Նրա խոսքերով, կորպորատիվ պարտատոմսերի գծով, որոնք ըստ շուկայի ցուցանիշների առաջատար ֆինանսական գործիք են հանդիսացել տարվա ընթացքում, գրանցվել է առևտրի ծավալների մոտ 4.7 անգամ ավելացում` մինչև 10.55 մլրդ ՀՀ դրամ, իսկ գործարքների թիվը` նախորդ տարվա համեմատ կրկնապատկվելով, կազմել է 719: Բորսայական շուկայում առևտրի առավելագույն ծավալներ են գրանցվել ՙԷլիտ Գրուպ՚ ՓԲԸ-ի (ELTGB2), ՙՇեն Կոնցեռն՚ ՓԲԸ-ի (SHNCB4) և ՙԷյչ-Էս-Բի-Սի Բանկ Հայաստան՚ ՓԲԸ-ի (HSBCB1) կորպորատիվ պարտատոմսերով: 2009 թվականին բորսայում ցուցակվել է կորպորատիվ պարտատոմսերի չորս նոր թողարկում:
Նրա կարծիքով, բավականին ակտիվ է եղել նաև պետական պարտատոմսերով առևտուրը` կնքվել է թվով 191 գործարք` 2.4 մլրդ ՀՀ դրամ ընդհանուր ծավալով, ինչը նախորդ տարվա նույն ցուցանիշների ավելացում է, համապատասխանաբար, 135%-ով և 43%-ով: ՌԵՊՈ գործիքներով առևտրի տարեկան ծավալը գերազանցել է 5 մլրդ ՀՀ դրամը (հարթակը գործարկվել է 2008թ.-ի դեկտեմբերին): Տարվա ընթացքում արտարժույթի հարթակում կնքված գործարքների ընդհանուր ծավալը (դրամային արտահայտությամբ) կազմել է 372.93 մլրդ ՀՀ դրամ, ինչև 10%-ով ավել է նախորդ տարվա ցուցանիշից: 2009թ.-ին այս հարթակում գործարքներ են կնքվել միայն ԱՄՆ դոլարով. Եվրոյով գործարք չի կնքվել: Հարկ է նշել, սակայն, որ արտարժույթով արտահայտված առևտրի ծավալը կազմել է 1,079 մլն ԱՄՆ դոլար, ինչը 2.4%-ով պակաս է 2008թ.-ի ծավալից: Ինչպես և նախորդ տարիներին, բաժնետոմսերի բորսայական հարթակն առավել պակաս ակտիվ հարթակն է եղել: Բորսայում բաժնետոմսերով առևտրի ընդհանուր գումարը կազմել է 98 մլն ՀՀ դրամ, 2008թ.-ի համապատասխան ցուցանիշի համեմատությամբ կրճատվելով 63%-ով: Այս հարթակում առավել ակտիվ են շրջանառել ՙԱլմաստ՚ ԲԲԸ-ի (ALMS), ՙԶարգացման հայկական բանկ՚ ԲԲԸ-ի (ZHBK) և ԱՐԱՐԱՏԲԱՆԿ ԲԲԸ-ի (ARBK) բաժնետոմսերը: 2009 թվականի տարեվերջին շուկայի կապիտալիզացիան կազմել է 53.1 մլրդ ՀՀ դրամ, 2008թ.-ի տարեվերջի համեմատ նվազելով 1.7%-ով, ինչը համեմատաբար դրական զարգացում է, հաշվի առնելով գլոբալ ֆինանսական ճգնաժամի շարունակվող ազդեցությունը: 2009թ.-ը նշանավորվեց նաև Հայաստանում իրականացված բաժնետոմսերի առաջին առաջնային տեղաբաշխմամբ (IPO). այն իրականացվեց ՙԱրցախ ՀԷԿ՚ ԲԲԸ-ի կողմից, որի բաժնետոմսերն այժմ ցուցակված և շրջանառում են ՆԱՍԴԱՔ ՕԷՄԷՔՍ Արմենիա-ում AHEK բորսայական հապավմամբ:
2009 թվականին Հայաստանի կենտրոնական դեպոզիտարիան (ՀԿԴ) ևս շարունակել է ծառայություններ մատուցել ֆիզիկական և իրավաբանական անձ հանդիսացող հաճախորդներին: Տարեվերջի դրությամբ ՀԿԴ-ի կողմից սպասարկվող արժեթղթերով անձնական հաշիվների թիվը կազմել է 156,430, որոնցից 2,540-ը` 2009թ.-ի ընթացքում բացված նոր հաշիվներ են: 370-ով ավելացել է նաև ՀԿԴ-ի միջոցով իրենց արժեթղթերի սեփականատերերի ռեեստրը վարող ընկերությունների թիվը, տարեվերջին կազմելով 1,527:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%