Երեքշաբթի, 13 Ապրիլի 2010 17:51

ՀՀ ԿԲ Վերաֆինանսավորման տոկոսադրույքը բարձրացրեց 0.5 տոկոսային կետով և սահմանեց 7 տոկոս

ԱրմԻնֆո. ՀՀ ԿԲ Վերաֆինանսավորման տոկոսադրույքը բարձրացրեց 0.5 տոկոսային կետով և սահմանեց 7%: Ինչպես ԱրմԻնֆո գործակալությանը հաղորդվե% է ՀՀ ԿԲ մամուլի ծառայությունից, որոշումը կայացվել է ՀՀ Կենտրոնական բանկի այսօր կայացած Խորհրդի նիստում:

Աղբյուրի համաձայն, 2010 թ. մարտին, նախորդ ամսվա նկատմամբ արձանագրվել է 0.8% գնաճ, որի պարագայում 12-ամսյա գնաճի ցուցանիշը նվազել է նախորդ ամսվա նույն ցուցանիշի նկատմամբ 0.6 տոկոսային կետով` կազմելով 8.8%:

Խորհուրդը փաստել է, որ համաշխարհային տնտեսության վերականգնման դրական միտումների և հակաճգնաժամային միջոցառումների ներքո իրականացված ընդլայնողական դրամավարկային և հարկաբյուջետային քաղաքականությունների պայմաններում տնտեսական աճի տեմպերը գերազանցում են կանխատեսված ցուցանիշը: Արդյունքում, ներկա գնաճային միջավայրը ձևավորվել է հիմնականում վերոնշյալ գործոնների ազդեցության ներքո, ինչը համապատասխանում է ԿԲ-ի կողմից նախանշված ուղղություններին:

ՀՀ ԿԲ գնահատականներով, ձևավորված մակրոտնտեսական միջավայրի և ապրիլից հիմնական կոմունալ ծառայությունների թանկացման պայմաններում կանխատեսվող հորիզոնում գնաճային միջավայրը դեռևս կպահպանվի, թեև 12-ամսյա գնաճի նվազման արձանագրված միտումները կշարունակվեն:

Հաշվի առնելով վերոնշյալը, Խորհուրդը շարունակում է կարևորել գնաճի սպասվող զարգացումներին համահունչ դրամավարկային պայմանների աստիճանական խստացումը` ուղղված դրական իրական տոկոսադրույքների ձևավորմանը: Վերջինս, Կառավարության կողմից հակագնաճային միջոցառումների իրականացման հետ զուգահեռ, իրատեսական նախադրյալներ կստեղծի գնաճը նպատակային միջակայք վերադարձնելու համար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՀՀ ԿԲ Վերաֆինանսավորման տոկոսադրույքը բարձրացրեց 0.5 տոկոսային կետով և սահմանեց 7 տոկոս