Երեքշաբթի, 9 Մարտի 2010 18:23

Byblos Bank Armenia-ն 10 մլն.դոլարի սինտետիկ վարկ է ստանում EBRD-ից

ԱրԻնֆո. ՎԶԵԲ-ը մեծացնում է Հայաստանում մասնավոր բիզնեսներին տրամադրվող ֆինանսավորման մատչելիությունը` տրամադրելով Բիբլոս Բանկ Արմենիային 10 մլն ԱՄՆ դոլարի վարկավորում, որը Հայաստանում ՎԶԵԲ-ի ֆինանսավորման պատմության մեջ առաջին անգամ կներառի
տեղական արժույթի բաղադրիչը: ՎԶԵԲ-ի այս վարկային ծրագիրը, որը հետագայում ուղղվելու է մասնավոր ձեռնարկությունների վարկավորմանը, ներառում է մոտ 5 մլն ԱՄՆ դոլարին համարժեք սինթետիկ վարկ ՀՀ դրամով, որն օգտագործվելու է տեղական բիզնեսներում ներդրումները և շրջանառվող կապիտալի կարիքները ֆինանսավորելու համար, ինչպես նաև լրացուցիչ 5 մլն ԱՄՆ դոլար` համաֆինանսավորելու հայաստանյան Բիբլոս Բանկի ավելի խոշոր ենթավարկերը: Սինթետիկ վարկի շրջանակներում ՎԶԵԲ-ը ֆինանսավորում է տրամադրում ԱՄՆ դոլարով նախապես սահմանված և ամրագրված ԱՄՆ դոլար/ՀՀ դրամ փոխարժեքով: Այդ իսկ պատճառով, Բիբլոս Բանկ Արմենիայի վարկային պարտավորությունը տրամադրված ֆինանսավորման դրամային համարժեքն է ՀՀ դրամով: Տեղական արժույթով տրամադրվող սինթետիկ վարկը կօգնի Բիբլոս Բանկ Արմենիային նվազեցնել իր արտարժույթի փոխանակման ռիսկը, երկարեցնել տեղական արժույթով վարկավորման ժամկետը և ընդլայնել տեղական արժույթով տրամադրվող վարկերի պորտֆելը:

«Այս ծրագիրը կխթանի ֆինանսական միջնորդությունը Հայաստանի բանկային ոլորտում` տեղական արժույթով նոր ֆինանսավորում բերելով երկրի իրական տնտեսությանը: ՎԶԵԲ-ի տրամադրած միջոցները կշարունակեն նպաստել մասնավոր հատվածի զարգացմանը` անդրադառնալով Հայաստանի տնտեսական աճը խոչընդոտող մի կարևոր հանգամանքիե, - ասել է ՎԶԵԲ-ի` Միջին Ասիայի, Կովկասյան տարածաշրջանի և Մոնղոլիայի ֆինանսական կազմակերպությունների գծով տնօրեն պրն. Մայք Թեյլորը:
ՙԲիբլոս Բանկ Արմենիան ողջունում է ՎԶԵԲ-ի այս ծրագիրը, որի նպատակն է համատեղ աջակցել Հայաստանի Հանրապետությունում գործող մասնավոր բիզնեսներին: Այն ի ցույց է դնում ՎԶԵԲ-ի` մեր բանկի կարողության և մեր երկրի տնտեսության հանդեպ ունեցած վստահությունը: Այս գործարքը հետագայում մեզ հնարավորություն կտա հետամուտ լինել շուկայում մեր ընդլայնման ռազմավարությանը՚, - նշել է Բիբլոս Բանկ Արմենիայի Գլխավոր Գործադիր տնօրեն Ջորջ Սֆեերը:

Նշենք, որ Հայաստանում իր գործունեության ծավալման ընթացքում ՎԶԵԲ-ի ներդրումները կազմել են ավելի քան 335 միլիոն եվրո` ֆինանսական, կորպորատիվ, ենթակառուցվածքների և էներգետիկայի ոլորտների մոտ 70 ծրագրերում: ՎԶԵԲ-ը, որը պատկանում է 60 երկրների և երկու միջկառավարական հաստատությունների, ձգտում է աջակցել կենտրոնամետ պլանային տնտեսությունների անցմանը շուկայականի Կենտրոնական և Արևելյան Եվրոպայում և Կենտրոնական Ասիայում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	0.03
USD	382.48	-0.09
EUR	440.27	0.93
GBP	500.28	1.94
CAD	271.32	0.61
JPY	24.88	-0.02
CNY	53.70	0.02
CHF	472.66	0.76

Նորություններ

Byblos Bank Armenia-ն 10 մլն.դոլարի սինտետիկ վարկ է ստանում EBRD-ից