Հինգշաբթի, 1 Հուլիսի 2010 19:49

Հայաստանի պարտատոմսերի շուկայի պրոբլեմները, ռիսկերը և հեռանկարնրը քննարկվել են Երևանում տեղի ունեցող կոնգրեսի մասնակիցները

ԱրմԻնֆո. Այսօր Երևանում իր աշխատանքներն է սկսել ԱՊՀ և Բալթյան երկրների յոթերորդ օբլիգացիոն կոնգրեսը: Առաջին հայացքից, Հայաստանի կապիտալի շուկայի համար կորևորագույն այս կոնգրեսի բացումն ուղեկցվել է ծայր աստիճան լավատեսական կանխատեսումներով, կապված Հայաստանի արժեթղթերի շուկայի վերականգնման հնարավորությւնների ու զարգացման, մասնավորապես, կորպորատիվ պարտավորությունների շուկայի զարգացման հետ: Հայաստանի տնտեսական իշխանությունների ներկայացուցիչներն իրենց ելույթներում փորձում էին կոնգրեսի մասնակիցներին ամեն կերպ համոզել, որ Հայաստանն ունի բավական լավ հեռանկարներ: ՀՀ Կենտրոնական բանկի փոխնախագահ Վաչե Գաբրիելյանի խոսքերով, 2010 թվականին Հայաստանի տնտեսությունը զարգանում է լավ տեմպերով, դեվալվացիոն սպասումները նահանջում են, ազգային տարադրամն ամրապնդվում է, վերականգնվում է նաև ներդրողների հետաքրքրությունը կորպորատիվ պարտատոմսերի նկատմամբ:

Նրա խոսքերով, պարտավորությունների շուկայի 2009 թվականի ՙամենախոշոր իրադարձությունը՚ եղավ ազգային դրամի դեվալվացիան, որը, նրա խոսքերով, ՙփոքր-ինչ արգելակեց կորպորատիվ պարտատոմսերի շուկան՚: Չէ որ հայտնի է, որ լողացող փոխարժեքին անցնելը ՙփլեցրեց՚ դրամային գործիքների շուկան, բերելով պարտատոմսերի հատվածի լուրջ ստագնացիայի, որի վերականգնումն ու զարգացումը, ֆինանսական շուկայի փորձագեռների միահամուռ կարծիքով, Հայաստանի համար դժվարահասանելի է և տարիներ կպահանջի: Ինչպես ողջույնի իր խոսքում նշել է Cbinds վերլուծական հանդեսի գլխավր տնօրեն Սերգեյ Լյալինը, Հայաստանի պարտատոմսերի շուկան դեռևս կենտրոնացած է միայն պետական պարտատոմսերի հատվածում, իսկ կորպորատիվ պարտավորությունների հատվածը, գործնականում, բացակայում է:

Ֆինանսական ենթակառույցների զարգացումը ՀՀ ԿԲ փոխնախագահը կապում է ԿԲ կողմից ստեղծված`Ազգային Հիպոթեկային ընկերության հետ, որը մտադիր է ֆինանսակն շուկա դուրս գալ հիպոթեկային արժեթղթերի էմիսիայով: Վ.Գաբրիելյանը մեծ հույսեր է կապում նաև կուտակային կենսաթոշակային պարտադիր համակարգի ներդրման հետ, ինչը կլուծի տնտեսության մեջ երկար փողերի բացակայության պրոբլեմը: Փորձագետներն էլ են հանդես գալիս նոր համակարգի ներդրման կողմ և գտնում են, որ կենսաթոշակային սխեմաների կամավոր համակարգը Հայաստանում չի աշխատի, քանի որ Հայաստանում բիզնեսը հիմնված չէ կորպորատիվ կառավարման ժամանակակից սկզբունքների վրա: Բացի այդ, փորձագետները գտնում են, որ կենսաթոշակային ակտիվների կառավարմանը հավակնող տեղական հավակնորդները համապատասխան փորձ չունեն և բավականին երկար ժամանակ է կպահանջվի դրան հասնելու համար:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի պարտատոմսերի շուկայի պրոբլեմները, ռիսկերը և հեռանկարնրը քննարկվել են Երևանում տեղի ունեցող կոնգրեսի մասնակիցները