Հինգշաբթի, 27 Հունվարի 2011 15:10
Ամերիաբանկն առաջարկում է ոսկով մետաղական հաշիվներ
Արմինֆո. Ամերիաբանկն առաջարկում է 999.9 հարգի ոսկով առարկայազուրկ մետաղական հաշիվների բացում և վարում: Ինչպես ԱրմԻնֆո գործակալությանը տեղեկացվել է Ամերիաբանկի մամուլի ծառայությունից, այն նախատեսված է ֆիզիկական անձանց և կորպորատիվ հաճախորդների համար:
Աղբյուրի համաձայն, առարկայազուրկ մետաղական հաշիվները հնարավորություն են ընձեռում պահպանել խնայողություններն անկանխիկ ոսկով: Որպես խնայողությունների այլընտրանքային տարբերակ` ոսկով մետաղական հաշիվները հնարավորություն են ընձեռում ոչ միայն դիվերսիֆիկացնել խնայողությունները, այլ նաև ավելացնել դրանք` միջազգային շուկայում ոսկու գնի բարձրացման շնորհիվ: Ոսկով մետաղական հաշիվն ունի նաև մի շարք այլ առավելություններ` այն հնարավորություն է տալիս նվազեցնել անկայուն ֆինանսական շուկայի, մասնավորապես, արժույթների փոխարժեքների տատանման ազդեցությունը:
Ինչպես ցույց տվեց վերջին ֆինանսատնտեսական ճգնաժամը, ոսկին շարունակում է հանդիսանալ առաջատար և գրավիչ ֆինանսական գործիք` հատկապես ֆինանսական շուկաների անկայուն իրավիճակներում: Ի տարբերություն ֆիզիկական տեսքով ոսկու, առարկայազուրկ մետաղական հաշվում պահվող անկանխիկ ոսկին չունի անվտանգ պահպանման, կորստի կամ վնասման խնդիր, ինչպես նաև ոսկու հարգի հետ կապված հնարավոր զեղծարարության վտանգ: Անկանխիկ ոսկին ապահովում է իրացվելիության բարձր մակարդակ, քանի որ հաճախորդը կարող է ցանկացած ժամանակ վաճառել ոսկին բանկին` այդ պահին գործող փոխարժեքով և ստանալ իր գումարը:
Ամերիաբանկում մետաղական հաշիվները բացվում են առանց միջնորդավճարի, և հաշվի նվազագույն մնացորդի պահանջի, չկա գումարների և ժամկետների սահմանափակում: Հաճախորդի անկանխիկ ոսկու հաշվառման և անկանխիկ ոսկով գործարքների կնքման նպատակով նշվում են միայն ոսկու հարգը և կշիռը` առանց ոսկու այլ անհատական տվյալների:
Ամերիաբանկը ոսկու գնանշումն իրականացնում է գրամով և իր ինտերնետային կայքում օրական կտրվածքով հրապարակում է տվյալներ ոսկու գնանշման մասին, որը փոփոխվում է` կախված միջազգային շուկաներում ոսկու գնի փոփոխությունից: Առաջարկելով ոսկով առարկայազուրկ մետաղական հաշիվների բացման և վարման ծառայությունը` Ամերիաբանկն ընդլայնում է իր հաճախորդներին առաջարկվող ծառայությունների շրջանակը` ապահովելով միջոցների տեղաբաշխման ևս մեկ այլընտրանքային տարբերակ:
ՙԱմերիաբանկ՚ ՓԲԸ կորպորատիվ, ներդրումային բանկ է, որն իրականացնում է կորպորատիվ և սահմանափակ մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկի Տնօրենների խորհրդի նախագահն է Ռուբեն Վարդանյանը, Տնօրինության նախագահ-Գլխավոր տնօրենը` Արտակ Հանեսյանը: Ամերիաբանկի ռազմավարական գործընկերն է ՙՏրոյկա Դիալոգ՚ խումբը` Ռուսաստանի Դաշնության ամենամեծ ներդրումային ընկերություններից մեկը:
Փորձագետ․ Հայաստանը տարիներ շարունակ նավթամթերք է ներկրում Թուրքիայից
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները