ՎԶԵԲ-ի աջակցությունը կդիվերսիֆիկացնի ՙԱՐՄՍՎԻՍԲԱՆԿ՚-ի ֆինանսավորման աղբյուրները և կխթանի նրա ռազմավարությունը ՓՄՁ-ների վարկավորման զարգացման հարցում: ՎԶԵԲ-ի տրամադրած վարկային գծի միջոցները կօգտագործվեն Հայաստանի ՓՄՁ-ների վարկավորման համար:
Բացի այդ, ՎԶԵԲ-ը Առևտրի Զարգացման Ծրագրի շրջանակներում ՙԱՐՄՍՎԻՍԲԱՆԿ՚-ին տրամադրում է 3 մլն ԱՄՆ դոլարի առևտրի ֆինանսավորում, որը ՙԱՐՄՍՎԻՍԲԱՆԿ՚-ին հնարավորություն կտա մեծացնել տեղական ներմուծող-արտահանող ընկերություններին ցուցաբերվող աջակցությունը` երաշխավորելով նրանց միջազգային առևտրի ֆինանսավորման և ֆակտորինգային պարտավորությունները և տրամադրելով արտահանմանը նախորդող և հաջորդող ֆինանսավորում, ինչպես նաև արտասահմանյան առևտրի պայմանագրեր կնքելու համար անհրաժեշտ շրջանառու կապիտալ և այլ ֆինանսավորում:
ՙՎԶԵԲ-ը պատրաստակամությամբ աջակցում է ՙԱՐՄՍՎԻՍԲԱՆԿ՚-ի հետագա զարգացմանը: ՙԱՐՄՍՎԻՍԲԱՆԿ՚-ը կարևոր դեր է խաղում Հայաստանի բանկային ոլորտում, դիվերսիֆիկացնելով երկրի ֆինանսական ենթակառուցվածքը: Գործարքը կնպաստի Հայաստանում ՓՄՁ-ների համար շատ անհրաժեշտ վարկավորման հնարավորությունների ընդլայնմանը և կխթանի երկրի կապիտալի շուկաների զարգացումը՚, - նշել ՎԶԵԲ-ի երևանյան գրասենյակի ղեկավար Վալերիու Ռազլոգը: ՎԶԵԲ-ի 5 մլն ԱՄՆ դոլարի վարկը տրամադրվելու է վերջերս հաստատված 100 մլն ԱՄՆ դոլարի Հայաստան Բազմաբանկ Շրջանակային Ծրագրի /Armenia Multi-Bank Framework Facility II/ ներքո, որի նպատակն է աջակցել Հայաստանում ֆինանսական միջամտության ծավալի ընդլայնմանը, տեղական առեվտրային բանկերին և ոչ-բանկային ֆինանսական հաստատություններին միջնաժամկետ վարկային գծեր տրամադրելու միջոցով` կոմերցիոն հաճախորդներին վարկավորելու համար: 2006 թվականից Հայաստան Բազմաբանկ Շրջանակային Ծրագրի ներքո Հայաստանում գործող 11 բանկերին և ոչ-բանկային ֆինանսական հաստատություններին տրամադրվել է ավելի քան 110 մլն ԱՄՆ դոլար: Առ այսօր, Առևտրի Զարգացման Ծրագրում ներգրավված է ավելի քան 120 թողարկող բանկ ՎԶԵԲ-ի գործունեության 20 երկրներում, որից 7-ը Հայաստանում են, ինչպես նաև մոտ 718 հաստատող բանկ ամբողջ աշխարհում: Առևտրի Զարգացման Ծրագրի շրջանակներում Հայաստանում իրականացվել է ավելի քան 290 գործարք, որոնց ընդհանուր գումարը կազմում է 25 մլն ԱՄՆ դոլար:
Հայաստանում ՎԶԵԲ-ի գործունեության ընթացքում տրամադրվել է ավելի քան 335 միլիոն Եվրո` ֆինանսական, մասնավոր բիզնեսի, ենթակառուցվածքների և էներգետիկայի ոլորտներում մոտ 70 ծրագիր ֆինանսավորելու համար:
Իր ելույթում ՀՀ ԿԲ փոխնախագահ Վաչե Գաբրիելյանը նշել է, որ ԿԲ ողջունում է տեղական առևտրային բանկերի և արտասահմանյան կառուցների միջև համագործակցությունը, այդ թվում նաև ՎԶԵԲ-ի հետ: Նրա խոսքերով, ԿԲ հատուկ կարևորություն է տալիս ՓՄՁ ոլորտի վարկավորմանը: ՙԻնչպես հայտնի է, անցյալ տարի, ճգնաժամի պայմաններում, տեղական բանկերը կարողացան վերակառուցել իրեմց վարկային պորտֆելները և խոշոր ռեսուրսներ ուղղել ՓՄՁ վարկավորմանը և տնտեսությանը, ինչի արդյունքում բանկային համակարգի ընդհանուր վարկային պորտֆելն աճեց՚,-ընդգծել է Վ.Գաբրիելյանը: Նա հատուկ նշել է ռուսական ստաբիլիզացիոն վարկի միջոցներով ՓՄՁ վարկավորման ծրագիրը: Դրանից բացի, նրա խոսքերով, շարունակվում է ՀԲ ծրագրի ՓՄՁ վարկավորման ծրագրի իրականացումը: ՙՈւրախալի է, որ ՎԶԵԲ-ը շարունակում է միջոցներն ուղղել ՓՄՁ վարկավորմանը, որոնք, հուսով եմ, օպերատիվերոն կփոխանցվեն տնտեսվարող սուբյեկտներին՚,-ընդգծել է ԿԲ փոխմախագահը:
ՎԶԵԲ-ը, որը պատկանում է 60 երկրների և երկու միջկառավարական հաստատությունների, աջակցում է կենտրոնամետ պլանային տնտեսությունների անցմանը շուկայականի Կենտրոնական և Արևելյան Եվրոպայում և Կենտրոնական Ասիայում:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները