Ուրբաթ, 5 Նոյեմբերի 2010 10:42
Ամերիաբանկը համալրել է իր ինովացիաների շարքը առևտրի ֆինանսավրման գործիքներով
ԱրմԻնֆո. Այսօր Ամերիաբանկը ներկայացրել է հայկական շուկայի համար նոր`առևտրի ֆինանսավորման երկու գործիք`դասական ֆոկտորինգ և գնման պատվերի ֆինանսավորում ԳՊՖ: ՙԳՊՖ և ֆակտորինգի գծով գրավ է հանդիսանում ինքը`պայմանագիրը, ինչը գործարարների վրայից հանում է անշարժ գույքի տեսքով գրավի ապահովման խնդիրը լուծելու պարտականությունը՚,- բացատրել է Ամերիաբանկի կորպորատիվ բանկինգի դեպարտամենտի ղեկավար Լևոն Արևշատյանը: Նրա խոսքերով, մինչև տարեվերջ Բանկը մտադիր է երկու պրոդուկտներով ապահովել 2.3 մլն.դոլարի ծավալներ:
ԳՊՖ վարկերը, պարզաբանում է նա, նախատեսված է բոլոր այն դեպքերի համար, երբ առկա է պատվերի իրականացման պայմանագիր, սակայն ընկերությունը չունի անհրաժեշտ ֆինանսական միջոցներ տվյալ պատվերն իրականացնելու համար և անհրաժեշտ գրավ` վարկ ստանալու համար: Առաջարկվող այս նոր ֆինանսավորման համար որպես հիմնական ապահովվածության միջոց հանդիսանում է ընկերության կողմից կնքված մատակարարման պայմանագիրը: Մատակարարը կնքելով պայմանագիր, շնորհիվ ֆինանսավորման այս նոր գործիքի, կարող է հոգալ տվյալ պատվերի կատարման հետ կապված այնպիսի ծախսեր, ինչպիսիք են`հումքի և կիսաֆաբրիկատների ձեռքբերման, ենթակապալառուների աշխատանքների կատարման վճարման, մաքսային և հարկային, բեռնափոխադրման, տեստավորման, ապահովագրական ծախսերը, պատվերի կատարման երաշխիքների տրամադրումը և այլ ծախսեր, որոնք կապված են պատվերի հետ:
Գնման պատվերի ֆինանսավորումը հնարավորություն է տալիս ստանալ դեբիտորական պարտավորություններից ավել գումար, նվազագույնի հասցնել պահուստների ձևավորման և լոգիստիկայի ծախսերի նպատակով սեփական միջոցների օգտագործումը, տնօրինել գործունեության սեզոնային կամ անսպասելի աճի համար անհրաժեշտ ռեսուրսները, ստանալ մատակարարներից զեղչեր կամ բոնուսներ` կանխավճարով հումքի կամ ապրանքների գնման շնորհիվ, ստանալ կազմակերպության դեբիտորական պարտավորությունների գնահատման և կառավարման ծառայություն:
Դասական ֆակտրինգի շրջանակներում Ամերիաբանկը մատակարար կազմակերպություններին առաջարկում է ֆակտորինգային ծառայության նոր ծրագիր` ԴԱՍԱԿԱՆ ՖԱԿՏՈՐԻՆԳ (առանց ռեգրեսի իրավունքի ֆակտորինգային ֆինանսավորում), որի ներքո Բանկը պատրաստ է ձեռք բերել իր կողմից հրապարակած ցանկում ընդգրկված ընկերությունների հանդեպ մատակարարների ունեցած դրամական պահանջները` վճարելով մատակարարված ապրանքի/ծառայության զեղչված արժեքը. զեղչատոկոսը` սկսած տարեկան 14%-ից: Ֆինանսավորումն իրականացվում է ՀՀ դրամով:
Ի տարբերություն ֆինանսավորման այլ գործիքների, դասական ֆակտորինգի դեպքում ապահովվածության միջոց են հանդիսանում մատակարարի և գնորդի միջև կնքված պայմանագիրը և մատակարարված ապրանքների/ծառայությունների ընդունումը հավաստող փաստաթղթերը: Առաջարկվող ֆակտորնգն ունի մի շարք առավելություններ` այն մատակարարի համար ընձեռում է վաճառքի ծավալների մեծացման հնարավորություն, գնորդի կողմից վճարումների ուշացման և չվճարման ռիսկերը փոխանցում է Բանկին, մատակարարը ստանում է դեբիտորական պարտավորության հավաքագրման և կառավարման հնարավորություն, նա նաև հնարավորություն ունի ապրանքը/ծառայությունը գնորդին մատակարարելուց հետո վճարումը Բանկից ստանալ անմիջապես` չսպասելով գնորդի վերջնահաշվարկի ժամկետներին:
Միաժամանակ գնորդ կազմակերպությունը ստանում է վճարման ժամկետի միջինում մինչև 4 ամիս հետաձգման հնարավորություն, մեծացնում է գնումների ծավալները, նվազագույնի է հասցնում պատվիրված ապրանքի/ծառայության մատակարարման ուշացումները և անորակ ապրանքի ստացման ռիսկը, արագացնում միջոցների շրջանառելիությունը:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները