Երեքշաբթի, 13 Ապրիլի 2010 17:59
UNIStream համակարգը իջեցնում է սակագները ԱՊՀ երկրներում
ԱրմԻնֆո. UNIStream դրամական փոխանցումների միջազգային համակարգը սկսել է ԱՊՀ երկրներից ուղղակի դրամական փոխանցումների սակագների իջեցման քաղաքականության ծրագրի իրականացումը:
Ինչպես ԱրմԻնֆո գործակալությանը հաղորդել են UNIStream-ից, դա հաճախորդների համար համակարգի ծառայությունները մատչելի ու գրավիչ դարձնելու ուղղությամբ իրականացվող մի հերթական քայլ է: Փոխանցումներով`ՙԱՊՀ երկրների համար Ռուսաստանի գործընկեր-բանկը սակագները սահմանել է փոխանցվող գումարի 1 տոկոսի չափով՚, այն ժամանակ, երբ նախկինում այն կազմում էր 2.1 տոկոս: Ներկայումս այս իջեցման ծրագրի գործընկեր են դարձել, գործնականորեն, Տաջիկստանի, Ղրղզստանի և Ուզբեկստանի բոլոր բանկերը: ՙՆերկայումս մենք հատուկ ուշադրություն ենք դարձնում մեր հաճախորդների լոյալության մակարդակի բարձրացմանը: Նման պարագայում սակագների իջեցումը թելադրվում է ոչ թե շուկայական իրավիճակով, այլ դրամական փոխանցումները հաճախորդների համար առավելագույնս մատչելի դարձնելու մեր ցանկությամբ: Մենք հասկանում ենք, որ ճգնաժամը ցավոտ կերպով հարվածեց նյութական բարեկեցությանը, և մենք առավելագույն ճիգերն ենք գործադրում փոխանցումների հարցում հաճախորդների ծախսերը նվազեցնելու ուղղությամբ՚,-մեկնաբանել է համակարգի գլխավոր տնօրեն Սուրեն Հայրյանը:
Նրա խոսքերով, այդ խնդրի իրականացման համար համակարգն ունի բոլոր հնարավորությունները` առանց իջեցնելու հաճախորդների սպասարկման որակը, այդ թվում արագությունը և հուսալիությունն ու ցանցային ընդգրկումը: Ս.Հայրյանը նշել է նաև, որ իրականացվող միջոցառումը լրացուցիչ խոչնդոտ կհանդիսանա ոչ պաշտոնական ճանապարհներով փոխանցումների իրականացման համար, որտող ճգնաժամի պայմաններում միշտ էլ գոյություն ունեն որոշակի ռիսկեր:
Այսօր, վերահսկելով ԱՊՀ շուկայի մոտ 30 տոկոսը, UNIStream համակարգն ընդգրկում է սպասարկման ավելի քան 15000 կետեր: Այն էական բաժիններ ունի բոլոր հիմնական ուղղություններում`Հայաստանում` 60 տոկոս, Ղրղզստանում և Մոլդովայում`40 տոկոս:
Նշենք, որ UNIStream համակարգը Հայաստանում ապահովել է 2 տոկոս տարեկան աճ, կազմելով 91.1 մլն.դոլար: Համակարգը Հայաստանում աշխատում է 2002 թվականի երկրորդ կիսամյակից, իր բացառիկ գործընկեր Յունիբանկի միջոցով:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները