Երկուշաբթի, 13 Սեպտեմբերի 2010 17:15

Հայաստանի բանկային համակարգում դրամով ավանդների տոկոսադրույքները երկրորդ եռամսյակում աճել են մինչև 10.4%, իսկ դոլարով ավանդներինը` իջել են մինչև 6.8%

ԱրմԻնֆո. Հայաստանի բանկային համակարգում ՀՀ դրամով ավանդների տոկոսադրույքները երկրորդ եռամսյակում աճել են 0.4 տոկոսային կետով` մինչև 10.4%, իսկ ԱՄՆ դոլարով ավանդների տոկոսադրույքներն իջել են 0.9 տոկոսային կետով` հասնելով մինչև 6.8%-ի: Արդյունքում, դրամային և դոլարային ավանդների տոկոսադրույքների տարբերությունը կազմել է 3.6 տոկոսային կետ, մարտ ամսին գրանցված` 2.3 տոկոսային կետի համեմատ, նշված է ՀՀ Կենտրոնական բանկի երկրորդ եռամսյակի հաշվետվությունում:

Համաձայն հաշվետվության, դրամային վարկերի տոկոսադրույքները նույնպես ցուցաբերել են աճի միտումներ, դոլարային վարկերի տոկոսադրույքների նվազեցման պայմաններում: Այսպես, հունիսին դրամային վարկերի տոկոսադրույքները կազմել է 19.4%, մարտի համեմատ աճելով 0.2 տոկոսային կետով, իսկ դոլարային վարկերի տոկոսադրույքները նույն ժամանակահատվածում իջել են 1.8 տոկոսային կետով, հունիսին կազմելով 12.9%: Արդյունքում, դրամային և դոլարային վարկերի տոկոսադրույքների տարբերությունը կազմել է 6.5 տոկոսային կետ, մարտ ամսի 4.5 տոկոսային կետի համեմատ:

2010 թվականի հունիսին դրամային վարկերի և դրամային ավանդների միջև տոկոսադրույքների տարբերությունը կազմել է 9 տոկոսային կետ, իսկ դոլարային վարկերի և դոլարային ավանդների միջև տոկոսադրույքների տարբերությունը կազմել է 6.1 տոկոսային կետ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Հայաստանի բանկային համակարգում դրամով ավանդների տոկոսադրույքները երկրորդ եռամսյակում աճել են մինչև 10.4%, իսկ դոլարով ավանդներինը` իջել են մինչև 6.8%