Հինգշաբթի, 13 Մայիսի 2010 15:29

Հայաստանի առևտրային բանկերի մաքուր եկամուտը 2010 թվականի առաջին եռամսյակում կազմել է 16.9 մլն.դոլար, տարվա կտրվածքով աճելով 6 անգամ

ԱրմԻնֆո. Հայաստանի առևտրային բանկերի միագումար մաքուր եկամուտը 2010 թվականի առաջին եռամսյակում կազմել է 6.8 մլրդ.դրամ կամ 16.9 մլն.դոլար, տարվա կտրվածքով աճելով 6 անգամ:

Համաձայն ԱրմԻնֆո գործակալության կողմից պատրաստված`Հայաստանի առևտրային բանկերի Ռենկինգի, առաջին եռամսյակի դրությամբ բանկերի ընդհանուր եկամուտները 51.1 մլրդ.դրամ կամ 127.5 մլն.դոլար, իսկ ծախսերը`42.7 մլրդ.դրամ կամ 106.6 մլն.դոլար, ինչի արդյունքւմ առաջացել է 8.4 մլրդ.դրամի կամ 20.9 մլն.դոլարի բալանսային շահույթ: ԸՆդհանուր եկամուտները տարվա կտրվածքով աճել են 6.2%, իսկ ծախսերը կրճատվել են 6.8%, որի հետևանքով բալանսային շահույթն ավելացել է 3 անգամ: ԸՆդհանուր եկամուտների ու ընդհանուր ծախսերի տարբերության չափերով առաջատարն է ACBA-Credit Agricole Bank-ը` 6.8 մլրդ.դրամ և 5.5 մլրդ.դրամ, որը առաջատարն է նաև բալանսային շահույթի գծով`1.3 մլրդ.դրամ:

2010 թվականի առաջին եռամսյակը 7.3 մլրդ.դրամ մաքուր միագումար շահույթով են եզրափակել 20 բանկեր: Դրանց մեջ առաջատարներն են` ACBA-Credit Agricole Bank-ը` 981.1 մլն.դրամ, HSBC Բանկ Հայաստանը`934.5 մլն.դրամ, Արդշինինվեստբանկը`733.3 մլն. դրամ, ՎՏԲ-Հայաստան Բանկը`669.6 մլն.դրամ, Կոնվերս Բանկը`624.3 մլն.դրամ: Իսկ մնացած 2 բանկերի միագումար վնասը կազմել է 0.5 մլրդ.դրամ, որտեղ 0.4 մլրդ.դրամ է կազմել Հայէկոնոմբանկի վնասը:

Մաքուր շահույթի տարեկան աճ են ապահովել 18 բանկեր, իսկ մնացած 4 բանկերում արձանագրվել է այս ցուցանիշի անկում: Մաքուր եկամուտի տարեկան ամենամեծ աճն արձանագրել է Արարատբանկը`22 անգամ, իսկ ամենամեծ անկումը`Byblos Bank Armenia-ն`ավելի քան 2 անգամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի առևտրային բանկերի մաքուր եկամուտը 2010 թվականի առաջին եռամսյակում կազմել է 16.9 մլն.դոլար, տարվա կտրվածքով աճելով 6 անգամ