Երեքշաբթի, 30 Մարտի 2010 17:50

Առևտրի և ծառայությունների ոլորտները 2010 թվականին որոշիչ դեր կխաղան Հայաստանի տնտեսական գործընթացներում

ԱրմԻնֆո. Առևտրի և ծառայությունների ոլորտները 2010 թվականին որոշիչ դեր կխաղան Հայաստանի տնտեսական գործընթացներում: Այսօր տեղի ունեցած մամուլի ասուլիսում նման կարծիք է արտահայտել ՀՀ Կենտրոնական բանկի նախկին նախագահ Բագրատ Ասատրյանը:

Նրա խոսքերով, 2010 թվականի հունվար-փետրվար ամիսներին ծառայությունների մատուցման ոլորտում արդեն անկում է արձանագրվել, իսկ առևտրի ոլորտում տիրող իրավիճակը դուրս է ամեն մի տրամաբանությունից: Եթե երկիրը չի արտադրում, ապա, այդ դեպքում, ի՞նչ է վաճառելու: Իսկ երկիրը վաճառում է այն, ինչն ինչ-որ ժամանակ եղել է ՙստվերում՚:

Նրա կարծիքով, 2010 թվականին Հայաստանի բնակիչներն իրենց վրա կզգան անցյալ տարվա տնտեսական անկման ողջ ծանրությունը: Պարենամթերքի և էներգոռեսուրսների միջազգային գների աճը նույնպես կնպաստի երկրում տիրող իրավիճակի վատթարացմանը: Արդյունքում, 2010 թվականին, փորձագետի կանխատեսումներով, կաճի այն մարդկանց թիվը, որոնք կցանկանան իրենց ապագան կառուցել Հայաստանից դուրս:

Բ.Ասատրյանի խոսքերով, 2010 թվականի հունվար-փետրվար ամիսների գրանցված`ՀՆԱ 3.1% աճը չի կարող արտացոլել երկրում տիրող իրավիճակը և չի կարող երաշխիք հանդիսանալ, որ տնտեսությունը նման աճ կարձանագրի նաև ամբողջ տարում, քանի որ տարվա առաջին 2-3 ամիսներին ստեղծվում է ՀՆԱ մոտ 8-9%-ը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Առևտրի և ծառայությունների ոլորտները 2010 թվականին որոշիչ դեր կխաղան Հայաստանի տնտեսական գործընթացներում