Երեքշաբթի, 17 Օգոստոսի 2010 15:59

ՙՎաշինգտոն Կապիտալը՚ եռապատկել է վարկային պորտֆելը

ԱրմԻնֆո. ՙՎաշինգտոն Կապիտալ՚ ունիվերսալ վարկային կազմակերպությունը, որը մասնագիտանում է հիպոթեկային վարկավորման ոլորտում, նախատեսում է մինչև տարեվերջ վարկային պորտֆելը հասցնել 1.4-1.5 մլրդ.դրամի, ինչը ընկերությանը հնարավորություն կտա ապահովել 80% տարեկան աճ: Այս մասին ԱրմԻնֆո գործակալության թղթակցի հետ զրույցում հայտարարել է ՙՎաշինգտոն Կապիտալ՚ վարկային կազմակերպության գործադիր տնօրեն Արմեն Խաչյանը:

Նա տեղեկացրել է, որ ընթացիկ տարում ընկերությունը վարում է ակտիվ վարկավորման քաղաքականություն, ինչի շնորհիվ, օգոստոսի 1-ին ընկերության պորտֆելը կազմել է 1.2 մլրդ. դրամ, աճելով նախորդ տարվա նույն ժամանակահատվածի համեմատ մոտ 3 անգամ, իսկ 2010 թվականի հունվար-հունիս ամիսներին` 45%:

Ա.Խաչյանը տեղեկացրել է, որ այսօր ընկերությունը հիպոթեկային վարկավորում է իրականացնում գերմանական KfW բանկի, ՙԱզգային հիպոթեկային ընկերության՚ և ՙՄատչելի բնակարան երիտասարդ ընտանիքներին՚վերաֆինանսավորման ծրագրերի շրջանակներում: Խոսելով վարկավորման պայմանների մասին, տնօրենը նշել է, որ բնակարան ձեռքբերելու նպատակով վարկեր ընկերությունը տրամադրում է`10-15 տարի մարման ժամկետով և տարեկան 13-14% տոկոսադրույքով, իսկ բնակարան վերանորգելու համար`տարեկան 13-15% տոկոսադրույքով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

ՙՎաշինգտոն Կապիտալը՚ եռապատկել է վարկային պորտֆելը