Ուրբաթ, 23 Հուլիսի 2010 10:52

Ամերիաբանկը մտադիր է մինչև 2010 թվականի ավարտը 125 տոկոսով մեծացնել մաքուր շահույթը

ԱրմԻնֆո. Ամերիաբանկը մտադիր է մինչև 2010 թվականի ավարտը առաջին կիսամյակի համեմատ 125% մեծացնել մաքուր շահույթը: Այս մասին, պատասխանելով ԱրմԻնֆո գրծակալության թղթակցի հարցին, հայտարարել է Ամերիաբանկի տնօրինության նախագահ և գլխավոր տնօրեն Արտակ Հանեսյանը, նկատելով, որ 2010 թվականի առաջին կիսամյակի արդյունքներով բանկի մաքուր շահույթը կազմել է 1.3 մլրդ.դրամ: Նա տեղեկացրել է, որ մինչև տարեվերջ բանկը մտադիր է առաջին կիսամյակի համեմատ 16%-ով ավելացնել ակտիվների չափերը, 23%ով` վարկային ներդրումները, 20%-ով` պարտավորությունները և 12%-ով` ժամկետային ավանդները: Հուլիսի 1-ի դրությամբ Ամերիաբանկի ակտիվները կազմել են 121.4 մլրդ.դրամ, վարկային ներդրումները` 74.4 մլրդ.դրամ, պարտավորությունները` 91 մլրդ. դրամ, իսկ ընդհանուր կապիտալը` 30.3 մլրդ.դրամ:

Ա.Հանեսյանը նկատել է նաև, որ վարկային պորտֆելի կազմում 70% են կազմում կորպորատիվ վարկերը և 30%`սպառողական ու հիպոթեկային վարկերը: Կորպորատիվ վարկերի կազմում, նրա խոսքերով, մեծ մասը կազմում են խոշոր ձեռնարկություններին տրամադրված վարկերը, այդ թվում, էներգետիկ, լեռնարդյունաբերության և սննդի արդյունաբերության ոլորտներին: ՙՄենք նաև շարունակում ենք մեր սեփական, ինչպես նաև միջազգային ֆինանսական կազմակերպություններից ստացված միջոցներով ֆինանսավորել ՓՄՁ ոլորտը, որի պորտֆելն օրեցօր աճում է՚, նշել է նա, հավելելով, որ բանկը վարկեր է տրամադրում ինչպես ՀՀ դրամով, այնպես էլ արտարժույթով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.74	0.01
USD	382.55	0.00
EUR	440.12	-0.35
GBP	500.15	-2.10
CAD	271.87	-0.49
JPY	24.91	0.10
CNY	53.69	-0.03
CHF	473.34	-0.29

Նորություններ

Ամերիաբանկը մտադիր է մինչև 2010 թվականի ավարտը 125 տոկոսով մեծացնել մաքուր շահույթը