Չորեքշաբթի, 19 Հունվարի 2011 11:50

Արտարժութային վարկերի ավելի քան 54 տոկոսը տրամադրվել է արդյունաբերության և առևտրի ոլորտներում

Արմինֆո. 2010 թվականի հունվար-նոյեմբեր ամիսներին Հայաստանի առևտրային բանկերի կողմից ռեզիդենտներին տրամադրված վարկերի ծավալը կազմել է 846 մլրդ.դրամ կամ 2.4 մլրդ.դոլար: Ըստ ՀՀ Կենտրոնական բանկի տվյալների, տարվա կտրվածքով այս ցուցանիշը աճել է 26%, իսկ հունվար-նոյեմբեր ամիսներին` 21%, իսկ միայն նոյեմբերին` 2.8%: Վարկավորման ընդհանուր ծավալներում դրամային վարկերի բաժինը կազմել է 43% կամ 361 մլրդ.դրամ ¥1 մլրդ.դոլար¤, իսկ արտարժութային վարկերի բաժինը` ավելի քան 57% կամ 485 մլրդ.դրամ ¥1.4 մլն.դոլար¤: Ի դեպ, դրամային ավանդները տարվա կտրվածքով աճել են 12.6%, իսկ արտարժութային ավանդները` 37.5%:

Մեծ մասը` 22.5%, կազմել է արդյունաբերության ոլորտի`190.4 մլրդ.դրամ ռեզիդենտների բաժինը, որտեղ դրամային վարկերը կազմել են 47.3 մլրդ.դրամ, իսկ արտարժութային վարկերը` 143.1 մլրդ.դրամ: Առևտրի ոլորտի բաժինը կազմել է 21.6% կամ 182.8 մլրդ.դրամ, որտեղ դրամային վարկերը կազմել են 62.2 մլրդ.դրամ, իսկ արտարժութային վարկերը` 120.6 մլրդ.դրամ: Արտարժութային վարկերի ավելի քան 54%-ը կազմել են արդյունաբերության հատվածին և առևտրի ոլորտին տրամադրված վարկերը:

Վարկերի ընդհանուր ծավալներում սպառողական վարկերի բաժինը կազմել է 18.3% կամ 154.7 մլրդ.դրամ, որտեղ դրամային վարկերը կազմել են 137.1 մլրդ.դրամ, իսկ արտարժութային վարկերը` 17.6 մլրդ.դրամ: Հիպոթեկային վարկերի բաժինը կազմել է 5.6% կամ 86.2 մլրդ.դրամ, որտեղ դրամային վարկերը կազմել են 52.7 մլրդ.դրամ, իսկ արտարժութային վարկերը` 33.5 մլրդ.դրամ:

Շինարարության ոլորտում ռեզիդենտների բաժինը կազմել է 8.3% կամ մոտ 71 մլրդ.դրամ, որտեղ դրամային վարկերը կազմել են 18.4 մլրդ.դրամ, իսկ արտարժութային վարկերը` 52.4 մլրդ.դրամ: Գյուղատնտեսության ոլորտում ռեզիդենտների բաժինը կազմել է 5.7% կամ 48.6 մլրդ.դրամ, որտեղ դրամային վարկերը կազմել են մոտ 7 մլրդ.դրամ, իսկ արտարժութային վարկերը` 41.7 մլրդ.դրամ: Ծառայությունների ոլորտում ոլորտում ռեզիդենտների բաժինը կազմել է 4.6% կամ մոտ 38.6 մլրդ.դրամ, որտեղ դրամային վարկերը կազմել են 13.6 մլրդ.դրամ, իսկ արտարժութային վարկերը` 25 մլրդ.դրամ: Տրանսպորտի և կապի ոլորտում ռեզիդենտների բաժինը կազմել է 3% կամ մոտ 25.6 մլրդ. դրամ, որտեղ դրամային վարկերը կազմել են 9 մլրդ.դրամ, իսկ արտարժութային վարկերը` 16.7 մլրդ.դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Արտարժութային վարկերի ավելի քան 54 տոկոսը տրամադրվել է արդյունաբերության և առևտրի ոլորտներում