Հինգշաբթի, 23 Դեկտեմբերի 2010 11:02

America Group-ը կոչ է անում միասնաբար օգնել կյանքի համար պայքարող մեր մանուկներին

Արմինֆո. ՙԱմերիա՚ խումբը Ամանորի և Սուրբ Ծննդյան տոնի կապակցությամբ սույն թվականի դեկտեմբերի 21-ին կազմակերպել էր բարեգործական միջոցառում` երեխաների նկարների ցուցահանդես-վաճառք և աճուրդ: Միջոցառումը նպատակ ուներ աջակցել քաղցկեղային և հեմատոլոգիական հիվանդություններով հիվանդ երեխաներին և նախատեսված էր միջոցառման ողջ հասույթը փոխանցել 13 երեխայի, որոնք այս պահին գտնվում են բուժման ընթացքում և դրամական օգնության կարիք են զգում: Միջոցառման ընթացքում աճուրդից, նկարների վաճառքից և առանձին գումարների նվիրաբերությունից հավաքագրված գումարը կազմեց 15,871,700 ՀՀ դրամ:
Ամերիա խումբը շնորհակալություն է հայտնել իր գործընկերներին, հաճախորդներին, աշխատակիցներին, բոլոր այն անձանց և բոլոր այն կազմակերպություններին, ովքեր արձագանքեցին Ամերիայի նախաձեռնությանը և մասնակցեցին միջոցառմանը` ցուցաբերելով ֆինանսական և բարոյական աջակցություն կյանի համար պայքար մղող մեր մանուկներին: Ամերիաբանկը 2011թ. հունվար ամսին կներկայացնի հաշվետվություն նվիրատվություն կատարած անձանց` յուրաքանչյուր երեխային հատկացրած միջոցների, գումարների օգտագործման ուղղությունների և երեխաների բուժման ընթացքի վերաբերյալ:

Այսօր նվիրաբերության համար շարունակվում են հեռախոսազանգերը և այցելությունները Ամերիաբանկ: Բոլոր այն անձինք և կազմակերպությունները, ովքեր ցանկություն ունեն մասնակցելու Ամերիայի նախաձեռնությանը` կարող են գումարները փոխանցել Ամերիաբանկում բացված 15700 38410778000 հաշվեհամարին: Զանգահարելով Ամերիաբանկ 561111 հեռախոսահամարով` կարելի է ծանոթանալ 13 երեխայի տվյալներին` հիվանդությունների պատմությանը և բուժման համար անհրաժեշտ գումարների չափին, որոնց օնության համար կազմակերպվել է հիշյալ միջոցառումը: Ամերիա խումբը արդեն այս տարի ավելի քան 3,6 մլն ՀՀ դրամ էր փոխանցել չորս երեխայի բուժման համար և որոշում է կայացրել “Ամերիա” խմբի գործընկերների և հաճախորդների ամանորյա ավանդական նվերների համար նախատեսված գումարը ևս օգտագործել այդ նպատակով:

Ամերիա Խումբը շնորհակալություն է հայտնել Գեղագիտության Ազգային Կենտրոնին, Ֆրիտյոֆ Նանսենի անվան երեխաների խնամքի և պաշտպանության թիվ 2 գիշերօթիկ հաստատությանը, ՍOՍ մանկական գյուղեր հայկական բարեգործական հիմնադրամին, Օրրան բարեգործական ՀԿ-ին, Զատիկ մանկատանը` երեխաների նկարները սիրով տրամադրելու համար: Շնորհակալություն ենք հայտնում նաև բոլոր այն երեխաներին, ովքեր միջոցառմանը ներկայացրեցին իրենց աշխատանքները` ՙ100 տարին Ձեր աչքերով՚, ՙՆվիրիր կյանք՚ և ՙՀայկական հեքիաթ՚ թեմաներով: Միջոցառման ժամանակ տեղի ունեցավ երեխաների աշխատանքների ուսումնասիրում արվեստի և հասարակական գործիչների կողմից, որոնք բարձր գնահատեցին երեխաների ստեղծագործական ձիրքն ու վառ երևակայությունը: Տեղի ունեցավ մրցանակաբաշխություն, երեխաներն արժանացան նվերների:

Նշենք, որ այսօր Հայաստանում մեր օգնության կարիքն է զգում հեմատոլոգիական և քաղցկեղային հիվանդություններով հիվանդ ավելի քան 100 երեխա։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

America Group-ը կոչ է անում միասնաբար օգնել կյանքի համար պայքարող մեր մանուկներին