Ուրբաթ, 24 Դեկտեմբերի 2010 18:20
Ամուր մայր կառույցը բանկի կայուն զարգացման գրավականն է
ԱրմԻնֆո. Byblos Bank Armenia-ի գլխավոր գործադիր տնօրեն Արարատ Ղուկասյանի հարցազրույցը ԱրմԻնֆո գործակալությանը
Ինչպիսի՞ աջակցություն են ցույց տալիս բաժնետերերը Byblos Bank Armenia-ի զարգացմանը: Մասնավորապես, հետաքրքիր կլիներ իմանալ, նախատեսո՞ւմ են արդյոք բանետերերը բանկի հետագա կապիտալիզացիա, դրանով իսկ բանկին տալով վարկային շուկայում ավելի ակտիվանալու հնարավորություն:
Բաժնետերերի կողմից իրականացվում է հսկայական ֆինանսական աջակցություն, մենք ունենում ենք մշտապես բացված վարկային գիծ` Byblos Bank SAL-ից, որը հանդիսանում է Byblos Bank Armenia-ի մայր կառույցը և 2010 թվականի առաջին կիսամյակում մեզ հատկացրեց 10 մլն.դոլարի երկարաժամկետ վարկ, կորպորատիվ վարկաովրման նպատակով: Բացի այդ, վերջերս ավարտվեցին EBRD և OFID հետ բանակցությունները, յուրաքանչյուրից 5 մլն.դոլար վարկ ստանալու նպատակով: Առաջին տրանշը, որը կազմում է 5 մլն.դոլար, ստացել ենք 2010 թվականի դեկտեմբերին, իսկ երկրորդին սպասում ենք 2011 թվականի հունվարին: Միջոցները կուղղվեն ՓՄՁ վարկավորկանը, 5 տարի մարման ժամկետով և բավականին գրավիչ տոկոսադրույքներով:
Ինչպիսի՞ն է բանկի վարկային պորտֆելը և որքա՞ն են կազմում ժամկետանց վարկերը: Փոփոխվե՞լ են արդյոք բանկի վարկերի տոկոսադրույքները վերջին տարում և ո՞ր ուղղությամբ կարող է ընթանալ այդ <տրենդն> առաջիկայում:
Բանկի վարկային պորտֆելը կազմում է 16 մլրդ.դրամ, որտեղ ժամկետանց վարկերի բաժինը կազմում է 3%, ինչը վկայում է պորտֆելի բարձր որակի մասին:Մեր կանխատեսումներով, տարեվերջին բանկի վարկային պորտֆելը կհասնի 16.5 մլրդ.դրամի, որտեղ 13 մլրդ.դրամ կկազմեն արդյունաբերության և առևտրի ոլորտներում տրամադրված վարկերը: 2011 թվականին ակնկալում ենք վարկային պորտֆելի 60-70% աճ, քանի որ նախատեսվում է արտահանվող ապրանքներ արտադրող արդյունաբերական ձեռնարկությունների աջակցություն:
Բանկային համակարգում վարկերի և ավանդների տոկոսադրույքերը վերջերս սկսել են իջնել և կարծում եմ, որ այդ միտումը կշարունակվի:
Ի՞նչ չափանիշներով է բանկի կողմից ընտրվում վարկառուն, և ինչպե՞ս է Byblos Bank Armenia-ն գնահատում նրա վճարունակությունը: Օգտվո՞ւմ եք արդյոք վարկային ռեգիստրի և վարկային բյուրոյի տվյալներից, թե՞ բանկն ունի վարկառուի գնահատման իր սեփական համակարգը:
Որպես Byblos Խմբի անդամ, մեր բանկն օգտվում է նույն գործիքներից և մեթոդներից, որոնցից օգտվում են Խմբի մյուս անդամները: Ինչպես հայտնի է, բանկը գործում է 12 երկրներում, ինչն էլ բանկին թույլ է տալիս վարկային հատվածում կուտակել համապատասխան փորձ և գիտելիքներ: Հաճախորդին ընտրելիս մեր առաջին չափանիշը նրա կայուն ֆինանսական դրությունն է: Մենք ունենք նաև սահմանված ստանդարտներ, որոնք վերաբերվում են շրջակա միջավայրի պահպանությանը: Բանկում ներդրված է ռիսկերի գնահատման համակարգ, որը հաշվարկում է վարկի և գրավի միջև անհրաժեշտ հարաբերակցությունը, ինչպես նաև հաճախորդի վարկունակությունը: Հաճախորդին ընտրելու մեթոդաբանության հետ մեկտեղ, օգտվում ենք նաև վարկային ռեգիստրի և վարկային բյուրոյի տվյալներից:
Byblos Bank Armenia-ն կենտրոնացած է խոշոր կորպորատիվ հաճախորդների վարկավորման վրա: Բանկի վարկային պորտֆելում ինչպիսի՞ բաժին են կազմում այդ հաճախորդները:
Կորպորատիվ հաճախորդների բաժինը մեզ մոտ բավականին բարձր է, կազմում է վարկային պորտֆելի ավելի քան 81%-ը: Մենք կենտրոնացած ենք նաև ՓՄՁ վարկավորման ակտիվացման ուղղությամբ, քանի որ ձգտում ենք բանկի պորտֆելը դարձնել ավելի դիվերսիֆիկացված, ընդ որում, դրանից որոշ կորպորատիվ հաճախորդների բաժինը մեր վարկային պորտֆելում կարող է փոքրանալ:
Մտադի՞ր է արդյոք բանկն ակտիվանալ պլաստիկ քարտերի շուկայում: Որքա՞ն քարտ, բանկոմատ և POS-թերմինալ ունի բանկն այսօր և որքանո՞վ դրանք կավելանան առաջիկայում: Օրիգինալ ի՞նչ քարտային նախագծեր են ներդրվել բանկի կողմից:
Մենք որոշել ենք մասնաճյուսերի բացման հետ մեկտեղ ավելացնել նաև բանկոմատների թիվը: Byblos Bank Armenia-ի բանկոմատների ցանցը միացված է ArCa համակարգին, ինչը մեր քարտապաններին թույլ է տալիս օգտվել մյուս բանկերի բանկոմատներից, որոնք ունեն ավելի լայն ցանց: 2011-2013 թվականներին նախատեսվունմ է 3 նոր մասնաճյուղերի բացում: 2011 թվականի երկրորդ կիսամյակի սկզբում մեկ մասնաճյուղ կբացվի Երևանում, ինչպես նաև կբացվի Վանաձրի վերանորոգված մասնաճյուղը: Հաջորդ տարում նախատեսում ենք կրկնապատկել քարտերի թիվը, կփորձենք ավելացնել նաև POS-թերմինալների քանակը:
Լինելով խոշոր բանկային հոլդինգ, Byblos Bank SAL-ը չի՞ նախատեսում հայկական դստեր համար ստեղծել սեփական պրոցեսինգ:
Ներկայումս մենք հանդիսանում ենք ArCa վճարային համակարգի անդամ, որի գործունեությունը պրոցեսինգային ծառայությունների առումով մեզ լիովին բավարարում է: Մենք ընդունում ենք այն փաստը, որ քարտային հատվածում առաջատարների մեջ չենք, սակայն ապագայում, կախված քարտային բիզնեսի ծավալներից, որը մենք ձգտում ենք զարգացնել, բաժնետերերի աջակցությամբ կքննարկենք նաև սեփական պրոցեսինգային կենտրոն ունենալու հնարավորությունը:
Արթուր Ասլանյան
ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները