Շաբաթ, 10 Ապրիլի 2010 10:29

Համաշխարհային բանկը հայ ապահովագրողներին առաջարկում է ապահովագրել բնական աղետներից

ԱրմԻնֆո. Համաշխարհային բանկն այսօր Հայաստանի ապահովագրական ընկերությունների ուշադրությանն է ներկայացրել բնական աղետներից տարածաշրջանային ապահովագրության մի նախագիծ: Ինչպես հաղորդել է նախագծի փորձագետ Էլիսոն Քեյվը (Alison Cave), ծրագիրը մշակված է Հարավ-Արևելյան Եվրոպայի և Հարավային Կովկասի երկրների համար: ՙՀայաստանը նույնպես ենթակա է բնական բնույթի աղետների և անհրաժեշտ է ստեղծել տնտեսվարող սուբյեկտների, փոքր և միջին բիզնեսի, ֆերմերների վնասները փոխհատուցելու հնարավորություն՚,-նշել է Է.Քեյվը:

Նրա խոսքերով, ապահովագրողների հետ նախագիծը քննարկելուց հետո, համապատասխան քննարկումներ տեղի կունենան նաև ՀՀ Կառավարությունում: Ամենառիսկային գոտիները բացահայտելու նպատակով նախատեսվում է իրականացնել տարածքի քարտեզագրման և կլիմայական վերլուծության աշխատանքներ:

Է.Քեյվը հաղորդել է, որ սակագները հաշվելու համար պահանջվում են լուրջ, ակտուարական աշխատանքներ, և տարածաշրջանի երկրների մասնակցությունը նախագծին թույլ կտա նշված ապահովագրական ծառայությունը դարձնել մատչելի:

Նախագծի փորձագետը ձեռնպահ է մնացել որևէ ժամկետներ նշելուց, ավելացնելով, որ ծրագիրը հարկավոր է ներդնել հնարավորին չափով սեղմ ժամկետներում:

Նշենք, որ ներկայումս Հայաստանի ապահովագրական շուկայում գործում են 10 ապահովագրական ընկերություններ, որոնք մատուցում են 12 տեսակի ապահովագրական ծառայություններ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Համաշխարհային բանկը հայ ապահովագրողներին առաջարկում է ապահովագրել բնական աղետներից