Ուրբաթ, 26 Նոյեմբերի 2010 15:37

American Express քարտերը հասան Հայաստան

ԱրմԻնֆո. ACBA-Credit Agricole Bank-ի գլխավոր տնօրեն Ստեփան Գիշյանի հարցազրույցը Արմինֆո գործակալությանը

Ինչպես հայտնի է, 2010 թվականի փետրվարից ACBA-Credit Agricole Bank-ը թողարկել է American Express համակարգի առաջին քարտերը: Ինչպիսի՞ն է այսօր այդ քարտերի պահանջարկը:

ACBA-Credit Agricole Bank-ի և American Express (AmEx) համակարգի միջև համագործակցությունը կայացավ երկու փուլով: Առաջին փուլում` 2010 թվականի փետրվարից, բանկն ստացավ AmEx քարտերը սպասարկելու իրավունք: Այդ քարտն առանձնանում է ինչպես սպասարկման որակով, այնպես էլ առաջարկվող, միջազգային մակարդակի, տարբեր անհրաժեշտ ծառայություններով: Քարտերի պահանջարկը բարձր է: Խասքը գնում է մի բանկային պրոդուկտի մասին, որը, միաժամանակ հանդիսանալով վարկային քարտ, ֆինանսական ծառայություններից բացի նախատեսում է նաև յուրօրինակ ծառայությունների և առաջարկությունների փաթեթ` ապահովագրական, տուրիստական, բոնուսային և այլն: Մեր կողմից իրականացրած հետազոտությունները վկայում են այն մասին, որ հաճախորդները վաղուց էին սպասում նման քարտի:

Ձեր նախնական կանխատեսումներով, ի՞նչ քանակով AmEx քարտեր եք պատրաստվում թողարկել մինչև տարեվերջ և 2011 թվականին:

Մինչև տարեվրջ նախատեսում ենք AmEx-ի քարտապաների թիվը հասցնել 1 հազարի, սակայն կուզենայի հատուկ նշել, այդ քարտերի սպասարկման տեսանկյունից մեր ամենաառաջնային խնդիրը դա իրական և արժեքավոր ծառայությունների մատուցումն է, իսկ դա էլ իր հերթին կբերի երկարաժամկետ համագործակցության: 2011 թվականին, երբ մենք կթողարկենք նաև այլ տեսակի AmEx քարտեր` բնակչության միջին խավերի համար, բնական է, վաճառքը կավելանա:

Այսօր արտասահմանյան բանկերի կողմից թողարկված AmEx քարտերը Հայաստանում սպասարկվում են միայն ACBA-Credit Agricole Bank-ի բանկոմատների ու POS-թերմինալների, ինչպես նաև առևտրա-ծառայողական հատվածի որոշ օբյեկտների միջոցով: Չե՞ք գտնում արդյոք, որ Հայաստանում այդ քարտերի սպասարկման սահմանափակ հնարավորությունները կարող են արգելակել ձեր բանկի կողմից դրանց թողարկումը:

AmEx քարտերի սպասարկումն իրականացվում է ֆունկցիոնալ և ծրագրային հնարավորություններով և ոչ թե ACBA-Credit Agricole Bank-ի բանկոմատների և -թերմինալների միջոցով: Դա նշանակում է, որ հայկական մյուս բանկերի հետ AmEx քարտերով համագործակցությանը ոչինչ չի խանգարում, ավելին, նրանց հետ համատեղ մենք շարունակում ենք ակտիվացնել ծրագրային ապահովման համապատասխան գործընթացներն իրենց բանկոմատներում և POS-թերմինալներում նույնպես: Արդյունքներն իրենք են խոսում իրենց մասին, ինչպես և մյուս քարտերի ժամանակ, առևտրի/սպասարկման տեղական շատ կետեր, ինչպես նաև բանկոմատներ արդեն սպասարկում են AmEx քարտերը, ինչի շնորհիվ քարտապաններն այդ քարտերն օգտագործելիս չեն բախվի անհարմարությունների հետ:

Ի՞նչ պայմաններով են սպասարկվում AmEx քարտերը: Ինչով են դրանք տարբերվում բանկի կողմից թողարկվող տեղական ArCa և միջազգային Visa և MasterCard քարտերի սպասարկումից:

Տարբերություններ կան ինչպես սպասարկման պայմաններում, այնպես էլ մատուցվող ծառայություններում: American Express Gold քարտը դա երկարատև, 50 օր անտոկոս մարման ժամկետով վարկային քարտ է: Այսինքն հաճախորդը, եթե վարկային միջոցներն օգտագործել է, ապա 50 օրում դրանք մարելու դեպքում տոկսներ և կոմիսիաներ չի վճարում: Կնշեի նաև, որ American Express Gold քարտի սպասարկման մեխանիզմը մեր հաճախորդին հնարավորություն է տալիս օգտվել բանկի շուրջօրյան սպասարկման կենտրոնից, քարտերի առաքման ծառայությունից և հաշվի վերաբերյալ քաղվածքներ ստանալուց: Մի խոսքով, առավելագույն հարմարավետություն ապահովելու նպատակով քարտապանին մատուցվում են հնարավոր բոլոր ծառայությունները:

AmEx քարտերի առավելությունը ավանդաբար համարվում է` անվճար ծառայությունների մի ամբողջ փաթեթի ստացման հնարավորությունը, մասնավորապես, տուրիստական ապահովագրության ծրագրի ստացում, այդ թվում նաև այդ քարտով վճարված գնումների ապահովագրություն` գողության կամ վնասման դեպքերից: ACBA-Credit Agricole Bank-ի կողմից թողարկվող AmEx քարտերը նույնպես նախատեսում են նման հնարավորություններ:

Հայաստանում, ինչպես ամբողջ աշխարհում, American Express Gold քարտերն իրենց մեջ կներառեն անվճար ծառայությունների տարբեր փաթեթներ: Դրանցից մեկն էլ հանդիսանում է ապահովագրությունը: Ապահովագրություն ճանապարհին տեղի ունեցած պատահարներից և ուղևորության ժամանակ տեղի ունեցքած դիսկոմֆորտից (իրերի կորուստ, ուղևորության հետաձգում), գնումների ապահովագրություն (նախատեսում է գնված ապրանքի փոխհատուցում կամ վերանորգում, գողության կամ վնասման դեպքերում), ինչպես նաև ապահովագրություն խաբեբայություններից (քարտի անօրինական օտագործում): Ապահովագրությունից բացի American Express Gold քարտն ունի մեկ այլ առավելություն` Membership Rewards և Selects ծրագրերը: Membership Rewards ծրագրի շրջանակներում կանխիկացնելիս կամ վճարներ կատարելիս քարտապանին տրվում է բոնուս ստանալու հնարավորություն: Իսկ ինչ վերաբերվում է Selects ծրագրին, ապա վճարումներ իրականացնելիս քարտապանի նկատմամբ կլինի առանձնահատուկ մոտեցում, ինչպես Հայաստանի առևտրի/սպասարկման կետերում, այնպես էլ ամբողջ աշխարհում (զեղչեր, նվերներ, լրացուցիչ ծառայություններ): Քանի որ American Express ընկերության բիզնեսն առնչվում է նաև տուրիստական բիզնեսի հետ, ապա մեր հաճախորդները կարող են օգտվել American Express Gold-ի տուրիստական գործընկերոջ կողմից մատուցվող տարբեր տեսակի տուրիստական առաջարկություններից:

ACBA-Credit Agricole Bank-ն իսկզբանե նախատեսել էր AmEx քարտերի հետ մեկտեղ թողարկել նաև ճանապարհային չեկեր: Ի՞նչ կասեիք այդ առիթով:

Բանկն արեն թողարկում և սպասարկում է American Express ճանապարհային չեկերը, որոնք բավականին հարմար են արտասահմանում կանխիկացնելիս և ունեն բարձր պահանջարկ:

Հաշվի առնելով նաև AmEx քարտերը, մինչև տարեվերջ ի՞նչ քանակության քարտեր կլինեն ACBA-Credit Agricole Bank-ի տրամարության տակ: Ինչքա՞ն ակտիվ քարտեր, բանկոմատներ և POS-թերմինալներ ունի բանկը, և որ քարտերի բաժինն է ամենամեծը:

2010 թվականի նոյեմբերի 1-ի դրությամբ ACBA-Credit Agricole Bank-ի կողմից թողարկված ակտիվ քարտերի քանակը հասնում է 90 հազարի, որտեղ ArCa քարտերը կազմում են 46 հազար, Visa քարտերը` 38 հազար և MasterCard-ը` 6 հազար: Կնշեի, որ MasterCard-ի թողարկումն ու սպասարկումը բանկն սկսել է 2010 թվականին: Բանկոմատների քանակը կազմում է 113, իսկ POS-թերմինալները գործում են Հայաստանի առևտրի/սպասարկման 1300 կետերում:
Նախատեսում է արդյոք բանկն առաջիկայում ներդնել քարտային նոր ծրագրեր, այդ թվում նաև AmEx-ով:

2011 թվականին, երբ սկսենք թողարկել նաև American Card-ի այլ տեսակներ, մտադիր ենք հանդես գալ նորամուծությունով, կապված համատեղ ծառայություն մատուցելու հետ: Իսկ քարտային նոր նախագծերի ներդրման հնարավորությունները, այլ քարտերով նույնպես, մենք մշտապես քննարկում ենք:

Արթուր Ասլանյան

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

Ներմուծեք թվանշաններն

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

American Express քարտերը հասան Հայաստան