Չորեքշաբթի, 13 Հունվարի 2010 14:59

Ամերիաբանկը 30 մլն դոլարի վարկ կներգրավի FMO-DEG-ից

ArmInfo. Ամերիաբանկն ավարտել է բանակցությունները զարգացման ֆինանսական երկու նշանավոր կազմակերպությունների` FMO-ի (Nederlandse. Financierings-Maatschappij voor. Ontwikkelingslanden N.V.) և DEG-ի (Deutsche Investitions- und Entwicklungsgesellschaft mbH) հետ` պարտքային ֆինանսավորման ներգրավման ուղղությամբ:

Ինչպես ԱրմԻնֆո գործակալությանը հաղորդեցին Ամերիաբանկի մամուլի ծառայությունից, վերոհիշյալ կազմակերպություններից ներգրավվելու է 30 մլն ԱՄՆ դոլարի չափով վարկ, որից 20 մլն ԱՄՆ դոլարը` բիզնեսի վարկավորման համար, իսկ 10 մլն ԱՄՆ դոլարը` վերականգնվող էներգետիկայի ոլորտի փոքր հիդրոէլեկտրակայանների կամ հողմակայանների վարկավորման համար: Վարկերը տրամադրվելու են շուկայում գործող մարման ժամկետներից զգալիորեն երկար ժամկետներով:

Բիզնեսի վարկերը նախատեսված են բոլոր այն կազմակերպությունների համար, որոնց տարեկան շրջանառությունը կազմում է 5 մլն դրամից մինչև 5 մլրդ դրամ, իսկ աշխատակիցների թվաքանակը` մինչև 250: Տրամադրվող վարկերի գումարը կարող է հասնել մինչև 1.5 մլն ԱՄՆ դոլարի, իսկ վերականգնվող էներգետիկայի ոլորտի ձեռնարկություններին կարող են տրամադրվել վարկեր` մինչև 5 մլն ԱՄՆ դոլարի չափով:

Ամերիաբանկի կողմից FMO և DEG միջազգային խոշորագույն կազմակերպություններից բացառիկ պայմաններով ներգրավվելիք գումարները մեծապես կնպաստեն Բանկի կողմից արդեն իրականացվող վարկավորման ծրագրերի բարեհաջող իրագործմանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Ամերիաբանկը 30 մլն դոլարի վարկ կներգրավի FMO-DEG-ից