Չորեքշաբթի, 26 Մայիսի 2010 17:21
Արդշինինվեստբանկում ստեղծվել է նոր դեպարտամենտ` պահանջարկը ծնում է առաջարկ
ԱրմԻնֆո. Արդշինինվեստբանկի փոքր և միջին ձեռնարկատիրության զարգացման Դեպարտամենտի տնօրեն Արթուր Գյուլազյանի հարցազրույցը ԱրմԻնֆո գործակալությանը
Հայտնի է, որ Ձեր կողմից ղեկավարվող ՓՄՁ զարգացման Դեպարտամենտն Արդշինինվեստբանկում ստեղծվել է վերջերս: Ինչպիսի՞ն են դեպարտամենտի մոտեցումները Փոքր և միջին ձեռներեցության վարկավորման նկատմամբ, և ընդհանրապես, ինչքանո՞վ է նպատակահարմար առանձին դեպարտամենտի գործունեությունը բիզնեսի զարգացման գործում:
Հայտնի է, որ փոքր և միջին ձեռնարկատիրությունները հանդիսանում են ցանկացած զարգացած պետության տնտեսության շարժիչ ուժը: Գիտակցելով այս ոլորտի զարգացման անհրաժեշտությունը, ինչպես նաև, շուկան ավելի խորությամբ հետազոտելու և մեր հաճախորդների պահանջները բացահայտելու և բավարարելու նպատակով, Արդշինինվեստբանկում տեղի ունեցած կառուցվածքային փոփոխությունների արդյունքում ստեղծվեց Փոքր և միջին ձեռներեցության զարգացման Դեպարտամենտ: Մեր դեպարտամենտում մենք ստեղծել ենք արհեստավարժ մասնագետներից կազմված, իրենց գործին հավատարիմ մի կոլեկտիվ, որն ունի ՓՄՁ ձեռնարկությունների հետ աշխատելու մեծ փորձ: Սկսած հիմնադրման պահից մենք ձեռնամուխ եղանք ՓՄՁ շուկայի կոնյունկտուրայի խորացված հետազոտություններին, որոնք ցուցադրում են, որ ներկայումս ՓՄՁ առջև ծառացած հիմնական պրոբլեմը դա ֆինանսավորման հարցն է: Մեր հաճախորդների պահանջներն առավելագույնս բավարարելու համար մենք սկսեցինք ՓՄՁ ակտիվ վարկավորումը և այժմ Արդշինինվեստբանկում գործում են ֆինանսավորման ավելի քան բարենպաստ պայմաններ: Բացի այդ, մեր դեպարտամենտի առաջնային խնդիրներից նաև ներքին գործառնությունների օպտիմալացման պրոբլեմը, հիմնականում` վարկավորման գործընթացի պարզեցումը: Հաշվի առնելով այն հանգամանքը, որ ներկայումս բոլոր բանկերն էլ, իրականում, առաջարկում են նմանատիպ ծառայություններ և գործնականում օգտվում են ֆինանսավորման միևնույն աղբյուրներից, մեր կարծիքով, շուկայում մրցունակ լինել հնարավոր կլինի ներքին պրոցեդուրաների կատարելագործման, վարկավորման ճկուն մեխանիզմի ներդրման հաշվին, ինչպես նաև յուրաքանչյուր հաճախորդի նկատմամբ անհատական մոտեցում ցուցաբերելու միջոցով: Կուզենայի նշել, որ Արդշինինվեստբանկում մեծ ուշադրություն է դարձվում ոչ միայն ՓՄՁ վարկավորմանը, այլ նաև հաճախորդներին հնարավորին չափ լիակատար ծառայություններ մատուցելու պարագային: Այդ նպատակով էլ «վարկային մասնագետ» հասկացությունը մեզ մոտ փոխարինվել է «հաճախրդների մենեջեր» հասկացությունով, որը որակյալ խորհրդատվություն է մատուցում հաճախորդին, ակտիվորեն մասնակցելով ոչ միայն վարկավորման գործընթացին, այլ նաև բանկային ծառայությունների բոլոր տեսակների տրամադրման գործընթացներին` ելնելով յուրաքանչյուր հաճախորդի առանձնահատկություններից: Այս ամենն արվում է նրա համար, որպեսզի մեր յուրաքանչյուր հաճախորդի համար մեզ հետ տեղի ունեցող համագործակցությունը լինի առավելագույս կոմֆորտային և արդյունավետ: Յուրաքանչյուր հաճախորդի հետ հարաբերությունները մենք կառուցում ենք երկարաժամկետ հիմքերի վրա և աշխատւմ ենք նրանց հետ ստեղծել փոխշահավետ և գործընկերային հարաբերություններ:
