Երկուշաբթի, 9 Օգոստոսի 2010 16:42
Հայաստանի բանկային համակարգի ակտիվները 2010 թվականի երկրորդ եռամսյակում կրճատվել են 2.1% կազմելով 1.371 տրլն. դրամ կամ 3.7 մլրդ.դոլար
ԱրմԻնֆո. Հայաստանի բանկային համակարգի ակտիվները 2010 թվականի երկրորդ եռամսյակում կրճատվել են 2.1%, տարվա կտրվածքով աճել են 21.1%, հունիսի 30-ի դրությամբ կազմելով 1.371 տրլն դրամ կամ 3.7 մլրդ.դոլար: Ակտիվների չափերով առաջատարների հնգյակն ունի հետևյալ տեսքը` ACBA-Credit Agricole Bank, HSBC Բանկ Հայաստան, Ամերիաբանկ, Հայբիզնեսբանկ և Արդշինինվեստբանկ, որոնց բաժինը բանկային համակարգի ընդհանուր ակտիվների կազմում հասնում է 47%-ի:
Ըստ ԱրմԻնֆո գործակալության կողմից կազմված` Հայաստանի առևտրային բանկերի Ռենկինգի, ակտիվների տարե-աճը պայմանավորված է եղել վարկային ներդրումների 29.3% և պետպարտատոմսերում կատարված ներդրումների 41.5% և կանխիկ միջոցների` 7.2% աճով, նոստրո-հաշիվներում գտնվող միջոցների 38.2% անկման պայմաններում: Բանկային համակարգի ակտիվների եռամսյակային անկումը պայմանավորված է եղել կանխիկ դրամական միջոցների 3.4% և նոստրո-հաշիվների միջոցների 38% անկումով, վարկային պորտֆելի 2.3% և պետպարտատոմսերում ներդրումների 2.2% աճի պայմաններում:
Ակտիվների կազմում վարկային ներդրումների բաժինը կազմել է 61.2%, իսկ պետպարտատոմսերում ներդրումների բաժինը` 6.1%: Պետպարտատոմսերում ներդրումների 0.1% և վարկային ներդրումների 3% տեսակարար կշիռների եռամսյակային աճը և կանխիկ միջոցների ու նոստրո-հաշիվների միջոցների անկումը, ԱրմԻնֆո գործակալության փորձագետների կարծիքով վկայում է այն մասին, որ վարկավորման - հիմնականում ապահովվել են նոստրո-հաշիվների վրայի միջոցներով, կանխիկ միջոցներով և միջազգային վարկային ծրագրերի միջոցներով, իսկ մասնակիորեն` նաև պետպարտատոմսերի առևտրի պորտֆելների իրացման հաշվին: Ընդ որում, բանկերը դեռևս հիմնական շեշտը դնում են տնտեսության ոլորտների վարկավորման վրա:
2010 թվականի հունիսի 30-ի դրությամբ վարկային ներդրումների ծավալները կազմել է 838.9 մլրդ.դրամ կամ 2.3 մլրդ.դոլար, որի 63.1%-ը կազմել է տնտեսության վարկավորման բաժինը, իսկ ֆիզիկական անձանց վարկավորման բաժինը` կազմել է 33.1%:
Նշենք, որ 2010 թվականի նունիսի 30-ի դրությամբ Հայաստանում գործում էին 21 բանկեր: Ի դեպ, հունիսին ավարտվեց Կասկադ Բանկի և Ամերիաբանկի միավորման գործընթացը, ինչն ավելի ամրապնդեց վերջինիս դիրքերը:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները