Երկուշաբթի, 27 Սեպտեմբերի 2010 21:21

Բաժնետերերը շարունակում են աջակցել ProCreditBank-ի նորարոր նախագծերը

ԱրմԻնֆո. Ինչպես այսօր Երևանում տեղի ունեցած մամուլի ասուլիսում հայտարարել է հայկական ProCreditBank-ի Խորհրդի նախագահ Քրիստոֆ Ֆրեյթագը, իր գործունեության երկու տարիներին բանկը ցուցադրել է կայուն զարգացում, մասնավորապես, ՓՄՁ գծով, բնակչությանն առաջարկելով գրավիչ ֆինանսական ծառայություններ: ՙՀայաստանում մեր հաջողությունների գրավականը դա ՓՄՁ սուբյեկտներին, ինչպես նաև ֆիզիկական անձանց թափանցիկ ու հավասարազոր պայմանների առաջարկումն է՚,-ընդգծել է նա, հավելելով որ բանկի բաժնետերերն անհրաժշտության դեպքում, ելնելով բանկի դիրքերի հետագա ամրապնդումից մտադիր են առաջիկա տարիներին իրականացնել կապիտալիզացիա:

EBRD-ից Հայկական ProCreditBank-ի Խորհրդի անդամ Յանա Սիվկովան իր հերթին նշել է, որ EBRD կողմից աջակցությունը կլինի ինչպես երկարաժամկետ ֆինանսական ռեսուրսների, այնպես էլ կապիտալիզացիայի գծով: Գերմանական KfW բանկից ProCreditBank-ի Խորհրդի անդամ Ջերալդ Հյուբերնը նկատել է,որ չնայած Հայաստանում բանկի գործունեության մեկնարկը համընկավ ճգնաժամային դժվարին փուլի հետ, այնուամենայնիվ, ProCreditBank-ին հաջողվեց ապահովել կայուն զարգացում: ProCreditBank-ի վարկային քաղաքականությունը համահունչ է KfW-ի հետ` աջակցել անապահով, սակայն հուսալի տնտեսություններին, հիմնականում, Հայաստանի մարզերում՚,- ընդգծել է նա: Պատասխանելով ԱրմԻնֆո գործակալության այն հարցին, որ KfW-ն բանկի նախորդ կապիտալիզացիաներին չի մասնակցել, Դ.Հյուբերնը նշել է, որ կապիտալի հերթական համալրման ժամանակ KfW կլրացնի այդ բացը: Միաժամանակ նա հավելել է, որ KfW սկսում է Հայաստանում հիպոթեկային ծրագրի երկրորդ փուլը, որին ProCreditBank-ը մտադիր է մասնակցել:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Բաժնետերերը շարունակում են աջակցել ProCreditBank-ի նորարոր նախագծերը