-ի սահմաններում:

Նրա խոսքերով, ներկայումս Եվրոբանկը գտնվում է իր հաճախորդների պահանջարկների-առաջարկների վերլուծության փուլում: Նրա կանխատեսումներով, ֆինանսավորման սպասվող ծավալների 1/3-ը կիրականացվի տեղական առևտրային բանկերի միջոցով: ՙՄենք կշարունակենք հայկական բանկերին առաջարկել մեր ավանդական պրոդուկտները`առևտրի, փոքր և միջին բիզնեսի ֆինանսավորման: Դրանից բացի, մենք հուսով ենք մասնակցել նոր բանկերի, ինչպես նաև մեր ներկայիս հաճախորդների կապիտալում՚,-ընդգծել է Վ.Ռազլոգը:

Նա նաև տեղեկացրել է, Եվրոբանկի սպասելիքներով Հայաստանը դուրս է գալիս ճգնաժամից, սակայն դա ավելի նկատելի կդառնա 2010 թվականի երկրորդ կիսամյակում: ՙՄենք սպասում ենք երկրում տնտեսական ակտիվության աճ, ինչն առաջ կբերի ֆինանսավորման անհրաժեշտություն, իսկ նման դեպքում բանկային հատվածի դերը նշանակալիորեն կաճի՚,-ընդգծել է Վ.Ռազլոգը: Միաժամանակ նա նշել է, որ 2009 թվականին Հայաստանի տնտեսության մեջ EBRD կողմից վարկավորման ծավալները աճել են 70%-ով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.74	-0.03
USD	381.47	-0.03
EUR	446.97	-0.30
GBP	510.45	1.03
CAD	276.57	-0.32
JPY	24.25	-0.23
CNY	54.18	0.00
CHF	479.96	0.09

Նորություններ

Հայաստանի տնտեսության մեջ EBRD ներդրումները 2010թ.կկազմեն 85-100 մլն.եվրո