Հայաստանում անհրաժեշտ է ստեղծել շարժական գույքի միասնական բազա

Նրա խոսքերով, առաջին տարին չէ, որ Հայաստանի բանկային համակարգի առջև առաջացել է շարժական գույքը գրանցելու խնդիրը, իսկ ճգնաժամային պայմաններում այն դարձել է ավելի արդիական: ՙԵթե անցյալում վարկերի վերադարձելիությունը գտնվում էր բարձր մակարդակւ վրա, ապա այժմ, հայտնի պատճառներով, այն գտնվում է ցածր մակարդակի վրա: Այդ դեպքում առաջանում են խնդիրներ, այդ թվում նաև կապված գրավի առարկան փնտրելու և իրացնելու հետ՚,-ընդգծել է Ա.Ղուկասյանը, նշելով, որ պրոբլեմը կապված է ոչ միայն բանկերի, այլ նաև երկրում գործող մյուղ կառույցների հետ:

Դրանից բացի, Ա.Ղուկասյանը նշել է, որ ներկայումս կան մի շարք օրենսդրական հակասություններ, որոնք խանգարում են բանկերի նորմալ գործունեությանը: Նրա խոսքերով, ՀԲՄ-ն և ՀՀ ԿԲ-ն և Կառավարությանն առընթեր Պետեկամուտների տեսչությունը ներկայումս աշխատում են անբարեխիղճ վարկառուներից դատական կարգով գույքի օտարման պրոբլեմը մեղմելու ուղղությամբ: ՙԳոյություն ունի քաղաքացիական օրենսգիրք, որի շրջանակներում, բանկը, որպես կրեդիտոր ունի անբարեխիղճ վարկառուների գույքի վաճառքից ստացված միջոցները տնօրինելու իրավունք՚, ընդգծել է ՀԲՄ նախագահը, նշելով, որ Հարկային օրենսդրությունում կան այդ պրոցեդուրան խորնդոտող հոդվածներ: Ա.Ղուկասյանը գտնում է, որ մրցունակ բանկային համակարգ ձևավորելու և հետագայում արտասահմանյան ֆինանսական կառույցներից նոր ներդրումներ ներգրավելու համար, հարկավոր է հրաժարվել նմանօրինակ անորոշություններից: