Չորեքշաբթի, 5 Մայիսի 2010 11:05

Առաջին հիպոթեկային ընկերությունը OPIC-ից 2.5 մլն.դոլարի վարկ է ներգրավել

ԱրմԻնֆո. ՙԱռաջին հիպոթեկային ընկերություն՚ ՈՒՎԿ մասնավոր ներդրումների ամերիկյան ընկերությունից (Overseas Private Investment Corporation (OPIC)) ստացել է երկրորդ տրանշը`2.5 մլն.դոլար գումարով: Այս մասին ԱրմԻնֆո գործակալության տեղեկացրել է հիպոթեկային ընկերության գլխավոր տնօրեն Դավիթ Աթանեսյանը: OPIC-ի հետ ծրագրի նպատակը ակտիվ հիպոթեկային վարկավորումն է: Ծրագրի շրջանակներում վարկերը կտրամադրվեն անշարժ գույքի ձեռքբերման, վերանորոգման, կառուցման, ինչպես նաև վերաֆինանսավորման նպատակով: Վարկերի չափերը կկազմեն 10 հազ.դոլարից մինչև 120 հազ.դոլար, մարման ժանկետը`15 տարի, տարեկան տոկոսադրույքը`12% և կանխավճարը`վարկի գումարի 25%-ի չափով:

Ինչպես տեղեկացրել է Դ.Աթանեսյանը, Առաջին հիպոթեկային ընկերությունն աշխատում է ֆինանսական շուկայում գործող բոլոր վարկային ծրագրերով, որոնցից երեքով, մասնավորապես, Գերմանական KfW բանկի ՙԲնակարանային ֆինանսավորման կայուն շուկայի զարգացման՚, ՙԵրիտասարդ ընտանիքներին մատչելի բնակարան՚ և Ազգային հիպոթեկային ընկերության վերաֆինանսավորման ծրագրերով, ընկերությունն իր վարկային ներդրումների ծավալներով գտնվում է առաջատարների եռյակում: Նշված երեք ծրագրերով ընկերության վարկային պորտֆելը ապրիլի 30-ի դրությամբ համապատասխանաբար կազմել է` 665 մլն. 70 մլն և 415 մլն.դրամ: Իսկ OPIC և Habitat for Humanity International կազմակերպությունների հետ ընկերության վարկային պորտֆելը կազմել համապատասխանաբար`է 2.7 մլն և 330 հազ.դրամ:

Ընթացիկ տարվա ապրիլին Առաջին հիպոթեկային ընկերությունն ավելացրել է իր ակտիվները 1 մլրդ.դրամով, հասցնելով 4.2 մլրդ.դրամի, տարվա կտրվածքով ապահովելով կրկնակի աճ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Առաջին հիպոթեկային ընկերությունը OPIC-ից 2.5 մլն.դոլարի վարկ է ներգրավել