Չորեքշաբթի, 24 Փետրվարի 2010 12:17

ՌԵՍՈ-Գարանտիան՚ հենվում է մանրածախի վրա

ԱրմԻնֆո. 2008 թվականի նեյեմբերին Հայաստանի ապահովագրական շուկայում գրանցվեց մի նոր մասնակից, ռուսական ՙՌԵՍՈ-Գարանտիա՚ ապահովագրական ընկերության դուստր` ՙՅունիռեսո՚ ապահովագրական ընկերությունը, որը հետագայում վերանվանվեց ՙՌԵՍՈ՚: Հայաստանի մանրածախ ապահովագրական շուկայում առաջինը լինելու ամբիցիաներով զինված այդ նոր ընկերությունն իր ակտիվ գործունեությունը սկսեց 2009 թվականի ամռանից: Տեղին է նշել, որ ապահովագրական շուկայում մրցակցությունն սկսել է կրել ավելի կոշտ բնույթ, մի կողմից, ապահովագարական ոլորտի թերի զարգացման և հաճախորդների բազայի սահմանափակության, իսկ մյուս կողմից էլ, նոր խոշոր մասնակիցների հայտնվելու շնորհիվ: Թե ինչ արդյունքների է հասել ՙՌԵՍՈ՚-ն այս ժամանակահատվածում, ԱրմԻնֆո գործակալության թղթակցին պատմում է ընկերության տնօրեն Մուշեղ Սահակյանը:

Պրն. Սահակյան, ՙՌԵՍՈ՚ ապահովագրական ընկերության հիմնադիրները բազմիցս հայտարարում էին բարձր նշանաձողի մասին և կանխատեսում էին կարճ ժամանակահատվածում գրավել առաջատար դիրքեր: Նման միտումները նոր չեն և ամեն մի նոր ընկերություն ՙսպառնում է՚ դառնալ առաջատար, սակայն շուկայում կան օրինակներ, երբ բավականին մեծ կապիտալով շուկա մտած ապահովագրողը հիմնական ցուցանիշներով դեռևս եզրափակում է ապահովագրողների ցուցակը: Ինչպե՞ս են ՙՌԵՍՈ՚-ի գործերը:

Մեր նպատակները չեն փոխվել, մենք մտադիր ենք 1-2 տարիների ընթացքում դառնալ համար 1 ընկերությունը մանրածախ ապահովագրության ոլորտում, չնայած լուրջ մրցակիցների առկայությանը: Հայաստանի փոքր և բարդ շուկա է և այստեղ ձևավորվել են ՙսիցիլիական՚ հարաբերություններ, սակայն ինչպես փորձն է ցույց տալիս, այն հատվածներում, որտեղ կա մրցակցություն, ժամանակի ընթացքում հաղթում է նա, ով ապահովում է ծառայությունների բարձր որակ: Այսինքն, գործընկերոջ ընտրության հարցում բարեկամական և ազգակցական հարաբերությունները շատ շուտով դադարում են որոշիչ լինելուց: Օրինակ, վերջերս մենք ապահովագրեցինք ՙԶվարթնոց՚ և ՙՇիրակ՚ օդանավակայանները, որոնք մինչ այդ, երկար ժամանակ, ապահովագրվում էին այլ ապահովագրողի կողմից: Ես վստահ եմ, որ օդանավակայանի սեփականատիրոջ համար վճռորոշ դեր խաղացին մեր ապահովագրության պայմանները և ոչ միայն սակագները, ինչպես նաև այլ պարամետրեր, այդ թվում` փոխկապակցվածությունը ֆրանսիական AXA ապահովագրոական ընկերության և EBRD միջազգային ֆինանսական ինստիտուտի հետ (ՙՌԵՍՈ-Գարանտիա՚-ի միջոցով):

Այսինքն, այնուամենայնիվ, խոշոր հաճախորդները հետաքրքրո՞ւմ են ՙՌԵՍՈ՚-ին:

Խոշոր հաճախորդները, դա, իհարկե, հետաքրքիր թեմա է, սակայն մենք հենվում ենք հիմնականում մանրածախ ապահովագրության վրա, որը կապահովի ապահովագրական պրեմիաների ընդհանուր ծավալների 80 տոկոսը: Մենք ակտիվ ենք մեզ համար գարակայելի համարվող հատվածներում և շուտով նախատեսում ենք գրավել մեր համապատասխան ՙդիրքը՚, ի հաշիվ մանրածախ ապահովագրության:

Ի՞նչ արդյունքների է հասել ընկերությունն այսօրվա դրությամբ:

Ֆինանսական կազմակերպությունների կայացման համար սովորաբար տասնամյակներ են պահանջվում, սակայն 8 ամիսների ընթացքում մենք շատ բանի ենք հասել: Սկսվել է մանրածախ վաճառքների գործընթացը, ձևավորվել է գործակալների ցանցը: Մասնավորապես, Համաստանում առաջին անգամ մենք բացեցինք ապահովագրական գործակալների դպրոց, որտեղ առաջնային թեստերը հանձնելուց հետո ցանկացողներն անցնում են մեկշաբաթյա դասընթացներ: Դպրոցն արդեն ունի մոտ 80 շրջանավարտ: Մենք աշխատում ենք մի շարք բանկերի հետ` ինչպես գործակալական համաձայնագրերով, այնպես էլ պայմանագրային հիմքերով, սակայն վաճառքների հիմնական ուղղությունները կիրականացնեն գործակալները: Սա մեր բաժնետեր Սերգեյ Սարկիսովի սկզբունքն է, ով 18 տարում Ռուսաստանում ստեղծեց ՙՌԵՍՈ-Գարանտիա՚ հզոր ապահովագրական ընկերությունը: Նա մասշտաբային գովազդներ չի իրականացնում, չունի շքեղ գրասենյակներ, սակայն ունի կայացած գործակալական ցանց և գործակալների լավագույն դպրոցը: Մասնավորապես, ՙՌԵՍՈ-Գարանտիա՚-ի գործակալների թիվը հազնում է 20 հազարի: Մենք գործում ենք մեր բաժնետիրոջ սկզբունքներով և ներդրումները կատարում ենք մարդկային գործոնին: Մեր գործակալները ստանում են բարձր կոմիսիոն վճարներ, և շատ հաճախ, մեկ գործակալի աշխատավարձը գերազանցում է ընկերության TOP-մենեջերի աշխատավարձը: ՙՌԵՍՈ՚-ի գործակալի ֆունկցիոնալ պարտականնությունների առավելությունը հաճախորդի հետ կոնսուլտացիաներն են` ոչ միայն մինչև պայմանագիրը ստորագրելը, այլ նաև պայմանագրի ամբողջ գործողության ընթացքում, մանավանդ ապահովագրական պատահար առաջանալիս: Տվյալների հավաքագրումը, կրիտիկական իրավիճակում հայտնվածին, այսպես կոչված, առաջնային կոնսուլտացիոն օգնությունը, հատուցումների մեր բաժնից բացի իրականացնում են նաև մեր գործակալները: Այսինքն, գործակալները ոչ միայն Պոլիսներ են վաճառում, այլ նաև աջակցում են իրենց հաճախորդներին:

Ձևավորված է նաև ավտոապահովագրության վաճառքի համակարգը: Այդ հատվածը մեզ համար կարևորագույններից է: Օրինակ, ԿԱՍԿՈ-ն մեզ մոտ մի շարք տարբերություններ ունի` ինչպես ներքին բնույթի, կապված Պոլիսի սպասարկման ձևի հետ, այնպես էլ հատուցումների գնահատման և վճարման չափերի հետ: Ամեն մի մեքենայի համար մենք ունենք առանձին ՙգործ՚: Ապահովագրության պայմանագիրն ստորագրելիս մեքենան լուսանկարվում է առնվազն 10 տարբեր դիրքերից, չէ՞ որ, եթե մենք չիմանանք թե ինչ ենք ապահովագրում, ապա մենք չենք էլ կարող իմանալ, թե ինչպես փոխհատուցել: Օրինակ, վերջերս մեր հաճախորդներից մեկը ճաքած լուսարձակի փոխհատուցմամբ դիմել էր մեզ, սակայն ինչպես վկայում էին առաջնային լուսանկարները, տվյալ պրոբլեմն առկա է եղել մինչ ապահովագրության ձևակերպումը, հետևաբար, այն փոխհատուցման ենթակա չէ: Իրավիճակը պարզելուց հետո մեր հաճախորդը, ժպիտը դեմքին, ասաց, որ ինքը պարզապես ուզում էր տեսնել, թե մենք ինչքան լավ ենք աշխատում:

Եվս մի առավելություն` դա փորձագետների խմբի կենտրոնացվածությունն է: Մասնավորապես, հետվթարային վերլուծությունը` տրասալոգիան, մեզ օգնում է իրականացնել Մոսկվայում տեղակայված փորձագետների խումբը: Ինչպես ցույց է տալիս ՙՌԵՍՈ-Գարանտիա՚ ապահովագրական ընկերության փորձը, մեծ աշխարհագրական ընդգրկման դեպքում կենտրոնացումը դառնում է անհրաժեշտություն, քանի որ շատ դժվար է բոլոր տարածաշրջաններում ունենալ գրագետ նմասնագետներ: Տվյալ դեպքում հեռավորությունները դեր չեն խաղում, քանի որ փորձագետների հետ կապն իրականացվում է on-line ռեժիմով:

Պրն.Սահակյան, ինչ ակնկալիքներ ունի ՙՌԵՍՈ՚-ն 2010 թվականին:

Ընթացիկ տարին ՙՌԵՍՈ՚-ի համար միանշանակ է, որ կլինի հաջողված: Թվեր նշել չէի ուզենա, սակայն դեպի առաջատարի դերքերը մեր կողմնորոշումները մնում են ուժի մեջ: Մենք պետք է ակտիվորեն առաջանանք մեզ համար կարևորագույնը հանդիսացող հատվածներում, որոնք են` անշարժ գույքի ապահովագրությունը և ԿԱՍԿՈ-ն, ինչպես նաև կպատրաստվենք ավտոքաղաքացիական պարտադիր ապահովագրությանը:

Հարցազրույցը վարեց Տատյանա Մկրտչյանը

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

ՌԵՍՈ-Գարանտիան՚ հենվում է մանրածախի վրա