Հինգշաբթի, 15 Ապրիլի 2010 18:07
Հայաստանի քաղաքացիները դարձել են էլեկտրոնային և SMS խարդախությունների զոհ
ԱրմԻնֆո. Վերջին շրջանում հաճախակիացել են դեպքերը, երբ քաղաքացիներին էլեկտրոնային փոստով (e-mail) կամ բջջային հեռախոսակապի տեքստային հաղորդագրությունների միջոցով (SMS) կատարվում են առաջին հայացքից խիստ գրավիչ առաջարկներ, որոնք իրականում իրենցից ներկայացնում են աշխարհում բավականին լայն տարածում գտած խարդախության սխեմաների բաղկացուցիչ մասեր: Այս մասին ԱրմԻնֆո գործակալությանը հաղորդել են ՀՀ Կենտրոնական բանկի մամուլի ծառայությունից:
Աղբյուրի համաձայն, այդ առաջարկները պայմանականորեն կարելի է բաժանել չորս խմբի` գերազանց պայմաններ (քաղաքացիներին առաջարկվում են չափազանց գրավիչ պայմաններով որոշակի գործարքներ, գնումներ, ներդրումներ և այլն): Աջակցություն(աղաքացիներին առաջարկվում է ինչ-ինչ գործարար նախաձեռնությունների շրջանակում ցուցաբերել որոշակի աջակցություն` շռայլ վարձատրության դիմաց), Ժառանգություն կամ շահում (քաղաքացիները տեղեկացվում են, որ ստացել են ժառանգություն կամ շահել են խոշոր գումար, որոնց ձևակերպման և հետագա տնօրինման համար անհրաժեշտ է վճարել որոշակի գումար), Աշխատանք տանը (քաղաքացիներին առաջարկվում է վաստակել գումարներ առանց տնից դուրս գալու, մասնավորապես` փոստով ուղարկել անձնագրի վավերացված պատճենները և ժամանակ առ ժամանակ ստորագրել որոշակի փաստաթղթեր և դրանք տալ նոտարական վավերացման):
Ընդ որում վերոնկարագրյալ բոլոր տարբերակներում առաջին իսկ հաղորդագրությամբ կամ հետագայում քաղաքացիներից պահանջվում է ուղարկել որոշակի գումար, իբր ՙկազմակերպչական՚ ինչ-ինչ խնդիրներ լուծելու համար:
ՀՀ կենտրոնական բանկի Ֆինանսական դիտարկումների կենտրոնը զգուշացնում է, որ վերոնկարագրյալ պատահական առաջարկներն իրենցից ներկայացնում են մարդկանց վստահություն չարաշահելու միջոցով խարդախության ճանապարհով գումար վաստակելու միջոց, որում ներքաշված դյուրահավատ անձինք ի վերջո կարող են կրել լուրջ ֆինանսական վնասներ: Նմանատիպ խարդախություններ կատարվում են մի շարք երկրներում, ինչի ՙզոհ՚ են դառնում բազմաթիվ քաղաքացիներ:
ՀՀ կենտրոնական բանկի Ֆինանսական դիտարկումների կենտրոնը քաղաքացիներին հորդորել է ձեռնպահ մնալ նմանօրինակ հաղորդագրություններին որևէ կերպ արձագանքելուց և նկարագրված սխեմաների մասին որևէ էական տեղեկատվություն ունենալու, այդ թվում` դրանց մեջ ՀՀ որևէ քաղաքացու կամ իրավաբանական անձի ներգրավվածության դեպքում տեղեկացնել` 54-50-88 կամ 56-16-01 հեռախոսահամարով կամ ուղարկել հաղորդագրություն [email protected] էլեկտրոնային փոստին (տեղեկությունների գաղտնիությունը երաշխավորվում է):
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%