Երկուշաբթի, 3 Մայիսի 2010 19:21

Հայաստանի վարկային կազմակերպությունների վարկային ներդրումների ծավալը 2010 թվականի առաջին եռամսյակում աճել է 9.1 տոկոսով, կազմելով 177.6 մլն.դոլար

ԱրմԻնֆո. Հայաստանի վարկային կազմակերպությունների վարկային ներդրումների ընդհանուր ծավալը 2010 թվականի առաջին եռամսյակում աճել է 9.1%, կազմելով 71.7 մլրդ.դրամ (177.6 մլն.դոլար), կամ ակտիվների 83.8%-ը: Այս մասին Արմինֆո գործակալությանը հաղորդել են ՀՀ ԿԲ մամուլի ծառայությունից:

Աղբյուրի տվյալներով, հաշվետու եռամսյակի ընթացքում 22%-ով աճել է շինարարության ոլորտի վարկավորման ծավալը, կազմելով 6.3 մլրդ.դրամ կամ 15.7 մլն.դոլար: Գյուղատնտեսության վարկավորման ծավալները աճել են 15.6%, կազմելով 11.7 մլրդ.դրամ կամ 29.3 մլն.դոլար: Ֆինանսական հատվածի վարկավորման ծավալը, աճել է 14.5%, կազմելով 18.7 մլրդ.դրամ (46.8 մլն.դոլար): Հիպոթեկային ոլորտի վարկավորման ծավալը աճել է 11.3%, կազմելով 8.4 մլրդ.դրամ կամ 20.9 մլն.դոլար, առևտրի ոլորտում` 9.5%, կազմելով 9 մլրդ.դրամ (23.5 մլն.դոլար): Արդյունաբերական վարկավորման ծավալը աճել է 18%, կազմելով 3.4 մլրդ.դրամ կամ 8.5 մլն.դոլար: Մնացած ոլորտներում արձանագրվել է վարկավորման ծավալների անկում: Մասնավորապես, տրանսպորտի և կապի ոլորտում` 16.3%, կազմելով 2.3 մլրդ.դրամ (5.7 մլն.դոլար): Սպառողական վարկավորման ոլորտում անկումը կազմել է 2.8%, ազմելով 4.1 մլրդ.դրամ (10.3 մլն. դոլար), իսկ մնացած ոլորտներում ամկումը կազմել է 0.7%, կազմելով 6.6 մլրդ.դրամ կամ 16.5 մլն.դոլար: Ըստ ռիսկերի խմբերի դասակարգված վարկերն ու դեբետորական պարտավորությունները 2010 թվականի առաջին եռամսյակում աճել են 13.1%, կազմելով 76.6 մլրդ.դրամ կամ 191.2 մլն.դոլար:

Այսպես, 2010 թվականի ապրիլի 1-ի դրությամբ, ՙստանդարտ՚ վարկերի պորտֆելը կազմել է 73.2 մլրդ.դրամ (182.7 մլն.դոլար) կամ 95.6%, ՙվերահսկվող՚ վարկերի պորտֆելը` 2.2 մլրդ.դրամ (5.4 մլն.դոլար) կամ 2.8%, ՙոչ ստանդարտ՚ վարկերի պորտֆելը` 732.3 մլն.դրամ (1.8 մլն.դոլար) կամ 1%, ՙկասկածելի՚ վարկերինը պորտֆելը` 493.2 մլն.դրամ կամ 0.6%:

ՙՍտանդարտ՚ վարկերի ծավալը առաջին եռամսյակում աճել է 12.8%, ՙվերահսկվողների՚ ծավալը`36.8%, ՙոչ ստանդարտների՚ ծավալը`22% և ՙկասկածելի՚ վարկերի ծավալը` 22.4%:

ՀՀ Կենտրոնական բանկի տվյալներով, 2010 թվականի ապրիլի 1-ի դրությամբ Հայաստանում գործում են 28 վարկային կազմակերպություներ և 56 մասնաճյուղեր:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի վարկային կազմակերպությունների վարկային ներդրումների ծավալը 2010 թվականի առաջին եռամսյակում աճել է 9.1 տոկոսով, կազմելով 177.6 մլն.դոլար