Երեքշաբթի, 1 Փետրվարի 2011 17:41

Ամերիաբանկի վարկային պորտֆելը 2010թ.աճել է 37%-ով

ԱրմԻնֆո. Ամերիաբանկի վարկային պորտֆելը 2010թ.աճել է 37%-ով և 31.12.10թ. դրությամբ կազմել 89 մլրդ դրամ, ընդ որում, պորտֆելի աճի 93%-ն ապահովվել է իրավաբանական անձանց տրված վարկերի հաշվին, որոնք հաշվետու տարվա ընթացքում աճել են 43 %-ով: Առ 31.12.10թ. դրությամբ Բանկի վարկային պորտֆելի 84%-ը /74 մլրդ դրամ/ կազմում են կորպորատիվ հաճախորդներին տրված վարկերը:

Ինչպես ԱրմԻնֆո-ին հաղորդել են բանկի մամլո ծառայությունից, բանկը 31.12.10թ. դրությամբ ապահովել է վարկային պորտֆելի բարձր որակ` Բանկի վարկային պորտֆելում դասակարգված վարկերը կազմում են ամբողջ պորտֆելի ընդամենը 0.28 %-ը:

Չնայած Ամերիաբանկի վարկային պորտֆելի գերակշռող մասը կազմում են կորպորատիվ հաճախորդներին տրված վարկերը, այնուհանդերձ բանկը շարունակում է ընդլայնել ֆիզիկական անձանց, հատկապես կորպորատիվ հաճախորդների աշխատակիցների համար նախատեսված վարկային փաթեթի տեսականին և բարելավել վարկերի տրամադրման պայմանները: Արդյունքում` ֆիզիկական անձանց վարկային պորտֆելն անցյալ տարվա ընթացքում աճել է 31% -ով և կազմել շուրջ 15 մլրդ դրամ: Նշենք նաև, որ Ամերիաբանկի ակտիվները 2010թ. աճել են 25%-ով և տարեվերջին կազմել 153 մլրդ դրամ, իսկ զուտ շահույթը աճել է 56%-ով և կազմել 2.9 մլրդ դրամ:

“Ամերիաբանկ” ՓԲԸ կորպորատիվ, ներդրումային բանկ է, որն իրականացնում է կորպորատիվ և սահմանափակ մանրածախ բանկային ծառայություններ` տրամադրելով բանկային լուծումների ամբողջական փաթեթ: “Ամերիաբանկ”-ի ռազմավարական գործընկերն է “Տրոյկա Դիալոգ” խումբը` Ռուսաստանի Դաշնության ամենամեծ ներդրումային ընկերություններից մեկը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Ամերիաբանկի վարկային պորտֆելը 2010թ.աճել է 37%-ով