Հինգշաբթի, 20 Մայիսի 2010 15:40

Արարատբանկը ձեռնամուխ է եղել անկանխիկ հաշվարկների Petrol Plus ավտոմատացված համակարգի նախագծի իրականացմանը

ԱրմԻնֆո. Արարատբանկը հայտարարել է Հայաստանի համար նորություն հանդիսացող` անկանխիկ հաշվարկների Petrol Plus ավտոմատացված համակարգի ներդրման մասին, որը կիրառվում է Visa միջազգային վճարային համակարգի անկոնտակտ միկրոպրոցեսորային դուալ քարտերով:

Ինչպես հաղորդվում է համակարգի պաշտոնական կայքում, այն բացառիկ հնարավորությունները, որը Petrol Plus-ը բացում է օգտվողների համար, ապահովել են համակարգի աննախադեպ հեղինակությունը: Այսօր Petrol Plus-ը օգտագործվում է Ռուսաստանի ավտոլցակայանների 80 տոկոսի կողմից: Համակարգի շրջանառության մեջ գտնվում են 1200 սարքավորումներ և ավելի քան 8 մլն.քարտեր Ռուսաստանի, Ուկրաինայի, Ղազախստանի, Բելառուսի, Վրաստանի, Ադրբեջանի, Մոնղոլիայի, Ղրղզստանի, Աֆրիկայի և Լատինական Ամերիկայի մի շարք երկրների շուկաներում: Համակարգը մշակվել է ՙՆԿՏ՚ ընկերության կողմից, վառելիքի մանրածախ առևտրող զբաղվող ձեռնարկությունների համար: Այսօր աշխարհում տվյալ համակարգով սպասարկվում է ավելի քան 8.000.000 քարտ: Սպասարկվող խոշորագույն կազմակերպություններից են ՙԳազպրոմը՚, ՙՇելը՚, ՙՏՆԿ՚-ն, ՙՌոսնեֆտը՚ եւ այլն:

Ամիսներ առաջ ԱՐԱՐԱՏԲԱՆԿԸ հասարակությանը ներկայացրեց Հայաստանի բանկային շուկայում նախադեպը չունեցող մի արտադրանք` Mifare տեխնոլոգիայով նոր DUAL /երկակի/ քարտը, որը մեր քաղաքացիներին հնարավորություն տվեց մեկ քարտում ունենալ թե ժամանակակից բանկային քարտ, թե Երեւանի մետրոպոլիտենով երթեւեկելու եւ դրա դիմաց վճարելու տրանսպորտային քարտ:

Բացառապես ԱՐԱՐԱՏԲԱՆԿԻ արտադրանքը լինելով, Կլասիկ-Մ մետրո քարտը կարճ ժամանակահատվածում իր պահանջարկի առումով գերազանցեց ԱՐԱՐԱՏԲԱՆԿԻ մարկետինգային սպասումների ծավալները:

Ելնելով բանկ-հաճախորդ հարաբերությունների մոդելավորման իր ՙՄիտված դեպի հասարակությունը՚ փիլիսոփայությունից եւ շարունակելով բանկային եւ IT նոր տեխնոլոգիաների առաջադրումը շուկային, ԱՐԱՐԱՏԲԱՆԿԸ սկսում է Հայաստանում մի նոր բացառիկ նախագծի` ՙPetrol Plus՚ համակարգի ներդրման գործընթացը:

Համակարգի ներդրման համար ԱՐԱՐԱՏԲԱՆԿԻ մասնագետներն ուսումնասիրել են միջազգային շուկայում առկա զարգացումները, շուրջ 13 երկրների ավելի քան 800 կազմակերպությունների կիրառած փորձն ու տեխնոլոգիական լուծումները:

Այսօր աշխարհում տվյալ համակարգով սպասարկվում է ավելի քան 8.000.000 քարտ: Սպասարկվող խոշորագույն կազմակերպություններից են ՙԳազպրոմը՚, ՙՇելը՚, ՙՏՆԿ՚-ն, ՙՌոսնեֆտը՚ եւ այլն:

ՙPetrol Plus՚ համակարգի ներդրմամբ ԱՐԱՐԱՏԲԱՆԿԸ թողարկում է Հայաստանում երկրորդ երկակի կիրառման, վառելանյութի դիմաց վճարումներ կատարելու համար օգտագործվող նոր քարտատեսակ եւ ներդնելով ՙPetrol Plus՚ ծրագրա-ապարատային համակարգը, վառելանյութի վաճառքի շուկայում ձեւավորում է այդ քարտերի սպասարկման լայն ենթակառուցվածք:

Ներդրվող համակարգը Հայաստանում կկիրառվի առաջին անգամ եւ կրկին լինելով բացառապես ԱՐԱՐԱՏԲԱՆԿԻ արտադրանքը, հնարավորություն կտա կորպորատիվ ընկերություններին եւ անհատ անձանց` փոխարինել ներկայումս վառելիքի լիցքավորման համար օգտագործվող թղթային կտրոնները բանկային պլաստիկ քարտերով` օգտագործելով կազմակերպության համապատասխան ծախսերի օպտիմալացման եւ հաշվետվությունների ու վերահսկման առավել ժամանակից միջոցներ:
Համակարգը յուրահատուկ է այն առումով, որ քարտերը լիցքավորվում եւ տրամադրվում են հաճախորդին նախապես վճարված գումարին համապատասխան քանակի վառելիքի լիտրերով, ինչպես նաեւ ծրագիրը իրականացվում է միջազգային քարտերի միջոցով, ինչը հնարավորություն է ընձեռում միեւնույն քարտով կատարել նաեւ բանկային քարտերին բնորոշ բոլոր գործարքները:

Այս համակարգի ներդրմամբ ԱՐԱՐԱՏԲԱՆԿԸ խթանում է նաեւ նախկինում իր կողմից թողարկված AUTOCARD ծրագրի նոր զարգացումը տեխնոլոգիական նոր հիմքի վրա:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.80	0.02
USD	381.70	-0.07
EUR	448.19	0.49
GBP	510.68	0.02
CAD	277.10	-0.39
JPY	24.61	0.13
CNY	54.16	0.04
CHF	479.40	-0.87

Նորություններ

Արարատբանկը ձեռնամուխ է եղել անկանխիկ հաշվարկների Petrol Plus ավտոմատացված համակարգի նախագծի իրականացմանը