Երեքշաբթի, 27 Ապրիլի 2010 16:32

ՙԳարանտ-Լիմենս՚ ապահովագրական ընկերությունը բարելավում է ցուցանիշները

ԱրմԻնֆո. Համաձայն հրապարակված ֆինանսական հաշվետվությունների, ՙԳարանտ-Լիմենս՚ ապահովագրական ընկերությունը 2010 թվականի առաջին եռամսյակում հավաքագրել է մոտ 95 մլն.դրամի ապահովագրական պրեմիաներ, տարվա կտրվածքով ապահովելով ցուցանիշների 46% աճ, սակայն երկու տարվա արդյունքներով այս ցուցանիշը նվազել է 39%-ով: Հաշվետու եռամսյակում ընկերությունն իրականացրել է 25.7 մլն.դրամի ապահովագրական հատուցում, ինչը նույնպես 8%-ով գերազանցում է 2009 թվականի նույն եռամսյակի ցուցանիշը:

Հաշվետու եռամսյակում ընկերության ակտիվները հասել են 1.642 մլրդ.դրամի, որտեղ կանոնադրական կապիտալը կազմել է 1 մլրդ.դրամ: Ընկերության մաքուր շահույթը տարվա կտրվածքով աճել է ավելի քան 3 անգամ, կազմելով 27 մլն.դրամ: Ընկերությանը հաջողվել է ակտիվանանալ մի քանի հատվածներում: Այսպես, եթե 2009 թվականի առաջին եռամսյակում ընկերությունը իրականացնում էր միայն բժշկական ապահովագրություն, ապա հաշվետու եռամսյակում զբաղվել է նաև դժբախտ պատահարներից, տրանսպորտային միջոցների, տրանսպորտային միջոցների շահագործման պատասխանատվության, արտասահաման մեկնողների և գույքի ապահովագրությամբ: Սակայն, ընկերության հիմնական կողմնորոշումը մնում է բժշկական ապահովագրությունը, որի բաժինը ապահովագրական պորտֆելում անցնում է 80%-ից:

Գարանտ-Լիմենս ապահովագրական ընկերությունը Հայաստանի ապահովագրական շուկայում գործում է 1999 թվականից: Ընկերության խոշոր բաժնետերերն են հանդիսանում Արա Բաբլոյանը`27% և Արաբկիր բժշկական կենտրոնը`9%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

ՙԳարանտ-Լիմենս՚ ապահովագրական ընկերությունը բարելավում է ցուցանիշները