Հինգշաբթի, 11 Փետրվարի 2010 14:13

Կապիտալ Ասեթ Մենեջմենթ՚-ի ղեկավարն ակնկալում է 2 տարի անց Հայաստանի ֆոնդային շուկայի էական բարելավում

ArmInfo.
Այսօր Հայաստանի կապիտալի շուկայի դինամիկ զարգացումն արգելակող գլխավոր խնդիրը երկար դրամական ռեսուրսների բացակայությունն է, որոնց ներհոսքը տնտեսություն կարող են ապահովել միայն ապահովագրական ընկերությունները, կենսաթոշակային և ներդրումային հիմնադրամները: ԱրմԻնֆո-ի թղթակցի հետ զրույցում այդպիսի կարծիք է հայտնել ՙԿապիտալ Ասեթ Մենեջմենթ՚ ներդրումային ընկերության գլխավոր տնօրեն Տիգրան Կարապետյանը: Ըստ որում, փորձագետը նշել է, որ ապահովագրական ապրանքը համեմատաբար ճանաչելի է հասարակայնության շրջանում, իսկ դրա որակը, հաշվի առնելով Հայաստանի տնտեսական իրողությունները, բավական լավ է: ՙԱվտոքաղաքացիական պատասխանատվության պարտադիր ապահովագրության /ԱՔՊՊԱ/ ներդրումն էլ ավելի կակտիվացնի ապահովագրական հատվածը`ապահովելով ՙերկար փողերի՚ ներհոսքը տնտեսություն:

Այդպիսով, փորձագետի կարծիքով, ԱՔՊՊԱ ներդրումը և կենսաթոշակային բարեփոխումն ըստ էության կապահովի կենսականորեն անհրաժեշտ երկարաժամկետ դրամական ռեսուրսների ներհոսքը, ինչից հետո, ինչպես հավաստիացրել է գլխավոր տնօրենը, արդեն 2013-2014 թթ. սկսած`Հայաստանի կապիտալի շուկան, նոր ֆինանսական գործիքների ի հայտ գալուն զուգահեռ, սկսի գործել:

Խոսելով ընթացիկ տարում շուկայում նոր թողարկողների ի հայտ գալու հնարավորության մասին`գլխավոր տնօրենը տեղեկացրել է, որ ընթացիկ տարում հրապարակային տեղաբաշխումներ պետք չէ սպասել`չբացառելով փակ տեղաբաշխմամբ կորպորատիվ պարտատոմսերի թողարկման հնարավորությունը, որոնք նախատեսված են գնորդների որոշակի`նեղ շրջանակի համար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Կապիտալ Ասեթ Մենեջմենթ՚-ի ղեկավարն ակնկալում է 2 տարի անց Հայաստանի ֆոնդային շուկայի էական բարելավում