Երկուշաբթի, 24 Մայիսի 2010 19:27

ՙՅունիբանկ՚-ը միավորել է ՙՎաղարշյան՚ մասնաճյուղը ՙԿոմիտաս՚ մասնաճյուղի հետ

ԱրմԻնֆո. ՙՅունիբանկ՚-ը միավորել է ՙՎաղարշյան՚ եւ ՙԿոմիտաս՚ մասնաճյուղերը մեկ ստորաբաժանման ներքո, որը կգործի որպես ՙԿոմիտաս՚ մասնաճյուղ:

Ինչպես ԱրմԻնֆո գործակալությանը տեղեկցցրել են Յունիբանկի մամուլի ծառայությունից, 2010 թվականի մայիսի 24-ից ՙՎաղարշյան՚ մասնաճյուղի հաճախորդները կսպասարկվեն ՙԿոմիտաս՚ մասնաճյուղում, որը գտնվում է ք.Երեւան, Կոմիտասի 15/2 հասցեում: Մասնաճյուղերի միավորման արդյունքում ՙՎաղարշյան՚-ի հաճախորդները հնարավորություն են ստանում սպասարկվելու երկարացված ռեժիմով: Հիշեցնենք, որ ՙՅունիբանկ՚-ի երեք մասնաճյուղեր` ՙԿոմիտաս՚-ը, ՙԱմիրյան՚-ը եւ ՙՄալաթիա՚-ն, հաճախորդներին սպասարկում են 9:15-ից մինչեւ 20:30-ը, առանց ընդմիջման: Հանգստյան օրերն են` շաբաթը եւ կիրակին: Հաշվի առնելով երկու մասնաճյուղերի իրար մոտ գտնվելու փաստը, ՙՎաղարշյան՚-ի հաճախորդների սպասարկման տեղափոխումը ՙԿոմիտաս՚ մասնաճյուղ հաճախորդներին որեւէ անհարմարություն չի պատճառի:

ՙՅունիբանկ՚-ի գործունեության առանցքային ուղղությունը մանրածախ բիզնեսն է: Դրանով պայմանավորված բանկը օրական սպասարկում է մի քանի հազար հաճախորդի: 2009թ.-ին ՙՅունիբանկ՚-ն իրականացրել է 1,7 մլն գործարք: Այդ իսկ պատճառով բանկը խիստ պահանջներ է առաջադրում մասնաճյուղերում հաճախորդների սպասարկման որակի նկատմամբ: 2009թ.-ի արդյունքներով ՙԿոմիտաս՚ մասնաճյուղը ճանաչվել է ՙՅունիբանկ՚-ի համակարգում ամենարդյունավետ աշխատող մասնաճյուղը, իսկ մասնաճյուղի կառավարիչ Արամ Համբարձումյանը` 2010թ.-ի ապրիլ ամսվա ՙԼավագույն կառավարիչ՚:

Ներկայումս ՙՅունիբանկ՚-ի մասնաճյուղերի քանակը կազմում է 33: Մոսկվայում գործում է բանկի ներկայացուցչությունը: 2010թ.-ին բանկը կշարունակի մասնաճյուղային ցանցի ընդլայնման եւ գործող մասնաճյուղերի վերակառուցման աշխատանքները:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

ՙՅունիբանկ՚-ը միավորել է ՙՎաղարշյան՚ մասնաճյուղը ՙԿոմիտաս՚ մասնաճյուղի հետ