Երեքշաբթի, 13 Ապրիլի 2010 17:57

Անելիք Բանկը՚ միջազգային ծրագրերի շրջանակներում մտադիր է ավելացնել վարկային պորտֆելը

ԱրմԻնֆո. ՙԱնելիք Բանկը՚ միջազգային ծրագրերի շրջանակներում մտադիր է ընթացիկ տարում իր վարկային պրտֆելը հասցնել 35 մլրց.դրամի, 2009 թվականի համեմատ ավելացնելով այն 38 տկոսով:

Ինչպես ԱրմԻնֆո գործակալության թղթակցի հետ զրույցում նշել է բանկի Վարչության նախագահի առաջին տեղակալ Բագրատ Ճզմաչյանը, ապրիլի սկզբին բանկի վարկային պորտֆելը կազմել է 25.8 մլրդ.դրամ, տարեսկզբի նկատմամբ ավելանալով 6 տոկոսով:

Նրա խոսքերով, վարկային պորտֆելի աճը կապահովվի ոչ միայն սեփական միջոցների և միջազգային մշտական գործընկեր-կազմակերպություններից ստացված ռեսուրսների հաշվին, այլ նաև միջազգային նոր ֆինանսական կառույցների ռեսուրսների հաշվին: ՙԱյդ նպատակով մենք բանակցում ենք լուրջ դոնոր կազմակերպությունների հետ` ռեսուրսներ ներգրավելու նպատակով, ընդ որում, յուրաքանչյուր ներդրողից մտադիր ենք ներգրավել 15-20 մլն.դոլար՚,-նշել է նա: Դրա հետ մեկտեղ նա նշել է, որ ՙԱնելիք Բանկը՚ իր լիբանանյան գործընկեր` Credit Bank-ի հետ արդեն գործարկման մեջ է դրել բիզնեսի համաֆինանսավորման ծրագիրը, ինչը նույնպես կնպաստի բանկի վարկային պորտֆելի աճին:

Բ.Ճզմաչյանի խոսքերով, սպասվող վարկային միջոցները հիմնականում կուղղվեն փոքր և միջին բիզնեսի վարկավորմանը, որի բաժինը ներկայումս գերազանցում է բանկի վարկային պորտֆելի 50 տոկոսը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Անելիք Բանկը՚ միջազգային ծրագրերի շրջանակներում մտադիր է ավելացնել վարկային պորտֆելը