Երեքշաբթի, 4 Մայիսի 2010 14:47
“Ամերիա” ՓԲԸ հանդես է գալիս ՀՀ-ում արտահանման խթանման և ձեռնարկատիրական զարգացման ռազմավարության մշակման խորհրդատվական ծառայությամբ
ԱրմԻնֆո. ՀՀ Կառավարության 2008-2012 տնտեսական քաղաքականության ուղղություններից մեկը օտարերկրյա ներդրումների ներգրավումն ու արտահանման խթանումն է: Այս կապակցությամբ Համաշխարհային բանկի կողմից ՀՀ կառավարությանը տրամադրվել է դրամաշնորհ` Զարգացման Հայկական Գործակալության (ԶՀԳ) ենթակառուցվածքային հզորությունների և անձնակազմի մասնագիտական հմտությունների զարգացման նպատակով: Այս ծրագրի շրջանակներում, «Ամերիաե ՓԲԸ հանդես է գալիս որպես ԶՀԳ խորհրդատու` ՀՀ-ում արտահանման խթանման և ձեռնարկատիրական զարգացման ռազմավարության մշակման ուղղությամբ:
Ինչպես տեղեկացնում է Ամերիաբանկի մամլո ծառայությունը, Ամերիան արտահանման խթանման ռազմավարության մշակման ընթացքում կհետազոտի Հայաստանի արտահանման պոտենցիալը և մրցակցային դաշտը, ինչպես նաև կմաշկի արտահանման զարգացմանն ուղղված հնարավոր լուծումներ` համաշխարհային տնտեսության հետճգնաժամային իրավիճակի պայմաններում: Ամերիան աշխատանքներն իրականացնելու է փուլերով, մեկ տարվա ընթացքում: Աշխատանքային գործընթացն ընդգրկելու է արտահանման թիրախային հատվածների ընտրություն և այդ հատվածներում արտահանման խոչընդոտների և սահմանափակումների բացահայտում: Ընդ որում, Ամերիան իրականացնելու է արտահանման ներուժ ունեցող ձեռնարկությունների մրցունակության և պատրաստվածության բարձրացմանն ուղղված գործիքների մշակում և ծրագրերի նախաձեռնում` միջազգային լավագույն փորձի հիման վրա: Արտահանման ներուժ ունեցող ձեռնարկությունների համար, որոնք կընտրվեն նախապես, կկատարվի թիրախային շուկաների ընտրություն և կցուցաբերվի աջակցություն` թիրախային շուկաների պահանջներին համապատասխանությունն ապահովելու նպատակով: Ամերիան ԶՀԳ-ին նաև աջակցություն է ցուցաբերելու տեղեկատվական բազայի ստեղծման գործում, որը ներառելու է հիմնական թիրախային շուկաների պահանջները, ընդ որում, հատուկ ուշադրություն է դարձվելու ԱՊՀ, Եվրամիության, Մերձավոր Արևելքի և հյուսիսամերիկյան շուկաներին: Միաժամանակ աջակցություն է ցուցաբերվելու ընտրված ձեռնարկություններին` արտահանման զարգացման ռազմավարության մշակման գործում և շուկաների ներգրավման նախնական փուլում, ինչպես նաև նրանց գործարար կապերի զարգացման, նոր կապերի նախաձեռնման, արտահանման պայմանագրերի ստորագրման գործում:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները
Հայաստան ներմուծվող ցորենի ավելի քան 99,9%-ը ստացվում է Ռուսաստանից