Երկուշաբթի, 15 Նոյեմբերի 2010 15:52
Հայաստանի բանկային համակարգի ընդհանուր պարտավորությունները 2010թ. հոկտեմբերի 1-ին հասել է 3.1 մլրդ.դրամի, աճելով տարեկան 15%-ով
ԱրմԻնֆո. Հայաստանի բանկային համակարգի ընդհանուր պարտավորությունները 2010թ. երրորդ եռամսյակում աճել են 6.4%, իսկ տարվա կտրվածքով աճել են 14.9%, 2010 թվականի սեպտեմբերի 30-ի դրությամբ կազմելով 1.135 տրլն.դրամ կամ 3.1 մլրդ.դոլար:
Ըստ ԱրմԻնֆո գործակալության կողմից կազմված` Հայաստանի առևտրային բանկերի Ռենկինգի, 2010 թվականի սեպտեմբերի 30-ի դրությամբ ցպահանջ պարտավորությունների տեսակարար կշռով առաջատարն է HSBC-Բանկ Հայաստանը` 60.6%, իսկ ժամկետային ավանդնրի գծով` Յունիբանկը` 68.9%,
Ժարտավորությունների կազմում 2010 թվականի երրորդ եռամսյակում ժամկետային ավանդների գծով գրանցվել է 0.3% աճ, ցպահանջ պարտավորությունների գծով` 6.3%, այլ բանկերից և ֆինանսական կազմակերպություններից ավանդների ու վարկերի գծով` 18.9% և բանկային թղթակցային հաշիվներով (լորո)` 13.1% անկում: Տարվա կտրվածքով ժամկետային ավանդներն աճել են 13.1%, ցպահանջ պարտավորությունները` 17.4%, այլ բանկերից և ֆինանսական կազմակերպություններից ավանդների ու վարկերի գծով` 2 անգամ, իսկ, իսկ լորո-հաշիվների միջոցները` 2 անգամ:
21 բանկերից ցպահանջ պարտավորությունների եռամսյակային աճ են արձանագրել 14 բանկեր, ժամկետային ավանդների եռամսյակային աճ` 13 բանկեր, իսկ ցպահանջ պարտավորությունների տարեկան աճ` 13 բանկեր և ժամկետային ավանդների աճ` 16 բանկեր: Պարտավորությունների կազմի տարեկան դինամիկան վկայում է այն մասին, որ առևտրային բանկերը վարկավորման տեմպերը պահպանելու համար միջոցներ սկսել են ներգրավել ոչ միայն ներքին շուկայից, այլ նաև արտաքին աղբյուրներից, այդ թվում`միջազգային վարկային ծրագրերի շրջանակներում: Ընդ որում, վերջին հանգամանքը բանկերին թույլ է տալիս լուծել երկարաժամկետ ու ՙէժան՚ միջոցների խնդիրը, վարկառուներին վարկավորելով նրա համար գրավիչ պայմաններով: Տեղին է նշել, որ 2009 թվականի հունիսից ստացվեցին ՀԲ և ռուսական վարկի միջոցները, որոնց մի մասն ուղղվեցին Հայաստանի ՓՄՁ վարկավորմանը, ընդ որում, նշված միջոցները բանկերն ստացան ԿԲ-ից ու Կառավարությունից` ՀՀ դրամով:
Ընդհանուր պարտավորությունների կազմում ցպահանջ պարտավորությունների տեսակարար կշռով 2010 թվականի սեպտեմբերի 30-ի դրությամբ ժամկետային պարտավորությունների բաժինը կազմել է 37.6%, ցպահանջ պարտավորությունները` 25.4%, այլ բանկերից ու ֆինանսական կազմակերպություններից վարկերն ու ավանդնրը` 26.6% և բանկայի թղթակցային ¥լորո¤ հաշիվներով` 1.2%, որոնք բացարձակ մեծությամբ, համապատասխանաբար կազմել են 426.1 մլրդ.դրամ, 278.6 մլրդ.դրամ, 302.3 մլրդ.դրամ և 13.3 մլրդ.դրամ: Եռամսյակի կտրվածքով աճ է գրանցվել միայն այլ բանկերից և ֆինանսական կազմակերպություններից ավանդների ու վարկերի գծով` 2.8%, ժամկետային ավանդների 2.3% և լորո-հաշիվների 0.2% անկման պայմաններում, իսկ ցպահանջ պարտավորությունների բաժինը փոփոխության չի ենթարկվել:
2010 թվականի երրորդ եռամսյակում ցպահանջ պարտավորությունների անկում է արձանագրվել 7 բանկերում, իսկ տարվա կտրվածքով` 8 բանկերում: Եռամսյակային ամենամեծ անկումն արձանագրվել է` Byblos Bank Armenia-ում` 68.1%, Զարգացման Հայկական Բանկում` 17.2%: Իսկ այս ցուցանիշի եռամսյակային և տարեկան ամենամեծ աճն արձանագրվել է Ամերիաբանկում` 69.4%: Ցպահանջ պարտավորություններով առաջատարների եռյակն ունի հետևյալ տեսքը` HSBC Բանկ Հայաստան` 63.6 մլրդ.դրամ, Ամերիաբանկ` 38.9 մլրդ.դրամ և Արդշինինվեստբանկ` 29 մլրդ.դրամ:
2010 թվականի երրորդ եռամսյակում ժամկետային ավանդների անկում է գրանցվել է 8 բանկերում, իսկ տարեկան անկում` 5 բանկերում: Եռամսյակային ամենամեծ անկումն արձանագրվել է Ինեկոբանկ մոտ` 16%, իսկ ամենամեծ տարեկան անկումը` Կոնվերս Բանկի մոտ` 17.6%: Ամենամեծ եռամսյակային աճը` Հայէկոնոմբանկի մոտ` մոտ 21.1%, իսկ տարեկան ամենամեծ աճը` Արարատբանկի մոտ` մոտ 2 անգամ: Ժամկետային ավանդների գծով առաջատարների հնգյակն ունի հետևյալ տեսքը` Յունիբանկ` 64.2 մլրդ. դրամ, Ամերիաբանկ` 47.2 մլրդ.դրամ, Արդշինինվեստբանկ` 41.7 մլրդ.դրամ, ACBA-Credit Agricole Bank` 38.2 մլրդ.դրամ և HSBC Բանկ Հայաստան` Հայբիզնեսբանկ` 36.7 մլրդ. դրամ, որոնց բաժինը Հայաստանի բանկային համակարգի ժամկետային ավանդների ընդհանուր կազմում հասնում է 54%-ի: Ընդ որում, Յունիբանկի, Արդշինինվեստբանկի, ACBA-Credit Agricole Բանկի և Հայբիզնեսբանկի ավանդների կազմում մեծ մաս կազմում են ֆիզիկական անձանց ավանդները, իսկ Ամերիաբանկի ավանդների կազմում` իրավաբանական անձանց ավանդները:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները