Երեքշաբթի, 25 Մայիսի 2010 17:11
ՙԿոնվերս բանկը՚ գործարկման է դնում մետաղական հաշվով ավանդները
ԱրմԻնֆո. ՙԿոնվերս բանկ՚ ՓԲԸ-ն փոփոխություններ է կատարել ՙԺամկետային ավանդների ընդունման կարգում՚` ավանդային փաթեթը համալրելով ժամկետային նոր ավանդատեսակներով: Մասնավորապես` ներդրվել են ՙՈսկե մանուկ՚, ՙԲարեկեցիկ ապագա՚ և ՙԹոշակ՚ ավանդատեսակները:
Ինչպես ԱրմԻնֆո գործակալությանը տեղեկացրել են Կանվերս Բանկի մամւլի ծառայությունից, առաջին անգամ հանրապետության բանկային համակարգում ՙԿոնվերս բանկ՚ ՓԲԸ-ն ներդնում է նոր` ՙՈՍԿԵ ՄԱՆՈՒԿ՚ երկարաժամկետ կուտակային ավանդ` առարկայազուրկ ոսկով: Անչափահաս երեխաների անունով կուտակային ավանդն ընդունվում է ավանդատուի օրինական ներկայացուցչի կողմից, որը հնարավորություն է ընձեռում քաղաքացիներին` իրենց երեխաների բարեկեցիկ ապագան ապահովել դեռ մանուկ հասակից: ՙՈՍԿԵ ՄԱՆՈՒԿ՚ երկարաժամկետ կուտակային ավանդն ընդունվում է ներդրվող 999.9 հարգի ոսկու քանակի տվյալ օրվա գնին համարժեք ՀՀ դրամով: Ավանդի ժամկետը` 5-16 տարի, տարեկան տոկոսադրույքը`0: Ավանդի պայմանների համաձայն` ավանդատուի օրինական ներկայացուցիչը կարող է ավանդը պարբերաբար համալրել: Ավանդի ժամկետի վերջում ավանդատուն կարող է ստանալ տարիների ընթացքում կուտակված ոսկու քանակին համարժեք գումարը` տվյալ օրվա ոսկու փոխարժեքով, կամ պատվիրել համապատասխան քաշի ոսկու ստանդարտացված ձուլակտոր:
ՙԲԱՐԵԿԵՑԻԿ ԱՊԱԳԱ՚ ավանդը հնարավորություն է ընձեռում կենսաթոշակային տարիքի բարեկեցության մասին հոգ տանել դեռևս երիտասարդ տարիքում: Ավանդատուները կարող են ներդնել նվազագույնը 50 000 դրամ կամ 200 ԱՄՆ դոլար և ամսական պարբերականությամբ ավելացնել առավելագույնը 100 000 ՀՀ դրամ կամ 300 ԱՄՆ դոլար: ՙԲԱՐԵԿԵՑԻԿ ԱՊԱԳԱ՚ ավանդն ընդունվում է տարեկան ՙԿոնվերս բանկի՚ հաշվարկային տոկոսադրույք (ներկայումս 10 տոկոս) գումարած 5 տոկոս տոկոսադրույքով: ՙԿոնվերս բանկի՚ հաշվարկային տոկոսադրույքը փոփոխական է և վերանայվում է ամիսը մեկ անգամ: (Այն հրապարակվում է բանկի ինտերնետային կայքում և տեղադրվում է բանկի սպասարկման սրահներում):
ՙԹՈՇԱԿ՚ ավանդն ուղղված է հասուն տարիքի քաղաքացիներին, ովքեր ստանում են ամսական թոշակ և ցանկանում են մեկ տարվա ընթացքում որոշակի գումար կուտակել: ՙԹՈՇԱԿ՚ ավանդի նվազագույն գումարը 10 000 դրամ է, ամսական կուտակման առավելագույն գումարն առաջին անգամ ներդրված գումարի հնգապատիկը: Ավանդի ժամկետը 1 տարի է: Այս ավանդատեսակի տոկոսադրույքը ներկայումս 13 տոկոս է: Ամիսը մեկ անգամ հաշվարկված տոկոսները հաշվեգրվում են ավանդի մնացորդի վրա կամ հաշվին` ըստ հաճախորդի ցանկությամբ: Ավանդի ժամկետի վաղաժամկետ դադարեցման դեպքում` կատարվում է վերահաշվարկ` տարեկան 6 տոկոս տոկոսադրույքով:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները