Երկուշաբթի, 15 Նոյեմբերի 2010 15:43
Արդշինինվեստբանկը շուկայական նիշաներ է բացահայտում սպառողական վարկավորման համար
ԱրմԻնֆո. Արդշինինվեստբանկի մանրածախ վարկավորման զարգացման վարչության ղեկավար Դավիթ Առաքելյանի հարցազրույցը ԱրմԻնֆո գործակալությանը
Պրն.Առաքելյան. հայտնի է, որ նախորդ տարում սպառողական շուկայում տիրող պասիվությունից հետո ընթացիկ տարում նկատվում է որոշակի ակտիվացում: Ինչպիսի՞ն են սպառողական վարկավորման տեմպերն Արդշինինվեստբանկում:
Ներկայումս Արդշինինվեստբանկում նկատվում են սպառողական վարկերի աճի միտումներ: Նախորդ տարի բանկը բոլոր ճիգերն էր գործադրում հակառակ պտտվող այդ “անիվը” կանգնեցնելու, մասնավորապես, սպառողական վարկավորման ծավալները պահպանելու ուղղությամբ, քանի որ 2009 թվականին բանկը շատ քիչ քանակով սպառողական վարկեր էր տրամադրել: 2010 թվականին մեր ուշադրությունը, հիմնականում, ուղղվեց վարկավորման մեխանիզմների կարգավորման վրա, ելնելով նրանից, որ մենք աշխատում ենք առաջարկել այնպիսի պայմաններ, որոնք կհամապատասխենեն շուկայի այսօրվա պահանջներին` վերցրած ռիսկերի զսպման և քաղաքացիների վարկունակության գնահատման տեսանկյունից: Մենք գտնում ենք, որ մեր կողմից իրականացվող միջոցառումները կբացահայտվեն 2011 թվականին, երբ կարձանագրվի վարկավորման ծավալների զգալի աճ:
Այսօր մենք առաջարկում ենք համեմատաբար ցածր ռիսկեր պարունակող վարկեր, բայց դրա հետ մեկտեղ, մշտապես ընդլայնում ենք առաջարկվող պրոդուկտների շարքը:
Ինչպիսի՞ սպառողական վարկեր է այսօր տրամադրում Արդշինինվեստբանկը: Ինչպե՞ս եք գնահատում այդ պորտֆելի որակը:
Սպառողական վարկերի շարքը մեզ մոտ բավականին լայն է` սկսած ֆիզիկական անձանց ավտովարկավորումից մինչև ֆիզիկական և իրավաբանական անձանց հիփոթեկային վարկավորում: Մենք վստահ ենք, որ տրամադրված վարկերի որակը բավականին բարձր է, քանի որ մենք ամբողջ տարի մշակում էինք ռիսկերի կառավարման հիմնական գործընթացների կարգավորման համար նախատեսվող մեխանիզմներ:
Արդշինինվեստբանկի վարկային պորտֆելում ի՞նչ բաժին են կազմում ավտովարկավորումը և հիպոթեկը:
Արդշինինվեստբանկի սպառողական վարկերի ծավալները 2010 թվականի սեպտեմբերի 30-ին կազմել են 19.3 մլրդ.դրամ, որը կազմում է վարկային պորտֆելի մոտ 30%-ը: Այդ պորտֆելում ավտովարկավորման բաժինն ամենամեծն է` 20%, իսկ հիպոթեկային վարկավորման ծավալները կազմում են մոտ 10%: Հայաստանի բանկային համակարգի ավտովարկավորման ընդհանուր միագումար ծավալներում Արդշինինվեստբանկի բաժինը կազմում է ավելի քան 14%, որն այս ցուցանիշով երկրորդ տեղն է զբաղեցնում երկրի բանկերի շարքում:
Ի՞նչ պայմաններով է բանկը տրամադրում ավտովարկերը: Ինչքանո՞վ են դրանք պահանջված: Բանկն աշխատո՞ւմ է ավտոդիլերների հետ: Ո՞ր ապահովագրական և գնահատող կազմակերպությունների հետ է բանկը համագործակցում ավտովարկերի գծով:
Այսօր շուկան լցված է նոր, մատչելի, սակայն ոչ բրենդային մեքենաներով: Երկրի բնակչության մոտ նկատվում է առաջնային շուկայից ավտոմեքենա գնելու պահանջարկ: Ելնելով շուկայի կոնյունկտուրայից, մենք վարկեր ենք տրամադրում առաջնային շուկայից ավտոմեքենա գնելու համար, 20% կանխավճարով, 15% տարեկան տոկոսադրույքով և 5 տարի մարման ժամկետով: Արդշինինվեստբանկը համագործակցում է մի քանի ավտոդիլերների հետ և բանակցություններ են ընթանում նոր ավտոդիլերների հետ նոր պայմանագրեր կնքելու ուղղությամբ: Առաջնային շուկայից ավտոմեքենա ձեռք բերելու դեպքում գնահատում չի կատարվում: Ձեռք բերվող ավտոմեքենաների ապահովագրությունն իրականացվում է պարտադիր կերպով, մասնավորապես, Արդշինինվեստբանկը հանդիսանում է “ՌՈՍԿՈ” ապահովագրական ընկերության գործակալը, ինչը հաճախորդների համար թեթևացնում է Պոլիսի ընտրությունն ու ստացումը:
Ինչպե՞ս եք գնահատում հիպոէեկային շուկայում տիրող իրավիճակը: Ի՞նչ պայմաններով է բանկն առաջարկում հիպոթեկային վարկերը:
Այսօր Հայաստանում գործում են մի քանի ծրագրեր, որոնց շնորհիվ երկրի հիպոթեկային շուկան զարգանում է բավականին ուժեղացված տեմպերով: “Ազգային հիպոթեկային ընկերություն” և “Երիտասարդներին մատչելի բնակարան” ունիվերսալ վարկային կազմակերպությունները, որոնք ստեղծվել են 2009 թվականի հունիսին և 2010 թվականի փետրվարին, գործում են հիպոթեկային վարկերը վերաֆինանսավորելու նպատակով, բանկերին և վարկային կազմակերպություններին հնարավորություն տալով հիպոթեկային շուկայում պահպանել աճի տեմպերը: Արդշինինվետբանկը նույնպես հանդիսանում է գերմանական KfW բանկի հիպոթեկային ծրագրի մասնակիցներից մեկը: Մեր կարծիքով, հիպոթեկային շուկայում տիրող մրցակցությունը թույլ է տալիս ավելի աշխուժացնել շուկան: “Երիտտասարդներին մատչելի բնակարան” ծրագրի շրջանակներում մենք տրամադրում ենք 15 տարի մարման ժամկետով վարկեր, 10.5% տարեկան տոկոսադրույքով, որի 2%-ը սուբսիդացվում է պետության կողմից:
Ի՞նչ ռեսուրսներով է բանկն իրականացնում սպառողական վարկավորումը: Ինչպե՞ս է լուծվում դրամային իրացվելիության հարցը:
Համաձայն գործող օրենսդրության, սպառողական վարկերը տրամադրվում են դրամով, բացառությամբ քարտային և հիպոթեկային վարկերի: Դրամային պրոբլեմը լուծվում է ներգրավված ավանդների հաշվին, իսկ հիպոթեկի կամ գյուղվարկերի դեպքում` վերաֆինանսավորող կազմակերպությունների հետ համագործակցության հաշվին, այսինքն, վարկերը տրամադրում ենք դրամով, իսկ վերաֆինանսավորող կազմակերպությունը փոխհատուցում է դրամական ռեսուրսները: Նման պրոբլեմ կար նաև ավտովարկերի ու մի շարք այլ վարկերի պարագայում, սակայն այն բանից հետո, երբ 2009 թվականին բանկը միջոցներ կուտակեց և իր համար ստեղծեց իրացվելիության անվտանգության բարձիկ, իրացվելիության մակարդակը մեզ մոտ բարձր է:
Կուզենայի նշել, որ այսօր շատ մեծ ուշադրություն ենք դարձնում ռիթեյլի ոլորտին, 2011 թվականից պլանավորելով ագրեսիվ մանրածախ վարկավորման իրականացում: Մենք բացահայտում ենք սպառողական վարկավորման շուկայական նիշաներն ու աշխատում արագորեն դրանք զբաղեցնել:
Արթուր Ասլանյան
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները