Ուրբաթ, 23 Ապրիլի 2010 11:01
ՙՅունիբանկ՚-ի ֆիզիկական անձանց ժամկետային ավանդների ծավալն աճել է 26%-ով
ԱրմԻնֆո. ՙՅունիբանկ՚-ի ֆիզիկական անձանց ժամկետային ավանդների ծավալն այս տարվա մարտի 31-ի դրությամբ կազմել է 45,6 մլրդ դրամ` նախորդ տարվա նույն ժամանակահատվածի համեմատ աճելով ավելի քան 26%-ով:
Ինչպես ԱրմԻնֆո գործակալությանը հաղորդել են ՙՅունիբանկ՚-ի մամուլի ծառայությունից, իրավաբանական անձանց ավանդները կազմել են 10,2 մլրդ դրամ, աճը նախորդ տարվա համապատասխան ցուցանիշի համեմատ` 27,5%: ՙՅունիբանկ՚-ի ցպահանջ ավանդների ծավալը 2010թ.-ի առաջին եռամսյակի վերջին կազմել են 9,2 մլրդ դրամ: Ընդ որում, ֆիզիկական անձանց ցպահանջ ավանդները նախորդ տարվա նույն ժամանակահատվածի համեմատ աճել են գրեթե կրկնակի անգամ:
Նշենք, որ չորս տարի անընդմեջ, ներառյալ 2009թ.-ը, ՙՅունիբանկ՚-ը ֆիզիկական անձանց ժամկետային ավանդների ծավալով առաջատար դիրք է զբաղեցրել հայաստանյան բանկային համակարգում: Ժամկետային ավանդների ակտիվ աճը պայմանավորված է ավանդատուների կողմից վստահության շարունակական աճով, ինչպես նաև բանկի ավանդների գրավիչ պայմաններով, որոնք հաշվարկված են ելնելով հաճախորդների տարբեր խմբերի պահանջներից:
ՙՅունիբանկ՚-ի կողմից առաջարկված ավանդներն առանձնանում են բազմարժութային ռեժիմով, կապիտալիզացիայի և լրացուցիչ նվերներ շահելու հնարավորություններով: Օրինակ, ՙՀաղթենք միասին՚ ավանդը ներդրող հաճախորդների միջև ամռանը կկայանա Արթուր Աբրահամի մենամարտի հրավիրատոմսերի խաղարկություն: Ուղևորության հետ կապված բոլոր ծախսերը կհոգա ՙՅունիբանկ՚-ը: ՙՀաղթենք միասին՚ ավանդն ընդունվում է մինչև 11,5 տոկոս տարեկան տոկոսադրույքով և 300 հազար նվազագույն գումարով:
ՙԿապիտալ+՚ ավանդը հաճախորդներին ընձեռում է տոկոսագումարի կապիտալիզացիայի հնարավորություն մայր գումարին: Ավանդն ընդունվում է 31-ից մինչև 365 օր ժամկետով, իսկ տարեկան տոկոսադրույքը կազմում է մինչև 8,5 տոկոս: Ավանդի նվազագույն գումարը սահմանված է ընդամենը 30 հազար ՀՀ դրամ:
ՙԲազմարժութային՚ ավանդի գործողության ողջ ժամկետում գործում է բազմարժութային ռեժիմ, այսինքն ավանդատուներին տրվում է ավանդի արժույթի փոխարկման հնարավորություն: Ավանդի տարեկան տոկոսադրույքը կազմում է մինչեւ 9%, նվազագույն գումարը` 100 հազար դրամ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները