Չորեքշաբթի, 29 Դեկտեմբերի 2010 19:48

Քարտային գործարքներով միջնորդավճարները կիջնեն

ԱրմԻնֆո. Արդշինինվեստբանկի Վճարային քարտերով ծառայաությունների զարգացման Վարչության ղեկավար Դավիթ Մակարյանի հարցազրույցը ԱրմԻնֆո գործակալությանը

2010 թվականի դեկտեմբերի 1-ի դրությամբ որքա՞ն է բանկի ակտիվ քարտերի քանակը և որքա՞ն է կազմում աշխատավարձային սխեմաների բաժինը: Նկատվո՞ւմ է արդյոք աճի դինամիկա:

Հայաստանի պլաստիկ քարտերի շուկայում Արդշինինվեստբանկը գտնվում է առաջատարի դիրքերում (թողարկված քարտերի քանակով 4-րդ տեղ, իսկ ընդհանուր շրջանառությամբ` 2-րդ տեղ): 2010 թվականին թողարկվել է Armenian Cards, Visa International և MasterCard Worldwide վճարային համակարգերի 19200 քարտ: Ըստ մեր քաղաքականության, հիմնական շեշտը դրվում է ակտիվ քարտերի վրա, բացի այդ, քարտը պետք է լինի նաև գնումներ կատարելու, այլ ոչ թե միայն կանխիկացման միջոց, ինչը որ ընդունված է մեր շուկայում: Ցավոք, Հայաստանում POS-թերմինալների միջոցով առևտրի ցանցերում իրականացվող գործարքների քանակը բավականին ցածր է: Իսկ Արդշինինվեստբանկում աշխատավարձային սխեմաների բաժինը կազմում է 70 տոկոս:

Ընթացիկ տարվա երրորդ եռամսյակի արդյունքներով որքա՞ն է վարկային քարտերի բաժինը բանկի վարկային պորտֆելում: Որքանո՞վ կարող է աճել վարկային քարտերի պորտֆելը 2009 թվականի համեմատ:

Ճգնաժամային փուլում բանկը կասեցրել էր վարկավորումը, սակայն ներկայումս, 2010 թվականի սկզբի համեմատ քարտային վարկերի պորտֆելն ավելացել է 300 տոկոսով, ինչը պայմանավորված է վճարային քարտերով վարկերի ինտենսիվ տրանմադրումով: Աճի տեմպերը մեզ մոտ բավականին բարձր են, և, հուսով եմ, որ այն կշարունակվի նաև 2011 թվականին:

Ի՞նչ կասեիք Արդշինինվեստբանկի քարտային ծառայությունների նկատմամբ հաճախորդների պահանջարկի մասին, Հայաստանում անկանխիկ գործարքների առկա ցածր մակարդակի պայմաններում:

Ինչպես հայտնի է, անկախ բանկից, հաճախորդը միշտ էլ ցանկանում է սպասարկվել առավելագույնս արտոնյալ պայմաններով, և Արդշինինվեստբանկը միշտ էլ աշխատում է իր ծառայությունները մատուցել մատչելի պայմաններով` կանխիկացման և տարեկան սպասարկման ճկուն սակագներով, տրամադրվող քարտերով (ArCa, Visa и MasterCard) մատուցելով ծառայությունների լայն տեսականի, ինչպես դեբետորական, այնպես էլ վճարային և կրեդիտորոկան քարտերով:

Բանկի կողմից քարտային ինչպիսի՞ ծրագրեր են արդեն ներդրվել:

Ներկայումս բանկը նոր պրոդուկտ է ներդրել` “Նուռ” վճարային քարտը, MasterCard Worldwide միջազգային վճարային համակարգի MasterCard Debit վճարային քարտի բազայի վրա: Այդ քարտը միավորում է MasterCard վճարային քարտը և Նուռ բոնուսային ծրագիրը, որի միջոցով կարելի է գործարքների իրականացնել ամբողջ աշխարհում: Գործարքների իրականացնելիս քարտապանին ավտոմատ կերպով բոնուսներ են հաշվարկվում, ինչպես Բանկի, այնպես էլ նախագծի գործընկեր-խանութների կողմից, որոնք աստիճանաբար կուտակվում են: Կուտակված բոնուսները քարտապանին թույլ են տալիս ապրանքներ և ծառայություններ ձեռք բերել ծրագրի հետ համագործակցող առևտրի կազմակերպություններից, որոնք նշված են համապատասխան կատալոգներում և <Նուռ> բոնուսային ծրագրի կայքում: Հատկապես վճարային քարտերով անկանխիկ հաշվարկները խթանելու ուղղությամբ տարբեր տեսակի ծրագրերի ներդրումը կլինի Բանկի պրերոգատիվ ուղղությունը 2011 թվականին:

Որքա՞ն է Արդշինինվեստբանկի բանկոմատների և POS-թերմինալների քանակը 2010 թվականի դեկտեմբերի 1-ի դրությամբ և ինչպիսի՞ աճ է արձանագրվել տարեսկզբից, ինչպես նաև տարվա կտրվածքով: Բանկոմատների և POS-թերմինալների թվի ինչպիսի՞ աճ է նախատեսվում 2011 թվականին:

Մասնաճյուղերի իր ցանցով (56 մասնաճյուղ) Արդշինինվեստբանկը երկրի բանկային համակարգում զբաղեցնում է առաջատար դիրքերից մեկը: Այնուամենայնիվ, մենք միշտ ձգտում ենք հաճախորդներին ապահովել սպասարկման հարմարավետ պայմաններով, անկախ տարածաշրջանից: Ներկայումս բանկն ունի 60 բանկոմատ, որոնց կեսը գտնվում է մարզերում: Բացի այդ, 2010 թվականի ավարտին Բանկը մտադիր է տեղադրել ևս 6 բանկոմատ, որոնցից միայն 1-ը կլինի Երևանում: POS-թերմինալների քանակը կազմում է 132: Իսկ 2011 թվականին նախատեսում ենք այս ցուցանիշն ավելացնել 1.5 անգամ:

Ինչպե՞ս եք գնահատում Հայաստանի պլաստիկ քարտերի շուկան, ինչպես նաև քարտային գործարքներով միջնորդավճարների փոփոխության դինամիկան:

Ներկայումս Հայաստանի վճարային քարտերի շուկան հանդիսանում է կայացած և բավականին դինամիկ կերպով զարգացող մի շուկա: Ընդ որում, նկատվում է բավականին կոշտ մրցակցություն: Բնական է, որ նման իրավիճակը բերում է ինչպես մատուցվող ծառայությունների բարելավման, այնպես էլ քարտային գործարքներով միջնորդավճարների ամենամյա նվազեցման: Վերջին 5-6 տարիներին քարտային գործարքների միջնորդավճարները կտրուկ կերպով նվազել են, և, իմ կարծիքով, այդ միտումները կշարունակվեն նաև 2011 թվականին: Հաճախորդների հետագա ներգրավումը հիմնականում պայմանավորված կլինի զեղչերի տրամադրման, բոնուսների կուտակման և խթանման այլ մեթոդներով, երկրի բանկային համակարգում պլաստիկ քարտերն ավելի ինտենսիվորեն օգտագործելու համար:

Արթուր Ասլանյան

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

Քարտային գործարքներով միջնորդավճարները կիջնեն