Շաբաթ, 15 Մայիսի 2010 13:31

2010թ.մայիսին Հայաստանում 30.2 տոկոսով մեծացել է պլաստիկ քարտերի շուկան

ԱրմԻնֆո. Հայաստանի Ազգային միասնական վճարային ArCa համակարգի անդամ բանկերի կողմից թողարկված ակտիվ պլաստիկ քարտերի թիվը 2010 թվականի մայիսի 1-ի դրությամբ, 2009 թվականի նույն ժամանակահատվածի համեմատ ավելացել է 30.2%, կազմելով 490 հազար, այդ թվում, 17.5 հազ.քարտ թողարկվել է միայն ապրիլին, ինչը 11 հազարով պակաս է մարտի ցուցանիշից:

Ինչպես ԱրմԻնֆո գործակալությանը տեղեկացրել են ՙArmenian Card՚ ՓԲԸ-ից, ակտիվ քարտերի ընդհանուր թվի մեջ ArCa քարտերը կազմել են 60% (293.4 հազ. քարտ), Visa` 24% (119.4 հազ. քարտ) և MasterCard` 16% (77.1 հազ. քարտ): Գործող քարտերից ապրիլին գործառնություններ են իրականացվել 349 հազարով (71%):

Աղբյուրի համաձայն, մայիսի 1-ի դրությամբ Armenian Card համակարգում գործող առևտրի/սպասարկման և կանխիկացման կետերի քանակը (առանց բանկոմատների) կազմել է 2391, որտեղ, 311 կետերը եղել են կանխիկացման կետեր: Նշված առևտրի/սպասարկման կետերում գործել են 2722 POS-թերմինալներ, որտեղ 395-ը` կանխիկացման կետեր են եղել: Իսկ POS-թերմինալների ընդհանուր քանակի մեջ ArCa քարտերը սպասարկել են 2666 POS-թերմինալներ, Vesa քարտերը`1771 POS-թերմինալներ, MasterCard` 2295 POS-թերմինալներ և American Express`194 POS թերմինալներ: Ապրիլին առևտրի/սպասարկման և կանխիկացման կետերի քանակը մարտի համեմատ աճել է 33-ով, իսկ POS-թերմինալների քանակը` 34-ով:

2010 թվականի մայիսի 1-ի դրությամբ Հայաստանում գործել է 612 բանկոմատ, 2009 թվականի 490 բանկոմատի փոխարեն:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

2010թ.մայիսին Հայաստանում 30.2 տոկոսով մեծացել է պլաստիկ քարտերի շուկան