Ինչպիսի՞ չափորոշիչներով ու պայմաններով է առաջնորդվում Արդշինինվեստբանկը ՓՄՁ վարկավորման ժամանակ:
Ներկայումս մեր բանկում գործում են բավականին ճկուն և մրցունակ տոկոսադրույքներ` սկսած տարեկան 12 տոկոսից: Մենք հիմնականում ֆինանսավորում ենք արդեն գործող բիզնեսը, սակայն, հնարավոր են նաև իրական հեռանկարներ ունեցող սկսնակ բիզնեսի վարկավորում: Ի դեպ, որ մեզ մոտ ներդրված է լոյալ և բարեխիղճ հաճախորդների ոգևորման համակարգ, որը նրանց հնարավորություն է տալիս ինքնուրույն ձևավորել իրենց վարկավորման պայմանները: Դա նշանակում է, որ վարկունակության նախնական գնահատումից հետո, բոլոր հաճախորդներին հնարավորություն է ընձեռվում որոշակի ժամանակ անց հավակնել ոչ միայն ավելի բարենպաստ ու եկամտաբեր վարկավորման պայմաններին, այլ նաև բանկի կողմից մատուցվող մյուս որակյալ ծառայությունների ստացմանը:
Հայտնի է, որ Արդշինինվեստբանկը Հայաստանում ունի մասնաճյուղերի լայն ցանց, որի միջոցով իրականացնում է վարկավորումը շրջաններում: Կուզենայի իմանալ, թե ո՞ր շրջանում է, որ բանկի կողմից ՓՄՁ տրամադրվող վարկերն իրենց ավելի «կոմֆորտային են զգում»:
Մասնաճյուղերի մեր ցանցը բաղկացած է 55 բաժանմունքներից, Հայաստանի և ԼՂՀ ամբողջ տարացքում, որոնք ակտիվ վարկավորում են իրականացնում, գործնականում, բոլոր ոլորտներում: Կուզենայի նշել, որ փոքր և միջին բիզնեսը զարգացման մեծ հեռանկար ունի հատկապես շրջանրում, և մեր ունեցած վիճակագրությունը վկայում է ՓՄՁ վարկավորման նկատմամբ հատկապես շրջաններում գոյություն ունեցող մեծ պահանջարկի մասին: Ընդ որում, վարկավորման ոլորտները դիվերսիֆիկացված են, կախված այս կամ այն շրջանի առանձնահատկություններից: Ընդ որում, Հայաստանում ՓՄՁ վարկավորման ամենամեծ բաժինը պատկանում է Լոռու մարզին:
Ներկայումս միջազգային ո՞ր ծրագրի շրջանակներում է բանկն իրականացնում վարկավորումը, և ինչպիսի՞ն է միջազգային ծրագրերի շրջանակներում ՓՄՁ տրամադրված վարկերի բաժինը բանկի ՓՄՁ վարկավորման պորտֆելում:
Ներկայումս մենք մասնակցում ենք Համաշխարհային բանկի, գերմանական KfW բանկի, GAF հայ-գերմանական հիմնադրամի, ՓՄՁ զարգացման ազգային հիմնադրամի (SMEDNC), “The OPEC Fund for International Development” (OFID) միջազգային ֆինանսական գործակալության վարկային ծրագրերին, վարկավորում ենք իրականացնում ռուսական վարկի, ինչպես նաև մի շարք այլ ծրագրերի շրջանակներում, որոնց մեծ մասն իրականացնում է ՓՄՁ վարկավորում: Բացի այդ, մեր բաժնետիրոջ հետ, ի դեմս IFC, անցյալ տարի ստորագրել ենք 5 մլն.դոլարի հերթական պայմանագիրը` միջազգային առևտրի գործիքների ֆինանսավորման վերաբերյալ: Այս միջոցները մենք կուղղենք Հայաստան ապրանքներ ներմուծող հաճախորդներին երաշխիքների ու ակրեդիտիվների տրամադրմանը: Ծրագիրը գործարկման կդրվի առաջիկայում: Հետաքրքրականն այն է, որ այս ծրագրերից յուրաքանչյուրի իրականացման ընթացքում մեր մասնագետները հատուկ դասընթացներ են անցնում, ինչը, միանշանակորեն, բարձրացնում է հաճախորդներին տրամադրվող խորհրդատվությունների արդյունավետությունը:
Լիլիթ Ասլանյանը
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները