Ուրբաթ, 2 Ապրիլի 2010 15:33
NASDAQ OMX Armenia բորսայում այսօրվանից գործում է միջբանկային վարկերի overnight հարթակը
ArmInfo. 2010 թվականի ապրիլի 2-ից NASDAQ OMX Armenia հայկական ֆոնդային բորսայում սկսել է գործել հայկական շուկայի համար նոր` միջբանկային վարկային ռեսուրսների overnight հարթակը, որի կաննորը գրանցվել են Կենտրոնական բանկում: Այս մասին այսօր լրագրողներին հայտնել է ՀՀ ԿԲ Ֆինանսական վարչության դրամավարկային գործառնությունների դեպարտամենտի ղեկավար Արման Փոթիկյանը:
Նոր ծառայությունը բորսային հնարավորություն կտա շուկայական հարթակ տեղափոխել միջբանկային վարկերով գործարքները, որոնք կազմում են ֆինանսական շուկայի զգալի մասը: Նրա խոսքերով, միջբանկային վարկերով գործարքները կիրականացվեն ՀՀ ԿԲ կողմից սահմանված տոկոսադրույքների հիման վրա: ՙՆոր հարթակում միջբանկային վարկերի տոկոսադրույքները կտատանվեն ԿԲ կողմից սահմանված ավանդների տոկոսադրույքների սահմաններում`3.5%, և ՌԵՊՈ-պայմանագրերի համար`11.5%՚,-նշել է Ա.Փոթիկյանը, հիշեցնելով, որ ՀՀ ԿԲ վերաֆինանսավորման տոկոսադրույքը ներկայումս կազմում է 6.5%: Նրա խոսքերով, լոմբարդային ՌԵՊՈ-պայմանագրերի օրական ծավալները միջին հաշվով կազմում են 6-7մլրդ.դրամ:
Իր հերթին, հայկական ֆոնդային բորսայի գլխավոր տնօրեն Արմեն Մելիքյանը հաղորդել է, որ միջբանկային overnight վարկերի հարթակում դրամական ռեսուրսների արժեքը կորոշվի բորսայական արժույթների միջոցով: Միջբանկային վարկերի հարթակը կաշխատի ամեն աշխատանքային օր` 11:00-ից մինչև 15:00-ն:
Հաշվարկներն իրականացնող բանկի դերում հանդես կգա ՀՀ Կենտրոնական բանկը, իսկ տեղի ունեցած գործարքներով քլիրինգային հաշվարկները կիրականացնի բորսան: Սակարկությունների ավարտից անմիջապես հետո կանցկացվի բազմակողմանի քլիրինգ, որից հետո բոլոր տեղեկությունները կուղարկվեն ԿԲ, գործարքների մասնակիցների (կոնտրագենտների) հաշիվներին համապատասխան միջոցները փոխանցելու համար: Այնուհետև, հաջորդ օրը, առավոտյան, վերջնական փոխհաշվարկներով կիրականացվի քլիրինգ:
Նշենք, որ Հայաստանում գործող 22 առևտրային բանկերից 20-ը հանդիսանում է բորսայի անդամ, իսկ մնացած երկուսը հանդես են գալիս մասնակցի դերում: ԱրմԻնֆո գործակալության տվյալներով, 2009 թվականի ընթացքում միջբանկային դրամային վարկերի/ավանդների ծավալները կազմել են մոտ 45.6 մլրդ.դրամ:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%