Շաբաթ, 10 Ապրիլի 2010 16:52
ՀՀ ԿԲ նախագահ. Ամերիաբանկի և ՙԿասկաց Բանկի՚ միավորումը ներդրումային նոր հնարավորություններ է ստեղծում Հայաստանի բանկային համակարգի համար
ԱրմԻնֆո. Ամերիաբանկի և ՙԿասկաց Բանկի՚ միավորումը ներդրումային նոր հնարավորություններ է ստեղծում և կընդառաջի ֆինանսական միջնորդությանը Հայաստանի բանկային համակարգում: Այս մասին այսօր հայտարարել է ՀՀ ԿԲ նախագահ Արթուր ջավադյանը Ամերիաբանկի և ՙԿասկադ Բանկի՚ միավորմանը առիթով կազմակերպված մամուլի ասուլիսում: Ընդ որում, երկու բանկերի միավորման վերաբերյալ ստորագրված պայմանագրիընդհանուր գումարը նա բնորոշել է որպես առևտրային գաղտնիք: Ողջունելով երկու բանկերի միավորումը, ԿԲ նախագահը նշել է, որ այդ գործարքը կունենա իր շարունակությունը: ՙՖինանսական այս երկու կառույցները բավականին մեծ դեր են խաղացել Հայաստանի բանկային համակարգի կայացման գործում՚,-նշել է Ա.Ջավադյանը: Նա նշել է նաև, որ 2007 թվականին, TDA Holdings Limited ընկերության կողմից Ամերիաբանկի բաժնետոմսերի հսկիչ փաթեթի ձեռքբերումից հետո, բազմաթիվ անգամ իրականացվել են կապիտալի համալրմանն ուղղված էմիսիաներ, ինչը հնարավորություն է տվել բավականին ակտիվանալ վարկային շուկայում, ինչն էլ իր հերթին բերեց բանկի ակտիվների կտրուկ աճին` մոտ 7 անգամ: Արդյունքում, կարճ ժամկետներում բանկն ակտիվների չափով արագ թռիչք կատարեց, 16-րդ տեղից բարձրանալով 7-րդ տեղ: Խոսելով ՙԿասկադ Բանկի՚ մասին, Ա.Ջավադյանը նշել է, որ այդ բանկը մշտապես աչքի է ընկել իր բանկային մշակույթով և հաճախորդների որակյալ սպասարկումով:
Միաժամանակ, ԿԲ նախագահը բանկային համակարգի մասնակիցներին կոչ է արել ստեղծել կորպորատիվ էտիկայի բարձրացման հնարավորություններ: ՙԵտճգնաժամային փուլում խոշորացումը մեծ դեր կխաղա ֆինանսական միջնորդության զարգացման գործում, այն առումով, որ ներդրումները կարող են լինել ավելի խոշոր, բանկերի կողմից վերահսկվող ռիսկերը կնվազեն, իսկ ընդհանուր առմամբ, ավելի հեշտ կլինի մարտահրավերներին դիմակայելը՚,-ընդգծել է Ա.Ջավադյանը:
Իր հերթին, Ամերիաբանկի տնօրենների Խորհրդի նախագահ Ռուբեն Վարդանյանը նշել է, որ երկու կառույցների միավորմամբ Ամերիաբանկի ռազմավարությունը փոփոխության չի ենթարկվի: ՙՄենք կարևորում ենք Հայաստանի բանկային համակարգի խոշորացումը և գտնում ենք, որ միայն օրգանական աճի միջոցով բանկի աստիճանական զարգացումը երկար ժամանակ կպահանջեր, իսկ ՙԿասկադ Բանկի՚ հետ միավորումը կարագացնի այդ գործընթացը, մանավանդ, որ Ամերիաբանկն ու ՙԿասկադ Բանկը՚ գաղափարապես իրար մոտիկ են կանգնած: Եվ մենք շատ ուրախ ենք, որ պրն.Հաֆեսչյանը կմնա բաժնետերի կազմում և հուսով ենք, որ բանկը հաճախորդներին կսպասարկի ոչ միայն Հայաստանում, այլ նաև նրա սահմաններից դուրս՚,-ընդգծել է Ռ.Վարդանյանը:
Ամերիաբանկի տնօրենների Խորհրդի անդամ Անդրել Մկրտչյանը նշել է, որ բանկի ռազմավարության զարգացման շրջանակներում, 5 տարիների ընթացքում, կիրականացվի հետազոտություն` վրացական և իրանական, ինչպես նաև Ռուսաստանի հարավի շուկաների ներուժը բացահայտելու ուղղությամբ: ԸՆդ որում, նա նշել է, որ Ամերիաբանկը շարունակում է մնալ որպես կորպորատիվ բանկ, ունենալով լուրջ նախագծեր ներդրումային բանկինգի ուղղությամբ, իսկ կորպորատիվ հաճախորդներին կառաջարկվեն մանրածախ պրոդուկտներ:
Պատասխանելով ԱրմԻնֆո գործակալության թղթակցի հարցին Ռ.Վարդանյանը նշել է, որ միավորված բանկում բաժնետերերի մասնակցության չափերը ճշտվում են և փոփոխվում, ելնելով բաժնետերերի կառուցվածքից: ՙՏեղեկությունները կպարզվեն միայն տրանզակցիայի ավարտից հետո` ըստ օրենսդրության և ԿԲ պահանջների՚,-հաստատել է նա: Նա նաև նշել է, որ բանկի մենեջմենտը նույնպես բաժնետոմսեր ձեռքբերելու իրավունք կստանա, ինչը կարևորագույն խթան կարող է հանդիսանալ բանկի մենեջերների համար:
Ինչպես նշել է ՙՀաֆեսչյան ընտանիք՚ հիմնադրամի Խորհրդի անդամ Սթիվ Սքալլենը, ամերիկյան գործարար Ջերալդ Հաֆեսչյանը ուրախ է այս միավորմանը, որի հիմքերը դրվում են այսօր, ինչի արդյունքում կստեղծվի ավելի հզոր բանկ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները