Նա տեղեկացրել է, որ անցյալ տարի բանկը իրականացրել է արտաքին ֆակտորինգի միայն մեկ գործարք: ՙՄեր ֆակտորինգային գործիքները յուրահատուկ են` արտաքին ֆակտորինգի դեպքում բանկի հաճախորդի ռիսկը գնահատում և իր վրա է վերցնում մեր արտասահմանյան գործընկերը և, սակայն, քանի որ օտարերկրյա ընկերությունները կարողեն լինել ոչ բավականաչափ վճարունակ, մեր հաճախորդները հրաժարվում են ֆակտորինգային պայմանագրեր կնքելուց՚,-նկատել է նա: Դրա հետ միկտեղ Գ.Մաչանյանը նշել է, որ յուրաքանչյուր հաճախորդի հետ գարծարքի պայմաններն առանձնահատուկ են, կապված ընկերության պատմության, ռիսկերի, գործարքների գումարի հետ:
Միաժամանակ նա գտնում է, որ Եվրոբանկի հետ համագործակցությունը Արմսվիսբանկին թույլ կտա ավելի ակտիվանալ ֆակտորինգային շուկայում, ավելացնելով ծավալները:
Գ Մաչանյանը տեղեկացրել է նաև, որ բանկը նախատեսում է մինչև 2010 թվականի ավարտը 45%-ով ավելացնել վարկային ընդհանուր պորտֆելը, հասցնելով այն 14 մլրդ.դրամի:
