Երկուշաբթի, 9 Օգոստոսի 2010 16:47

Հայաստանի բանկային համակարգի վարկային ներդրումների ծավալները 2010 թվականի երկրորդ եռամսյակում աճել են 2.3%, կազմելով 2.3 մլրդ.դոլար

ԱրմԻնֆո. Հայաստանի բանկային համակարգի կողմից իրականացված վարկային ներդրումների ծավալները 2010 թվականի հունիսի 30-ի դրությամբ կազմել են 838.9 մլրդ.դրամ ( 2.3 մլրդ.դոլար), տարվա կտրվածքով աճելով 29.3%, իսկ միայն երկրորդ եռամսյակում` 2.3%: Ակտիվների կազմում վարկային ներդրումների բաժինը կազմել է 61.2%:

Ըստ ԱրմԻնֆո գործակալության կողմից կազմված` Հայաստանի առևտրային բանկերի Ռենկինգի, տնտեսության վարկավորման բաժինը կազմել է վարկավորման ընդհանուր ծավալների 63.1%, իսկ ֆիզիկական անձանց վարկավորման բաժինը` 33.1%:

Առևտրային բանկերի կողմից երկրի տնտեսության վարկավորման ծավալները 2010 թվականի հունիսի 30-ի դրությամբ կազմել են 529.1 մլրդ.դրամ կամ 1.4 մլրդ.դոլար, տարվա կտրվածքով աճելով 43%, իսկ միայն երկրորդ եռամսյակում` 3.6%: Միևնույն ժամանակ, ֆիզիկական անձանց վարկավորման ընդհանուր ծավալներն աճել են 8.1%, իսկ միայն երկրորդ եռամսյակում`1.9%, հունիսի 30-ի դրությամբ կազմելով 277.9 մլրդ. դրամ կամ 756.3 մլն.դոլար: Ի տարբերություն նախորդ տարիների, 2010 թվականի առաջին երկու եռամսյակներում ֆիզիկական անձանց վարկավորման աճի տեմպերը նկատելիորեն զիջում էին տնտեսության վարկավորման աճի տեմպերին, ինչը 2008-2009 թվականներին պայմանավորված էր համաշխարհային ճգնաժամով, երբ բանկերն ավելի զսպվածությամբ էին իրականացնում սպառողական վարկավորում, հիօպոթեկային վարկավորում և ավտովարկավորում, դրա փոխարեն ակտիվանալով ՓՄՁ վարկավորման լորտում, արդյունաբերական հատվածում, առևտրի և գյուղատնտեսության ոլորտներում: Մանրածախ սպառողական վարկավորման վերականգնումն սկսվեց դիտվել միայն 2009 թվականի չորրորդ եռամսյակից, հիմնականում, ՀՀ Կենտրոնական բանկի կողմից Ազգային հիպոթեկային ընկերության ստեղծման շնորհիվ: Դրա հետ մեկտեղ, ԿԲ գործարկեց ՙՄատչելի բնակարան երիտասարդ ընտանիքներին՚ ծրագիրը, որի շրջանակներում վերաֆինանսավորվում են հիպոթեկային վարկերը: Բացի այդ, ֆիզիկական անձանց վարկավորման տեմպերն սկսեցին աճել նաև ՀՀ ԿԲ և KfW միջև բնակարանային ֆինանսավորման կայուն շուկայի զարգացման ծրագրը շարունակելու շնորհիվ:

2010 թվականի առաջին կիսամյակում առևտրային բանկերի կողմից տնտեսության վարկավորման ամենամեծ աճ գրանցվել է` տրանսպորտի և կապի ոլորտում` 45.2%, առևտրի ոլորտում` 18.4%, սպասարկման ոլորտւմ` 15%, գյուղատնտեսության ոլրտում` 13% և շինարարության լորտում` 6%: Մանրածախ վարկավորման մեջ բանկերի հիպոթեկային պորտֆելը 2010 թվականի առաջին կիսամյակում աճել է 1.9%, իսկ, միևնույն ժամանակ, ավտովարկավորման ծավալները կրճատվել են 10.7%:

Տնտեսության վարկավորման ծավալներով առաջատարների հնգյակն ունի հետևյալ տեսքը` Հայբիզնեսբանկ` 63 մլրդ.դրամ, Ամերիաբանկ` 61.2 մլրդ.դրամ, HSBC Բանկ Հայաստան` 47.1 մլրդ.դրամ, Յունիբանկ` 45.1 մլրդ.դրամ և ՎՏԲ-Հայաստան Բանկ` 38.1 մլրդ.դրամ: ProCredit Bank-ը, որը բանկային շուկա դուրս եկավ 2008 թվականի փետրվարին, հունիսի 30-ի դրությամբ կարողացել է ապահովել իր վարկային պորտֆելում տնտեսության վարկավորման տեսակարար կշռի 91%, որը կազմել է 13.4 մլրդ.դրամ: Տնտեսության վարկավորման ամենացածր ցուցանիշը վարկային պորտֆելում ԲՏԱ Բանկի մոտ է` 27% կամ 1.21 մլրդ.դրամ: Ֆիզիկական անձանց վարկավորմամբ առաջատարը ACBA-Credit Agricole Բանկն է` 52.6 մլրդ դրամ կամ վարկային ներդրումների 58.1%: Նրան հետևում են` ՎՏԲ-Հայաստան Բանկը` 29.6 մլրդ.դրամ կամ 40.1%, Յունիբանկը` 26.8 մլրդ.դրամ կամ 37.3%: Վարկային պորտֆելում ֆիզիկական անձանց վարկավորման տեսակարար կշռով առաջատարտ ԲՏԱ Բանկն է` 73% կամ 2.9 մլրդ.դրամ, որոնք հիմնականում սպառողական վարկեր են, իսկ այս ցուցանիշով ամենացածր արդյունքը գրանցել է ProCredit Bank – ը` 9.1% կամ 1.3 մլրդ.դրամ: ՏՆտեսության վարկավորման եռամսյակային և տարեկան ամենամեծ աճն ապահովել է Առէկսիմբանկ-Գազպրոմբանկի Խումբը` 47% կամ 22.7 մլրդ.դրամ, իսկ ամենամեծ եռամսյակային անկումը` ԲՏԱ Բանկը` 22.4%: Ֆիզիկական անձանց վարկավորման ծավալներով ամենամեծ եռամսյակային աճն ապահովել են 13 բանկեր, իսկ տարեկան ամենամեծ աճ` 12 բանկեր: Մասնավորապես, ֆիզիկական անձանց ամենամեծ եռամսյակային աճն ապանովել է` Ամերիաբանկը` 66.2%, իսկ տարեկան աճը` ProCredit Bank-ը` մոտ 2 անգամ, իսկ ամենամեծ եռամսյակային և տարեկան անկում ապահովել է Մելլաթբանկը, համապատասխանաբար` 9.6% և 43.4%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի բանկային համակարգի վարկային ներդրումների ծավալները 2010 թվականի երկրորդ եռամսյակում աճել են 2.3%, կազմելով 2.3 մլրդ.դոլար