Չորեքշաբթի, 31 Մարտի 2010 17:55
Ամերիաբանկն ու ՙԿասկադ Բանկը՚ միաձուլման մասին պայմանագիր են ստորագրել
ԱրմԻնֆո. Ամերիաբանկն ու ՙԿասկադ Բանկը՚ այսօր միաձուլման մասին պայմանագիր են ստորագրել: Այդ առիթով տեղի ունեցած մամուլի ասուլիսում Ամերիաբանկի տնօրինության նախագահ և գլխավոր տնօրեն Արտակ Հանեսյանը և ՙԿասկադ Բանկի՚ գործադիր տնօրեն Ահարոն Լևոնյանը նշել են, որ երկու գործող բանկերի միաձուլումը աննախադեպ երևույթ է Հայաստանի ֆինանսական շուկայում, հայտարարելով, որ միավորված բանկը կողմերի համաձայնությամբ շուկայում կգործի Ամերիաբանկի անվան ներքո: Կապիտալում կողմերի չափաբաժինների մասին կհայտարարվի մոտ ապագայում, Ամերիաբանկի բաժնետերերի առաջիկա մամուլի ասուլիսում:
Ա.Հանեսյանի խոսքերով, միավորումի տեղի կունենա երկու փուլով, մասնավորապես, ներկայումս ընթանում է այդ գործընթացի նախապատրաստական փուլը: Կապված միաձուլման հետ, Ամերիաբանկի ռազմավարական ծրագիրը կենթարկվի միայն որոշակի փոփոխությունների, քանի որ միավորվող բանկերի ռազմավարությունն ու փիլիսոփայությունն իրար նման են ու համահունչ:
Ա.Հանեսյանը տեղեկացրել է, որ միաձուլումից հետո, Ամերիաբանկի կապիտալը կհասնի 75 մլն.դոլարի, ակտիվները`400 մլն.դոլարի, պարտավորությունները` 262 մլն.դոլարի, վարկային ներդրումները` մոտ 180 մլն.դոլարի: Այս ցուցանիշներով միավորված բանկը կմտնի առաջատարների եռյակ: Բացի այդ, բանկերի միավորումը հնարավորություն կտա ընդլայներ ծառայությունների և պրոդուկտների փունջը, իսկ երկու բանկերի պրոֆեսիոնալների համագործակցությունը թույլ կտա ավելի բարձրացնել հաճախորդների սպասարկման մակարդակն ու որակը: Երկու բանկերի միաձուլումը կմեծացնի միավորված բանկի կապիտալը, ինչը հնարավորություն կտա մեծացնե նաև մեկ վարկառուին տրամադրվող վարկի չափերը, իսկ դա հնարավորութոյւն կտա կորպորատիվ հաճախորդներին տրամադրել ավելի խոշոր վարկեր:
ՙՄիաձուլումը պայմանավորված է երկու ֆինանսական կառույցների զարգացման և շատ ամուր ֆինանսական կառույց ստեղծելով նպատակներով, որն ավելի մրցունակ կլինի, քան յուրաքնչյուրն առանձին վերցրած՚,-հայտարարել է Ա.Հանեսյանը, ինչում նրա հետ համակարծիք է եղել Ա.Լևոնյանը:
Ամերիաբանկը 2009 թվականը եզրափակել է 1.5 մլրդ.դրամ մաքուր շահույթով, ամբողջովին ապահովելով ռազմավարական պլանով նախատեսված ցուցանիշները: Ա.Լևոնյանը նշել է, որ 2009 թվականին ՙԿասկադ Բանկը՚ 25% ավելացրել է իր շահույթը`1.1 մլն.դոլար, ինչի շնորհիվ, ակտիվների եկամտաբերությամբ (ROA) Հայաստանի բանկային համակարգում զբաղեցրել է 5-րդ հորիզոնականը:
ԱրմԻնֆո գործակալության կողմից կազմված`Հայաստանի բանկային համակարգի վերլուծության և Ռենկինգի, Ամերիաբանկի և ՙԿասկադ Բանկի՚ միաձուլումը (առանց համատեղ զարգացման պլանների) Ամերիաբանկին հնարավորություն կտա կանոնադրական կապիտալի չափով ամրանալ 1 տեղում, ընդհանուր կապիտալով`4 տեղից բարձրանալ 2 տեղ, ակտիվներով և պարտավորություններով`6-ից 3 տեղ, վարկային պարտավորություններով`7-ից 3 տեղ, տնտեսության վարկավորման ծավալներով`2-ից 1 տեղ, իսկ ժամկետային ավանդներով ամրանալ 2 տեղում:
Կհաջողվի թռիչք կատարել նաև հիփոթեքի ու ֆիզակական անձանց վարկավորման գծով: Ամերիաբանկի դիրքերի փոփոխությունների մասին նշված բոլոր հնարավոր նկատառումներն արված են առևտրային բանկերի 2009 թվականի ռենկինգի տվյալների հիման վրա:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները