Հինգշաբթի, 25 Նոյեմբերի 2010 18:46
Յունիբանկի գրավիչ քարտային ծրագրերը
Արմինֆո. Յունիբանկի քարտային բիզնեսի զարգացման գծով տնօրեն, Վարչության անդամ Մեսրոպ Հակոբյանի հարցազրույցը ԱրմԻնֆո լրատվական գործակալությանը
Հայաստանի բանկային համակարգում Յունիբանկն առաջատար դիրքեր է գրավում թողարկված միջազգային քարտերի քանակով: Բանկի կողմից ինչպիսի՞ քայլեր են ձեռնարկվում գրաված այդ դիրքերն ամրապնդելու ուղղությամբ:
Այսօր Յունիբանկն ակտիվորեն ներդրումներ է կատարում տեխնիկական հագեցվածության մեջ, մասնավորապես, իր մեկնարկին է պատրաստվում սեփական պրոցեսինգային կենտրոնի գործարկումը, որի միջոցով կթողարկվեն բազմաարժութային քարտեր, որոնցով նախատեսում են հիմնական քարտի վրա տարբեր արժույթներով մի քանի հաշիվների ամրացում: Սեփական պրոցեսինգային կենտրոնի ստեղծման ուղղությամբ իրականացված ներդրումներն անցնւմ են 1 մլն.դոլարից: Առայմ նախագիծը գտնվում է պիլոտային ռեժիմում, իսկ մինչև 2010 թվականի նոյեմբերի վերջը կավարտենք թեստավորման ժամանակ բացահայտված թերությունների վերացման աշխատանքները:
Մենք նախատեսում ենք մասնակցել քարտային բիզնեսի մի շարք խոշոր նախագծերի, այդ թվում նաև կենսաթոշակային հիմնադրամի կենսաթոշակային քարտերի նախագծին: Ներկայումս աշխատում ենք այդ քարտերի ստեղծման ուղղությամբ, որոնք կունենան հատուկ դիզայն և սակագներ: Բացի այդ, 2011 թվականին նախատեսվում է GPRS ֆունկցիա ունեցող շարժական POS-թերմինալների, ինչպես նաև ապահովագրական հատուկ պոլիսների ձեռքբերում, կենսաթոշակառուների համար լոյալության հատուկ նախագծի շրջանակներում:
Այսօր, Հայաստանում անկանխիկ գործարքների ցածր մակարդակի պայմաններում, ինչպեսի՞ն են հաճախորդների կողմից քարտային պրոդուկտների նկատմամբ ունեցած պահանջները:
Այսօր քարտային բիզնեսում բանկերն իրենց ուշադրությունը հիմնականում բևեռում են պլաստիկ քարտով աշխատելիս հաճախորդների հարմարավետության վրա: Իսկ հաճախորդների կողմից, Հայաստանում անկանխիկ գործարքների ցածր մակարդակի պայմաններում, քարտային պրոդուկտների նկատմամբ պահանջները հիմնականում կենտրոնացած են վարկային գծերի (օվերդրաֆտ) հնարավորության վրա, իհարկե, կանխիկացման ժամանակ զրոյական կոմիսիայի պայմանով և հնարավոր զեղչերով:
2010 թվականի հոկտեմբերի 1ի դրությամբ ինչքա՞ն է բանկի պաստիկ քարտերի, բանկոմատների և POS-թերմինալների քանակը և ինչպիսի աճ է գրանցվել 2010 թվականի հունվար-սեպտեմբեր ամիսներին:
Ինչպես գիտեք, քարտային բիզնեսի զարգացումը հանդիսանում է Յունիբանկի 2010 թվականի գործունեության ռազմավարական ուղղություններից մեկը: Բանկը թողարկել է ավելի քան 61 հազ.քարտ, որոնց մեջ Visa քարտերը կազմում են 50 հազար, իսկ ArCa քարտերը` մոտ 12 հազար, իսկ մինչև տարեվերջ մտադիր ենք թողարկված քարտերի քանակը հասցնել 100 հազարի: Ներկայումս բանկն ունի 73 բանկոմատ, որոնց մեծ մասը տեղադրված է մայրաքաղաքում, ինչպես նաև 655 POS-թերմինալ, որոնց թիվը տարեվերջին մտադիր ենք հասցնել 1500-ի: Յունիբանակի քարտերով և բանկոմատներով տրանսակցիաների ծավալները 2010 թվականի հոկտեմբերի 1-ի դրությամբ, տարվա կտրվածքով, աճել է մոտ 2 անգամ:
Բանկի վարկային պորտֆելում ի՞նչ բաժին են կազմում վարկային քարտերը: Ի՞նչ կասեք վարկային քարտերի տարեկան դինամիկայի մասին և մինչև 2010 թվականի ավարտն ինչքան՞վ կմեծանա այդ պորտֆելը:
Բանկի վարկային պորտֆելում վարկային քարտերի բաժինը, 2010 թվականի երրորդ եռամսյակի արդյունքներով, կազմում է 7-8%, իսկ վարկային քարտերի տարեկան աճը կազմել է 23%, ինչը վկայում է 2009 թվականի համեմատ բավականին ակտիվ դինամիկայի մասին: Մեզ համար վարկավորման ամենաակտիվ ամիսներն են հուլիս, օգոստոս, սեպտեմբեր և մի փոքր էլ ապրիլ ամիսները: Չորրորդ եռամսյակում մենք ակնկալում ենք վարկային քարտերի պորտֆելի աճի շարունակություն` մինչև 1 մլրդ.դրամ:
Հայտնի է, որ 2011 թվականից Հայաստանում ուժի մեջ կմտնի ԱՊՊԱ մասին Օրենքը: Մտադի՞ր է արդյոք ավտովարկավորման շուկայում աշխատող Յուիբանկը ներդնել հատուկ պլաստիկ քարտեր:
Այո, անպայման, քանի որ Յունիբանկն ակտիվորեն է աշխատում ավտովարկավորման շուկայում, մենք անպայման կներդնենք հատուկ պլաստիկ քարտեր, որոնք կսպսարկվեն <ՌԵՍՈ> ապահովագրական ընկերության հետ համագործակցության շրջանակներում: Համատեղ այդ նախագիծը Յունիբանի հաճախորդների համար կգործարկվի առաջիկա ամիսներին:
Ասլանյան Արթուր
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները