Հինգշաբթի, 21 Հունվարի 2010 09:09

Հայաստանի պետպարտատոմսերի երկրորդային շուկայի շրջանառությունը 2009 դեկտեմբերին աճել է 62 տոկոսով, կազմելով 6.3 մլրդ.դրամ

ArmInfo. Հայաստանի պետպարտատոմսերի երկրորդային շուկայի շրջանառությունը 2009 թվականի դեկտեմբերին աճել է 62%, կազմելով 6.3 մլրդ.դրամ, իսկ տարվա կտրվածքով այս ցուցանիշն աճել է 65.8%: Ինչպես Արմինֆո գործակալությանը հայտնեցին ՀՀ Ֆինանսների նախարարության Պետպարտքի կառավարման դեպարտամենտից, պետպարտատոմսերի երկրորդային շուկային 2009 թվականի հունվարին, մարտին և հոկտեմբերին ՀՀ ԿԲ չի մասնակցել:

Հաշվետու ամսում (դեկտեմբեր) պետօարտատոմսերի երկրորդային շուկայւմ ամենամեծ ծավալով գործարքներն իրականացվել են միջնաժամկետ պարտատոմսերով` ավելի քան 80%: Կարճաժամկետ պարտատոմսերով իրականացված գործարքների ծավալը կազմել է 20% և երկարաժամկետ պարտատոմսերով դեկտեմբերին գործարքներ չեն կատարվել:

Աղբյուրի համաձայն, ընթացիկ տարվա դեկտեմբերին գործարքների օրական միջին ծավալները կազմել են 184.5 մլն.դրամ`միջին հաշվով օրական 5 գործարք, իսկ միջին կշռված եկամտաբերությունը կազմել է 12.0621%: Ընդ որում, դեկտմբերին միջին եկամտաբերությունը աճել է 0.9 տոկոսային կետով, իսկ տարվա կտրվածքով` 3.2 տոկոսային կետով:

Ընդհանուր առմամբ, 2009 թվականին պետպարտատոմսերի երկրորդային շուկայի շրջանառությունը կազմել է 115.6 մլրդ.դրամ, իսկ միջին կշռված եկամտաբերությունը` 11.5477%: Ընդ որում, ամենաշատ`19.9 մլրդ.դրամի գործարքներ տեղի են ունեցել միայն հունիսին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի պետպարտատոմսերի երկրորդային շուկայի շրջանառությունը 2009 դեկտեմբերին աճել է 62 տոկոսով, կազմելով 6.3 մլրդ.դրամ