Շաբաթ, 10 Ապրիլի 2010 10:25
Անելիք համակարգի շրջանառությունն աճել է 13.6 տոկոսով
ԱրմԻնֆո. ՙԱնելիք՚ դրամական փոխանցումների միջազգային համակարգը 2010 թվականի ապրիլի 1-ի դրությամբ ապահովել է շրջանառության 13.6% աճ: Ինչպես ԱրմԻնֆո թղթակցի հետ զրույցում հայտնել է Անելիք բանկի Վարչության նախագահի տեղակալ Բագրատ Ճզմաչյանը, առաջին եռամսյակի ավարտին համակարգի շրջանառությունը կազմել է մոտ 200 մլն.դոլար, 2009 թվականի 176 մլն.դոլարի համեմատ: ՙԴրական դինամիկան կշարունակվի, ինչի շնորհիվ, մինչև տարեվերջ համակարգի շրջանառությունը կհաջողվի հասցնել 1.2 մլրդ.դոլարի, 2009 թվականի 1 մլրդ.դոլարի փոխարեն՚,-հայտարարել է նա: Միաժամանակ նա տեղեկացրել է, որ համակարգի առաջատարը շարունակում է մնալ Ռուսաստանը: Հայաստանի բաժինը Անելիք համակարգում 2010 թվականի ապրիլի 1-ի դրությամբ կազմում է ընդհանուր շրջանառության մոտ 10%-ը, կամ 19.7 մլն.դոլար, աճելով 2009 թվականի առաջին եռամսյակի նկատմամբ 17.2%-ով:
ՙԴեպի Հայաստան տրանսֆերտների հիմնական մասը շարունակվում է ապահովվել 16.2 մլն.դոլար հոսքի հաշվին, իսկ հանրապետությունից դուրս դրամական փոխանցումները առաջին եռամսյակում կազմել են 3.5 մլն.դոլար՚,-ընդգծել է Բ.Չզմաչյանը: Նրա խոսքերով, համակարգում իրականացված փոխանցումների քանակը ընթացիկ տարվա առաջին եռամսյակում, տարվա կտրվածքով գործնականորեն փոփոխության չի ենթարկվել, կազմելով 300 հազ.տրանզակցիա:
Միաժամանակ նա նշել է, որ առաջին եռամսյակում տեղի ունեցած շրջանառության աճը պայմանավորված է եղել մի քանի գործոններով, այդ թվում`աշխարհում տիրող տնտեսական իրավիճակի բարելավմամբ, մեկ փոխանցման միջին չափերի մեծացմամբ`մինչև 600-650 դոլար, ինչպես նաև սակագների`0.5-0.8% նվազեցումով:
Ընդ որում, Անելիք համակարգի հետ աշխատող մի շարք հայկական բանկեր նշված սակագներով աշխատելու ցանկություն են հայտնել: ՙԴրա համար, բանկերը պետք է իրենց ծրագրային համակարգը համապատասխանեցնեն մերի հետ և աշխատեն on-line ռեժիմով՚,-նշել է նա, ավելացնելով, որ Անելիք Բանկի նոր ծրագրային ապահովումը հաճախորդին հնարավորություն է տալիս դրամական փոխանցումն ստանալ բանկի ցանկացած մասնաճյուղից, անկախ նրանից, թե ինչ հասցեով է փոխանցված գումարը:
Խոսելով Անելիք համակարգի աշխարհագրական ընդգրկվածության մասին, Բ.Ճզմաչյանը տեղեկացրել է, որ ներկայումս համակարգում ընդգրկված են 65 հազ.կետեր`աշխարհի 100 երկրներում, իսկ փոխանցումները հիմնականում իրականացվում են ռուսական ռուբլով, ԱՄՆ դոլարով և Եվրոյով: Նրա խոսքերով, համակարգի աշխարհագրական ընդգրկվածությա հարցում հիմնական դերը կխաղա բանկի նոր բաժնետերը` լիբանանյան Credit Bank-ը, հետևաբար, նա չի բացառել նաև լիբանանյան ֆրանկերով իրականացվելիք փոախցումների հնարավորությունը:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները