Երեքշաբթի, 21 Դեկտեմբերի 2010 11:34
Առէկսիմբանկ-Գազպրոմբանկի Խումբը մտադիր է 40 տոկոսով մեծացնել ակտիվները
ԱրմԻնֆո. «Առէկսիմբանկ-Գազպրոմբանկի Խումբ» ՓԲԸ գլխավոր տնօրենի տեղակալ Վիգեն Բարսեղյանի հարցազրույցը ԱրմԻնֆո գործակալությանը
Ֆինանսական ինչպիսի՞ ցուցանիշներ է մտադիր ապահովել բանկը մինչև 2010 թվականի ավարտը, ինչպես նաև առաջիկա երկու տարիներին:
Մինչև տարեվերջ բանկի ակտիվները կկազմեն ավելի քան 70 մլրդ.դրամ, ընդ որում, վարկային պորտֆելի բաժինը կկազմի 70%: Սպասվում է նաև Գազպրոմբանկից սուբօրդինացիոն վարկի ներգրավում, 10 մլն.դոլարի չափով , որի արդյունքում բանկի ընդհանուր պարտավորությունները կկազմեն շուրջ 57 մլրդ.դրամ, իսկ նորմատիվային կապիտալը` մոտ 20 մլրդ.դրամ: Մինչև 2010 թվականի ավարտը Բանկը նախատեսում է ստանալ 850 մլն.դրամ շահույթ:
Ելնելով բանկի 2011 թվականի զարգացման ռազմավարական Ծրագրից, ընդհանուր ակտիվները տարվա ընթացքում նախատեսվում է մեծացնել ավելի քան 40% (30 մլրդ. դրամով), կամ մինչև 102 մլրդ.դրամ, վարկային պորտֆելը` 22 մլրդ.դրամով կամ 40%, մինչև 70 մլրդ.դրամ, ընդ որում, իրավաբանական անձանց տրամադրվող վարկերը կավելանան մինչև 20 մլրդ.դրամ կամ 50% և մինչև 2011 թվականի ավարտը կկազմեն 60 մլրդ. դրամ, իսկ ֆիզիկական անձանց վարկերի ծավալները կաճեն 2 մլրդ.դրամով կամ 16.7% և կկազմեն մոտ 13 մլրդ.դրամ: Մեր կանխատեսումներով, 2011 թվականի ավարտին վարկային ընդհանուր պորտֆելում իրավաբանական անձանց վարկերը կկազմեն 82.5%, իսկ ֆիզիկական անձանց վարկերը` 17.5%: Բանկի ընդհանուր պարտավորությունները կկազմեն 83 մլրդ.դրամ, 2010 թվականի ավարտի համեմատ ավելանալով ավելի քան 45%: Հաշվի առնելով կանոնադրական կապիտալի 10 մլն.դոլարով մեծացումը, ապա ընդհանուր կապիտալը 2011 թվականի ավարտին կկազմի 19 մլրդ.դրամ: Արդյունքում, բանկի ակնկալվող շահույթը 2011 թվականի ավարտին կկազմի 1.3 մլրդ.դրամ կամ 3.5 մլն.դոլար, ինչը 50% ավելի է 2010 թվականի ֆինանսական ցուցանիշից:
Որքա՞ն է վարկերի ընդհանուր պորտֆելում բանկի կողմից նախատեսված սահմանաչափը խոշոր հաճախորդների համար: Ինչպե՞ս եք գնահատում մրցակցությունը շուկայի այդ հատվածում:
Սահմանափակումներ չկան: Այսպես, 2011 թվականին նախատեսում ենք սեփական, ինչպես նաև ներգրավված միջոցներով իրավաբանական անձանց տրամադրել մոտ 100 մլն.դոլարի վարկեր, ինչի շնորհիվ բանկի վարկային պորտֆելը կմեծանա առնվազն երկու անգամ: Մեր բանկի ռազմավարության մեջ հստակ ներկայացված է հաճախորդի համար արդյուանվետ տոկոսադրույքի կառավարման քաղաքականությունը: Դա նշանակում է, որ հաճախորդի հետ կնքվում է պայմանագիր, որի հիման վրա հաշվարկվում բոլոր եկամուտները (ոչ միայն տոկոսային), որոնք բանկը կարող է նրանից ստանալ: Հաճախորդը պետք է հստակ իմանա, թե իրեն համար ինչք կարժենա բանկային սպասարկումը: Հաճախորդի ծախսերի օպտիմալացման տեսանկյունից, ֆինանսական ճգնաժամի պայմաններում դա հանդիսանում է արդիական և կարևորագույն գործոն նոր կորպորատիվ հաճախորդներ ներգրավելու համար: Բացի այդ, ընկերությունների հաճախորդներին մենք արտոնյալ պայմաններով տրամադում ենք համալիր ծառայություններ: Ինչ վերաբերվում է մրցակցությանը, ապա այն բանկերին ստիպում է մշտապես աշխատել սեփական զարգացման ուղղությամբ, մշակելով ծառայությունների նորանոր տեսակներ, միաժամանակ բարելավելով սպասարկման որակը, այնպես որ առողջ մրցակցությունից, վերջին հաշվով, շահում են բոլորը, իսկ առաջին հերթին` հաճախորդը:
Ձեռնարկատիրության ֆինանսավորման ուղղությամբ Բանկը նախատեսո՞ւմ է արդյոք նոր ծառայություններ:
Ըստ նոր ռազմավարության, մեծ տեղ պետք է հատկացվի ձեռնարկությունների տեխնոլոգիական և տեխնիկական վերազինվածությանը: Հատկապես այդ նպատակով է, որ ընթացիկ տարում նախատեսում ենք ձեռնամուխ լինել լիզինգային գործառնությունների իրականացմանը: Այդ նպատակով էլ այժմ հետազոտում ենք շուկայի այդ հատվածը: Հետաքրքիր է, որ լիզինգի հայկական շուկան այդքան մեծ չէ, սակայն քիչ չեն խոշոր նախագծերը, որոնք մենք համարում ենք մեզ համար որպես պոտենցիալ նախագծեր: Լիզինգի շուկայում ակտիվանալով մեր բանկը, հաշվի առնելով տեղական շուկայի առանձնահատկությունները, կղեկավարվի մեր բաժնետիրոջ հետ փոխկապակցված «Գազպրոմբանկ-Լիզինգ» լիզինգային ընկերության փորձով: 2011թվականին նաև նախատեսում ենք միկրո և փոքր բիզնեսին էքսպրես-վարկերի տրամադրում:
Առէկսիմբանկ-Գազպրոմբանկի Խումբը վերջին տարում մի քանի անգամ մեծացրեց ՓՄՁ վարկավորման ծավալները: Ինչո՞վ էր դա պայմանավորված: Ի՞նչ ռեսուրսների հաշվին է բանկն ապահովել նման աճը:
Եթե 2009 թվականի դեկտեմբերի 1-ին փոքր և միջին բիզնեսի վարկավորման պորտֆելը կազմում էր 2.3 մլրդ.դրամ, ապա 2010 թվականի դեկտեմբերի1-ին պորտֆելի ծավալը կազմեց 3.8 մլրդ.դրամ: Այսինքն, ապահովվեց պորտֆելի 65% աճ: Դա հիմնականում կապված էր տնտեսության ակտիվացման հետ: Վարկերը տրամադրվում էին ինչպես Հայ-գերմանական (GAF) հիմնադրամի, այնպես էլ բանկի սեփական ռեսուրսների հաշվին: Այդ ժամանակահատվածում ՓՄՁ գծով վարկառուների թիվն աճեց 83%-ով:
ՓՄՁ ֆինանսավորման նոր աղբյուրների շարքում ներկայումս բանկը քննարկում է Համաշխարհային բանկից միջոցներ ներգրավելու հնարավորությունը: Ո՞ր փուլում են գտնվում այդ բանակցությունները:
Օրերս համագործակցությունը նախաձեռնելու և ՓՄՁ վարկավորման համար ֆինանսական միջոցներ ներգրավելու նպատակով տեղի ունեցավ Համաշխարհային Բանկի ներկայացուցիչների հետ մեր հանդիպումը: Հանդիպման ընթացքում որոշում ընդունվեց` մեր բանկը ներգրավել ՓՄՁ ֆինանսավորման ՀԲ ծրագրի մեջ, արտոնյալ պայմաններով: Հիշեցնեմ, որ գերմանական KfW բանկի GAF հիմնադրամի հետ բանակցությունների արդյունքում «Առեկսիմբանկ-Գազպրոմբանկի Խումբը» նույնպես պաշտոնական համաձայնություն էր ստացել ՓՄՁ ֆինանսավորման գծով:
Ինչպիսի՞ պայմաններով է բանկը տրամադրում ՓՄՁ վարկերը: Բիզնեսի ո՞ր ոլորտներն են ներկայացնում բանկի հաճախորդները ՓՄՁ գծով:
Ներկայումս մենք կարող ենք վարկր տրամադրել տարեկան 13-15% տոկոսադրույքով (ՀՀ դրամով) և 11-13% տարեկան տոկոսադրույքով (ԱՄՆ դոլարով) մինչև 7 տարի մարման ժամկետով, կախված վարկի նպատակից: Վարկավորումն իրականացվում է տնտեսության բոլոր ոլորտներում, մասնավորապես, առևտրի, հասարակական սննդի, ծառայությունների և արտադրության ոլորտներում:
Դուք ասացիք, որ 2011 թվականի Ռազմավարությունով Բանկի վարկային պորտֆելը կմեծանա 40%, մինչև 70 մլրդ.դրամ: Որքա՞ն կլինի ավտովարկավորման և հիպոթեկի բաժինը պորտֆելում, և ինչպիսի՞ աճ է նախատեսվում վարկավորման այդ տեսակներով 2010-2011 թվականներին:
2010 թվականին բանկի վարկային պորտֆելը մեծացավ մոտ 2.5 անգամ և տարեվերջին կկազմի ավելի քան 50 մլրդ.դրամ, իրավաբանական անձանց վարկային պորտֆելն ավելացավ 3.5 անգամ, իսկ մանրածախ վարկերը` 25%-ով:
Բաժնետերերի կողմից բանկի առջև դրված խնդիրների համաձայն, 2011 թվականին բանկը մտադիր է ակտիվացնել խոշոր կորպորատիվ հաճախորդների ներգրավման գործընթացը, միաժամանակ մեծ ուշադրություն հատկացնելով փոքր և միջին բիզնեսի սպասարկմանն ու վարկավորմանը: Վարկային պորտֆելի աճի տեմպերի պլանավորումը նախատեսում է նաև բիզնեսի կորպորատիվ հատվածի աճ, իրավաբանական անձանց վարկային պորտֆելի բաժնի մեծացում ընդհանուր վարկային պորտֆելում, այն հասցնելով առնվազն 80%-ի, միաժամանակ ավելացնելով նաև մանրածախ բիզնեսի ծավալները:
2011 թվականին նախատեսվում է բանկի վարկային ընդհանուր պորտֆելի 40% աճ, մինչև 70 մլրդ,դրամ: Միաժամանակ, իրավաբանական անձանց վարկային պորտֆելը նախատեսվում է մեծացնել 50%-ով, մինչև 60.5 մլրդ.դրամ: Չնայած նրան, որ հիմնական շեշտը դրվում է կորպորատիվ վարկավորման վրա, այնուամենայնիվ, 2011 թվականին ֆիզիկական անձանց վարկային պորտֆելը նախատեսվում է մեծացնել մոտ 20%-ով: Նշենք, որ ֆիզիկական անձանց վարկային պորտֆելի կազմում 2011 թվականին, 2010 թվականի համեմատ զգալի փոփոխություններ չեն նախատեսվում, հիպոթեկային և ավտովարկավորման բաժինները կպահպանվեն նույն մակարդակի վրա, համապատասխանաբար կազմելով` 17% և 16%:
Նախատեսվում է արդյոք մինչև տարեվերջ նոր մասնաճյուղերի բացում: Նախկինում «Աէկսիմբանկ-Գազպրոմբանկի Խումբը» հայտարարել էր, որ 2011 թվականին մտադիր է սկսել մասնաճյուղերի բացման նոր փուլ, համաձայն ռազմավարության, արդեն իրականացվե՞լ են առաջին քայլերը:
2011 թվականին, համաձայն 2010-2012 թվականների Ռազմավարության, նախատեսվում է չորս մասնաճյուղերի բացում` մայրաքաղաքում և մարզերում: Գազպրոմբանի Վարչությունն արդեն հավանություն է տվել այդ նախագծին, և 2011 թվականի սկզբին Բանկը ձեռնամուխ կլինի դրա իրականացմանը: Բացի այդ, հաճախորդների, այդ թվում նաև խոշոր, կորպորատիվ հաճախորդների սպասարկման որակը բարձրացնելու, նրանց համար ավելի հարմարավետ պայմաներ ստեղծելու, ինչպես նաև բանկի գործունեության արդյունավետությունը բարձրացնելու նպատակով նախատեսվում է գլխամասային գրասենյակի տեղափախում ավելի հարմարավետ շենք` քաղաքի կենտրոնում:
Պրն.Բարսեղյան, նախկինում բանկը հայտարարել էր, որ 2010 թվականի ավարտին մասնավոր տրանսֆերտների շրջանառությունը բանկում սպասվում է մոտ 35.1 մլրդ.դրամի չափով, այդ թվում, դեպի Հայաստան փոխանցումները կկազմեն 15.4 մլրդ.դրամ, իսկ հանրապետությունից դեպի դուրս` 19.7 մլրդ.դրամ: Ի՞նչ կասեիք այդ առիթով:
Այսօր մասնավոր տրանսֆերտների ծավալը Բանկում, SWIFT, Contact,Leader, Money Gram, Բիստրայա Պոչտա, Почта, Migom համակարգերով տարեսկզբին կամում էր 19.5 մլրդ.դրամ, որտեղ 11.8 մլրդ.դրամ էին կազմում հանրապետությունից դուրս ուղարկվող փոխանցումները և 7.6 մլրդ.դրամ` հանրապետություն ուղարկվղ փոխանցումները: Ինչպես տեսնում եք, ծավալները կրճատվել են:
Իսկ ինչպե՞ս կարելի է բացատրել մասնավոր տրանսֆերտների տեմպերի նվազումը: Ճգնաժա՞մով:
Այստեղ պատճառները բազմաթիվ են, այդ թվում նաև ճգնաժամը, սակայն ինձ թվում է մասնավոր տրանսֆերտների ծավալների անկման վրա հիմնականում ազդել է այն փաստը, որ անցյալ տարի փոխանցումներ սպասարկող կետերի թիվը Հայաստանում բավականին աճել է: Հայաստանի բանկերը, աստիճանաբար, դրամական փոխանցումների նորոնոր համակարգեր են ներգրավում, ընդ որում, մշտապես մեծանում է նաև նման ծառայություններ մատուցել ցանկացող բանկերի թիվը:
Արթուր Ասլանյան
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%